Marcos 5:24 - Dios Iwene

²⁴ Jejenö aebökwe itekwöda 'yi̧jetö ejube. Ju'wedöbi ba̧jekwadö, ajayi ichajadöma, ökömanö 'yi̧jadötö. 'Ya̧nö isayunö bakobe 'diinö tjisawijadötö Jesúsnöma.

Marcos 5:24 ပူးပေါင်းရင်းမြစ်များ

Marcos 3:20

Ikenama, Jesús iteda öba̧ja̧di̧ waisachadökwö 'yi̧jetö Capernaúmbe. Tjichibena jojodöma ba̧jekwadö ichö Jesúsnö kabatökönö wetja̧lakwawobetjö̧ Jesúsbi iteda öba̧ja̧di̧ waisachadöbi tju̧kwabi kwökönö ji̧jadötö.

Marcos 5:23

Jesúsnö abebijetö: —Chuluwo̧, ötjö chitjijuma jwiinö jö'wöchobe. Ida̧ökö ö'wö bajibakobe. Lȩlö̧jino edö pjabatitjö. Chejube ichi jobujunö maköbo jö'wöchi̧ jwiamachibobe 'yajibajinö— abebijetö.

Marcos 5:25

Ja̧danö tji̧'yobe jelujubi 'yi̧jotö. Ja'yubeda yöta̧la, jobuju jö̧jinama. Jobujuma iwo suli̧ waekwabinö ö'wöchö ji̧abijotö, jökwösobu nöinö meobe. Lekwe o̧biya a̧li̧nösamutjö döbölatajanö ö'wöchijotö.

Marcos 5:31

abebö a̧ja̧kwiawö̧, iteda öba̧ja̧di̧ waisachadöma atadijadötö: —¿Dakwö döwaisobö ökwö kwökamijido̧nö mabajo̧nöma, ba̧jekwadö isayunö bakobe 'diinö tjisawö di̧'yobema? Kabatökönö jelo̧bi jelujubi ökwönö matjena— atadijadötö.

Lucas 11:29

Ajayitjö bajalekwönönö jojodö tjöba̧jekwachinobe, ja̧danö ba̧jekwadö tjoko̧ko̧kwachibenama, Jesúsma jobadönö yöawinobe: —Ökwödö babe möle ju̧kwadöma sulabedöja, ja̧danö Diosnö kabatibadö kwö̧jaduwobetjö̧, jojodö edajitjökö jawa i̧sekwa abebadöja. Jo̧kwaijayonö akebaduwi̧danöma chi̧sebökö. Dios weökwe chö̧ji̧ i̧seböma, sule bakwöta jawada chi̧sebocha, Dios yöawi̧ yöbawo̧ Jonas mikwo̧nö baledinadanö. Jonas ba̧i̧so̧ ukwa'wo okwa a̧jina baledinadanö baledakwa̧da chi̧sebocha.

Lucas 12:1

Yelösöda ba̧jekwadö jojodöma tjoko̧ko̧kwachibinobe, ja̧danö yelösöda ba̧jekwadö tjo̧ko̧kwachibobetjö̧ ja̧tabikwawö tjö̧jinobe. Ja̧danö, jojodö ichö tjo̧ko̧ko̧kwonö, Jesúsma iteda öba̧ja̧di̧ waisachadönö yöawinobe: —Chömöledö, wanedö yötawa, te'ada̧lönö kwö̧jaduwo, fariseo jojodö tjujuna̧li̧ ye'yeachi̧ jawa ökwödönöbi ye'yeachapji jö̧ba̧lö. Jobadö tjujuna̧li̧ ye'yeachi̧ jawama dötölatajanö omukwatakwawa, baikwö labebö lobö yötawa chömöledö. Jobadöma okwanö sulabenö tjo̧mukwatijayonö, wamenö otiwanö omukwatadödanö tjichejekwobe, ja̧danö tjomukwatobe, sulabenö domukwatijayonö wene jwia, la'akatjöda sulabenö domukwati̧ma öwawökakobe— jö̧ba̧lö wanedö yöawinobe—.

Lucas 19:3

Jo̧ba Zaqueoma Jesúsnö edobö jö̧a̧linobe, jo̧kwaijayonö jojodö tjöba̧jekwobetjö̧, ja̧danö Zaqueoma pebo̧obetjö̧ waekwinobe.

Lucas 7:6

Atjebökwe, Jesúsma jobadökwö i̧'yinobe guardia luwo̧ eju jo̧bekwö, jo̧kwaijayonö yöne tjichibena, ina ichibapji, guardia luwo̧ma iteda ömöledönö weinobe, Jesúsnö yötja̧lobö: —Chuluwo̧, ödö kwekachoko chejube kwichoböma. Ötjöma mikwawö̧kö̧sa cheju tekachoböma chuluwo̧.

Lucas 8:42

Jo̧ba Jairoma itjiju jo̧dawujunöda ujuna̧linobe, a̧li̧nösamutjö dötölataja jenanö o̧biya junalujuma, ja̧danö itjijuma jwiinö jö'wöchinobe, ö'wö bajibenanö. Ja̧danö jejenö jö'wöchiökwe, Jairoma Jesúsnö abebö i̧'yinobe. Aebökwe, Jesúsma jo̧bakwö i̧'yinobe, ja̧danö ba̧jekwadö jojodöma isayunö bakobe Jesúskwö tji̧'yinobe.

Lucas 8:45

Jejenö baibiökwe, Jesúsma abebö a̧ja̧kwinobe: —¿Ti ötjönöma maaja̧da?— jö̧ba̧lö. Abebö a̧ja̧kwawö̧, okobe deinö, Ötjömaökö, jö̧ba̧lö tjatadakwawinobe. Ja̧danö, Pedroma Jesúsnö yöa̧linobe: —Chuluwo̧, ba̧jekwadö isayunö bakobe kwedachobe, ja̧danö ba̧jekwadö tjösawobetjö̧ ba̧jekwadö ökwönö matjajena— jö̧ba̧lö.

Hechos 10:38

Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.