Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Marcos 4:24 - Dios Iwene

24 Ja̧danö, jö̧ba̧lijetö Jesúsma jobadönöma: —Kwa̧ja̧kwaduwi̧ma otiwanö omukwata̧laduwi. Ötjö yötawi̧ma otiwanö omukwata̧lö kwa̧ja̧kwaduwitjö̧ma Diosma kwöwaisachibaduwobö pjaatakwo̧. Ikenama ju'wi jawabi ju'wi jawabi kwöwaisachibaduwobö pjaatakwo̧ Diosma, ajayinö kwöwaisachibinaduwemitjö bajalekwönönö kwöwaisachibaduwinö baibanö.

အခန်းကိုကြည့်ပါ။ ကော်ပီ




Marcos 4:24
16 ပူးပေါင်းရင်းမြစ်များ  

Ja̧danö, ju'wibi yötawa, chitji̧nö yötawinadanö: —Chitji̧, a̧ja̧kwitjö: Ba̧kwȩlö̧jatebö kwa̧ja̧kwo ökwönö jwebebö yötawinama, kabatibökönö. Jao chitji̧, kwo̧'wo̧ jwikiboko di̧ya sulojobö jö̧ba̧lö, di̧ya otiwojobö jö̧ba̧lö yötawinama jelobekwö kwomukwatapji jö̧ba̧lö— jobekwö baledobe chitji̧nö yötawina.


Teada̧lönö a̧ja̧kwalö, chöjobekwö kwichaduwo chömöledö. Otiwanö kwa̧ja̧kwaduwo, tupakwö 'yaka̧laduwakobetjö̧. Jau, ötjönö kwa̧ja̧kwaduwitjö̧ma, ökwödökwö bakobe dösölö̧jinö dö̧jakwa̧ jawa yöbawö chujunocha, 'dö̧ibajökö ji̧ yöbawö junawama. Jau, damötjö Davidnö yöbawö chujunijatö, jwaikwöda 'dö̧bibajökönö jo̧banö ösödö chö̧jakwa̧ma, ja̧danö ökwödönöbi Davidnö yöbawö chujuninadanö yöbawö chujunena.


Jau chömöledö, ökwödö jojodönö lȩkebaduwi̧danö, ökwödönöbi lȩebakwo̧ Diosma, ja̧danö ökwödö jojojodönö, Aaa, biya̧ ja̧tjobetjö̧ sulabedö, jö̧ba̧lö badedö kwomukwataduwi̧danö, Diosma ökwödönö omukwatö edakobe, sulabedö kwö̧jaduwojobö jö̧ba̧lö.


Ikenama ojwiyo'wo öwawachö jwiachibijetö, jobadö okwa batjibanö. Ikenama ja'wo okwatjö iwene ökwijetö, baikwö: —Bitema ötjö chitji̧, ile nitebökwe. Tjöbeba̧löjönö a̧ja̧kwaduwi jo̧ba yöawi̧ma— ökwöijetö.


Jobekwö wanedö yöawinobe Jesúsma, ja̧danö tupakwö yöawinobe jojodönö: —Chömöledö, isabenö yötawi̧ otiwanö kwa̧ja̧kwaduwobö jo̧be. Yötawi̧ a̧ja̧kwadönöma, Diosma tupakwönönö iyakobe, tupakwöbi tjöwaisachibobö. Jo̧kwaijayonö a̧ja̧kwöködönöma iyökakobe Diosma tupakwö tjöwaisachiboböma. Ja̧danö ju'wibi, tja̧ja̧kwobö tjöpöjödobetjö̧, waisadösa jö̧ba̧lö tjomukwati̧ma, ja̧ tjöwaisi̧bi Diosma 'döebakobe, bakwainö wajwibadö tjö̧jobö— jö̧ba̧lö yöawinobe Jesúsma.


Ja̧danö, ju'wedöbi tjö̧jobe, ötjö cha̧jwi̧mu o̧bȩja̧döma, jelobe ju̧kwadö. Jobadönöbi öbibö chichejebobö jo̧be, ötjö chiwene tja̧ja̧kwobö. Ja̧danö, jobadöma chiwene tja̧ja̧kwakwedö. Bidö cha̧jwi̧mukwö, jelobe ju̧kwadö cha̧jwi̧mu chichejebakwawö̧kwö bakwo̧ iteba'odanö tjuju̧kwakwedö, tjajikwo̧ma bakwo̧da, ötjödachobetjö̧— yöawinobe Jesúsma jojodönö.


Ötjö cha̧jwi̧muma ötjö chiwene a̧ja̧kwö waisadö, ja̧danö, jobadönö chöwaisawö̧. Ja̧danö, jobadöma chökömanö ichadö.


