Marcos 4:14 - Dios Iwene

¹⁴ A̧ja̧kwaduwitjö kwöwaisachibaduwinö, wanedö yötawaja̧ labebö lotaduwakwö, baikwö: Bakwo̧ ödebiya ikwö 'yi̧nama, bakwo̧ Dios iwene yöbawö kweachi̧danö wanekwachobe. Jo̧ba ikwi̧ ödebiyama Dios iwenedanö wanekwachobe.

Marcos 4:14 ပူးပေါင်းရင်းမြစ်များ

Isaías 32:20

Isabenö otiwanö Dios pjaatawö̧ kwö̧jaduwakwedöja chömöledö Juda jojodö. Ojwebiya otiwanö niji 'yoliwemi nijinö, kwöbatjoduwi otiwanö kwotidaduwakwedöja, ja̧danö kwajwimuduwi pakayadönöbi, buludönöbi wene jwiinö tjösödobekwö kwebachö, tju̧kwa otiwanö tjukwakwedö.

Mateo 13:19

—Ödebiya mananö meaja̧ ödebiya badekwachi̧ma, Dios la'aka luwo̧ ö̧jakwa̧ wene tja̧ja̧kwijayonö otiwanö a̧ja̧kwöködönö badekwachobe. Ja̧ wene tja̧ja̧kwenama, inesö sulabo̧ma ichö ja̧ wene jobadötjö 'döebobedanö ichejekwa, tjomajadenö pokwapji jö̧ba̧lö.

Mateo 13:3

Jesúsma jojodönö wanedö yöawinobe baikwö: —Chömöledö, baikwö wanedö yötawa: Bakwo̧ batjo otido̧ma ödebiya ikwö kweachinobe,

Mateo 13:37

Jejenö atjebökwe, Jesúsma atadinobe: —Batjo otido̧ otiwi̧sade ikwo̧nö badekwachi̧ma, ötjö jojo baibanö jeminökwenö badekwachobe.

Marcos 2:2

Jejenö a̧ja̧kwö ba̧jekwadö ichö ko̧ko̧kwö ji̧jadötö Jesús ö̧jeju okwa. Ba̧jekwadö ko̧ko̧kwö tjuju̧kwobetjö̧ jamatakwawemi jwiijetö, a̧petukwöchobe apjude ö'öböbi. Jesúsma ichajadönöma Dios iwene yöbawijetö.

Marcos 4:13

Ikenama Jesús jö̧ba̧lijetö iteda öba̧ja̧di̧ waisachadönö: —Wanedö yötawaja̧ma, ödebiya ikwawa luwo̧nö yötawaja̧ma ¿dakwö wajwiköbaduwaja̧jö, labebö loi̧ma?— jö̧ba̧lijetö—. Ja̧danö, ja̧ wanedö yötawaja̧ a̧ja̧kwö wajwiköbaduwitjö̧ma ¿dakwö kwöwaisachibaduwakwa̧da yemidanö ju'wijayenö wanedö yötawenama? Wajwiköbaduwena.

Marcos 4:15

Ja̧danö, ödebiya meinama, jojodö tjomajadedanö wanekwachobe, Dios iwene a̧ja̧kwadöma. Ja̧danö, Dios iwene a̧ja̧kwadötjö ju'wedöma Dios iwene tja̧ja̧kwena, tjomajade 'dibadöma, ödebiya mana 'diamanö meinadanö ichejekwadö. Tja̧ja̧kwena, tjomajade 'diobetjö̧ Awetjama ichibö wechebö emibo̧, pji̧yu̧ mebibö tjukwinadanö, mana 'diamanö meaja̧. Ja̧danö, Awetja ichibö wechebö emibenama jobadö a̧ja̧kwadöma ¿dakwö do̧tjatibenada Dios iwenema? Do̧batiböködö— labebö lobö yöbawijetö Jesúsma—.

Marcos 4:3

—A̧ja̧kwaduwitjö. Wanedö yötawa. Bakwo̧ ödebiya ikwawa luwo̧ma ödebiya ikwö 'yi̧jetö.

Lucas 1:2

Ja̧ tjiwȩyudi̧ma, ökwödö Jesúsnö ösödadötjö ajayinö ji̧nadö Jesús webawedöma tjedina jawa yötjawinobe, ja̧danö ja̧ yötjawi̧ a̧ja̧kwadö tjiwȩyudinobe,

Lucas 8:11

Ikenama Jesúsma iteda öba̧ja̧di̧ waisachadönö labebö lobö yöawinobe wanedö yöawaja̧ma, baikwö: —Wanedö yötawaja̧ laebachi̧ma biya̧: Ödebiya badekwachi̧ma Dios iwene.

Hechos 8:4

Ja̧danö, Jerusaléntjö döbibajadöma okobe jwiinö kwebachö Dios iwene yöbawiabijadötö.