Marcos 2:19 - Dios Iwene

¹⁹ Jejenö abebö tja̧ja̧kwökwe, Jesúsma jobadönö atadijetö, wanedö yöbawö: —Ötjö chöba̧ja̧di̧ waisachadöma bakwo̧ ilekwonö emobe ömöledö pjiesta junö tjukwi̧danö kwanö ju̧kwadö. A̧ja̧kwaduwitjö. Bakwo̧ ilekwonö emenama ömöledöma pjiesta junö otiwanö bakobe ko̧ko̧kwö tjukwobe ömöledöso̧kwö, ilekwonö emajo̧kwö. Jau, ömöledöma ilekwonö emajo̧kwö tjo̧'wo̧ ösöwanö tjuju̧kwobe, jo̧bama ina jobadökwö ö̧jayi. Ja̧ mölema tju̧kwa ö̧tö̧chö ju̧kwöködö. Pjiesta junö bakobe ko̧ko̧kwö kwanöda ju̧kwadö ömöledöso̧kwö.

Marcos 2:19 ပူးပေါင်းရင်းမြစ်များ

Génesis 29:22

Ikenama Labánma jwöbijetö okobe deinö jobe jojodö ömadönöma fiesta kwanö, owö tjichobö.

Mateo 9:15

Jejenö atjebökwe, Jesúsma atadö wanedö yöawinobe: —Kwöwaisaduwa, tji̧lȩkwa̧munö emawa pjiesta tjujunenama, iteda ilekwonö emajo̧ ömöledöma jo̧bakwö pjiesta tjujunena. Ja̧danö, jejenö pjiesta tjujunenama o̧'wo̧ tjo̧achöma budekwöködö, ¿jö̧tö? Ötjöma ilekwonö emajo̧danö ichejekwo̧sa, ja̧danö jobadökwö chö̧jayi, o̧'wo̧ tjo̧achöma ö̧tö̧chö ja̧böködö chöba̧ja̧di̧ waisachadöma. Jo̧kwaijayonö ju'wi möle detakobe, ja̧danö detena baibenama jobadöbi o̧'wo̧ tjo̧achö tju̧kwa ö̧tö̧chö ja̧tjakwedö— jö̧ba̧lö atadinobe Jesúsma.

Marcos 2:18

Ju'wi möle Juan Ojwenö Bu̧dato̧ ömöayedöma tju̧kwa kwökönö ö̧tö̧chö ju̧kwijadötö, Diosnö omukwatö. Ja̧danö, fariseo jojodöbi tju̧kwa kwökönö ö̧tö̧chö ju̧kwijadötö. Jo̧kwaijayonö, Jesús öba̧ja̧di̧ waisachadöma jejenöma ju̧kwijöködötö. Jejenö tjuju̧kwiököwö̧ ju'wedöma Jesúsnö abebö tja̧ja̧kwotö jö̧ba̧lö, jo̧ba ö̧jobekwö 'ya̧nö 'ya̧wibö Jesúsnö abebö a̧ja̧kwijadötö: —Ökwönö abebö da̧ja̧kwobö jö̧da̧la. Ökwö kwöba̧ja̧di̧ waisachadöma ¿tajawedö ju'wedö tjuju̧kwi̧danö, Juan ömöayedöbi fariseo jojodöbi tjuju̧kwi̧danö, tju̧kwa ö̧tö̧chö ju̧kwöködöda?—abebö a̧ja̧kwijadötö Jesúsnöma.

Marcos 2:20

Jo̧kwaijayonö ju'winöma jo̧ba ilekwonö emajo̧nöma do̧batö tje'ewakobe. Jejenö tje'ewajabe okobetjöda jo̧ba ömöledöma, tjo̧'wo̧ tjo̧bekwö tju̧kwa ö̧tö̧chö tjuju̧kwakwedö, ömöledöso̧ deobetjö̧— jö̧ba̧lö wanedö yöbawijetö—. Ja̧danö, ötjö chöba̧ja̧di̧ waisachadöma ötjöma ina jobadökwö chö̧jayi tjo̧'wo̧ ösöwanö tjuju̧kwobe. Jobadökwö chö̧jayi tju̧kwa kwökönö ö̧tö̧chö ju̧kwöködö. Jo̧kwaijayonö ju'winöma ju'wedöma ötjönö do̧batö tje'ewakobe. Jejenö tje'ewajabe okobetjöda, tjo̧'wo̧ tjo̧bekwö tju̧kwa kwökönö ö̧tö̧chö tjuju̧kwakwedö, ötjö detobetjö̧. Jo̧kwaijayonö babema, jobadökwö ina chö̧jayi tjo̧'wo̧ ösöwanö kwanöda ju̧kwadö— yöbawijetö Jesúsma.