Isabenö yötawa. Böjȩnö ju̧kwadö, tjo̧'wo̧ luwo̧ okwanö wobinadödanö ju̧kwadötjö ju'wedöma, Dios Itji̧ yöawi̧ a̧ja̧kwö tjösödakwedö, ötjöda yötawi̧ma. Ja̧danö, babebi ötjö, Dios Itji̧ yötawi̧ a̧ja̧kwö tjösödobe. Ja̧danö, ötjö yötawi̧ a̧ja̧kwö ösödadöma, wobajaletjö tjebachajadödanö ja̧nö, ba̧kwȩlö̧jatebö ja̧kwawa juna̧ladö batjibakwedö— yöawinobe Jesúsma.


Ja̧danö, Bereanö ju̧kwadö judío jojodöma, Pablo yöawi̧ a̧ja̧kwö ösödö a̧ja̧kwijadötö. Jobadöma Tesalónicanö ju̧kwadö judío jojodötjö o̧penönö ösödö a̧ja̧kwijadötö. Jobadöma tjo̧'wo̧ ösöwanö, Da̧ja̧kwobö jö̧da̧la, jö̧ba̧lö, a̧ja̧kwijadötö Dios iwenema. Ju'wi möle jwiinö tja̧ja̧kwaja̧ ikenama, Dios iwene, damötjö tjiwȩyudina waisachö eda̧lijadötö, Pabloma Dios iwene yöawi̧da jweinö yöbawo̧, jö̧ba̧lö.


Wanedö yötawa chömöledö: Ökwödö kwiyaduwi̧ma, batjo otido̧ önebiya ödi̧danö ichejekwobe. Ja̧danö, kwöwaisaduwa chömöledö, bakwo̧ batjo otido̧ ja'yubeda önebiya öditjö̧ma, ja'yubeda wa̧ji̧ emakwo̧, ¿jö̧tö? Ja̧danö, nöinö lödo̧ma, nöinö wa̧ji̧ emakwo̧, ¿jö̧tö?


Isabenö chömöledö, döwaisa. Ökwödöma Dios Itji̧ yöawinatjöda da̧ja̧kwijatö Dios yöawina ökwödönöma. Jau, Dios Itji̧, jwiinö inesö jo̧, ángelesdönötjöbi o̧penönö inesö jo̧ yöawinatjöda da̧ja̧kwijatö Dios yöawinama. Ja̧danö, Dios yöawina jejenö da̧ja̧kwobetjö̧ Dios Itji̧ yöawina tjöbeba̧lö̧jönö omukwatö di̧'yobö jo̧be chömöledö. Isabenö, tjöbeba̧lö̧jönö omukwatö di̧'yobö jo̧be, Ökwödöma Dios Itji̧ otiwa jawa wene, dö̧jibinö pjabatö yöawina wene ösödadösa, jö̧ba̧lö. Chömöledö, ja̧ Dios Itji̧ yöawina dösödi̧ma do̧'wo̧ luwo̧ okwanö do̧tjati̧danö do̧batö di̧'yaduwo jö̧ta̧la. Isabenö chömöledö, Dios Itji̧ yöawina do̧'wo̧ luwo̧ okwa do̧batö di̧'yaduwo, jo̧batjö 'da̧bachibö jelobekwö omukwatö di̧'yapji jö̧ba̧lö, jo̧ba yöawina öpöjödö.


Jau chömöledö, ja̧ jawa kabatibö, balekwa̧da kwösödaduwo chömöledö. Wanedö yötawa, tjemu iya̧nö tjeminawö̧danö, kwo̧'wo̧ luwo̧ jawa lechedanö ji̧ma kwösödaduwo chömöledö, otiwanö kwöda̧peachaduwobö.


Chö̧ja̧wo̧dö chösödawö̧, a̧ja̧kwaduwitjö. Okobe jwiinö yöawakwawa kwa̧ja̧kwaduwi̧ma juluwanö kwösödaduwoko, Jweinö yöbawo̧, jö̧ba̧lö. Isabenö, bakwo̧ yöawi̧ a̧ja̧kwö ö'wiawakwa̧lö̧jönö kwa̧ja̧kwa̧laduwobö jo̧be, ba̧jekwadö omöna yöbawadö tjö̧jobetjö̧. Jau chö̧ja̧wo̧dö, ö'wiawakwa̧lö̧jönö kwa̧ja̧kwa̧laduwo kwöwaisaduwobö, Ite yöbawo̧ma ¿Dios O̧'wo̧ Luwo̧ öibökweji̧? Ja̧danö, yöawi̧ma ¿Dios O̧'wo̧ Luwo̧tjö̧ ichobeji̧? jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