Marcos 2:13 - Dios Iwene

¹³ Ikenama Jesúsma yemidanö o̧pesobu ö'öböbe kwebachö 'yi̧jetö. Jobekwö jojodö ba̧jekwadö 'yi̧jadötö, Jesús ö̧jobekwö. Jemi ichajadönö Dios jawa otiwa wene yöbawijetö Jesúsma.

Marcos 2:13 ပူးပေါင်းရင်းမြစ်များ

Mateo 13:1

Iya̧da möle, Jesúsma jejutjö labebö, o̧pesobu ö'öböbe 'ya̧nö öbamatinobe.

Mateo 9:9

Jobetjö labeibö Jesúsma kweachinobe, ja̧danö jelo̧ Mateo mikwo̧nö edinobe, la'aka luwo̧ itea balada impuesto ötjabi̧ balada emajibo̧nö. Mateo otidobe mesasötenö ö̧bobe edinobe, ja̧danö Jesúsma Mateonö weinobe: —Ötjö chökömanö ichi, chöba̧ja̧di̧ waisacho̧ baibanö— jö̧ba̧lö. Jejenö weökwe, Mateoma a̧laibö Jesús ökömanö ichinobe.

Marcos 1:45

Jejenö ju'wedönöma yökawoko, jö̧ba̧lö lȩebajayonö i̧sȩdo̧ ö'wöchaja̧ söawajökwema labebö jojodönö yöba̧lö kwebachijetö, Jesús otidö loaja̧ma ba̧jekwadö tjöwaisachibanö. Ba̧jekwadö tjöwaisiökwe, Jesúsma jojodö tjuju̧kwemima tjeda̧lonö teachoböma jwibijetö, ba̧jekwadö tjichapji jö̧ba̧lö. Jojodö deenada ji̧jetö. Jobema, jojodö deena ö̧jijayonö jojodöma jelobetjöbi jelobetjöbi 'yi̧jadötö Jesús ö̧jobema.

Marcos 10:1

Ikenama Jesúsma jobetjö labebijetö Judea nijibe i̧'yobö. Jobe ichibö, Jordán ojwe peibajobe jobetjöbi ina jojodö ba̧jekwadö ichijadötö. Ichajadönö yöbawajiadanö yöbawijetö Jesúsma.

Marcos 2:2

Jejenö a̧ja̧kwö ba̧jekwadö ichö ko̧ko̧kwö ji̧jadötö Jesús ö̧jeju okwa. Ba̧jekwadö ko̧ko̧kwö tjuju̧kwobetjö̧ jamatakwawemi jwiijetö, a̧petukwöchobe apjude ö'öböbi. Jesúsma ichajadönöma Dios iwene yöbawijetö.

Marcos 4:1

Ikenama Jesúsma yemidanö o̧pesobu ö'öbö ja̧nö yöbawijetö. Ba̧jekwadö ko̧ko̧kwö tjuju̧kwiökwe Jesúsma, okobe deinö otiwanö tja̧ja̧kwo jö̧ba̧lö, isowinö, o̧pesobu lo̧winö a̧jijetö, okobe deinö jojodö o̧pesobu ö'öbö tjuju̧kwonö.

Lucas 19:48

Jo̧kwaijayonö jojodö jwaikwöda Jesús öba̧ja̧di̧ a̧ja̧kwa̧lö tjö̧jinobe, ja̧danö jejenö a̧ja̧kwa̧lö tjö̧jobetjö̧, Jesúsnö söbebö lotjobö tjisakwi̧ma waekwinobe, Jesúsnö sulabenö ja̧ditjö̧ma wene baibena, jö̧ba̧lö yetjabobetjö̧.

Lucas 21:38

Ja̧danö, mölekwena ina yȩayi ba̧jekwadö jojodöma Dios ejube tji̧'yinobe, Jesús öba̧ja̧di̧ tja̧ja̧kwobö.