Marcos 16:1 - Dios Iwene

¹ Ju'wi möle yi̧bena, otikwökö möle baledaja̧ ikena, María Magdalenabi, Jacobo ojo'do Maríabi, Salomébi omeasobu emijadötö, Jesúsnö dubebö tji̧'yakwedö.

Marcos 16:1 ပူးပေါင်းရင်းမြစ်များ

Génesis 50:2

Ikenama webijetö wobinadönö te'ada̧ladönö titjatobö wotjököjaye.

Marcos 14:3

Jesúsma Betania comunidadnö ja̧nö Simón ejunö tebachijetö. Jo̧ba Simónma, ajayinö i̧sȩdo̧ jwiinö 'wabibö ö'wöchino̧. Jesúsma, Simónkwö o̧do okwa mesasötenö bo̧nö bakwuju isujuma tebachö otiwa jawa inawatjö otikwayu ichejebijotö. Ja̧yu okwa okwobu omeasobuma, söinö nöekwi̧ jawa omeasobu, bakwaiyobu, nöinö mikwawobu. Jesús ö̧bobekwö 'ya̧wibö jobu okwayu 'dainö po̧bebö Jesús uunö tobebijotö jobu omeasobuma.

Marcos 14:8

Bisu isuju tojebi̧ma otiwanö omukwatö jujuna̧li̧tjö tojebatö ötjönöma. Ötjönö omeasobu chuunö tojebaja̧ma wobajo̧ tjödakwo̧nö totjebi̧danö ötjönöma tobebuju, wotakwo̧nöma.

Marcos 15:40

Ju'wedö ya̧döma ödökwönönö ja̧nö eda̧lijadötö. Jobadötjö María Magdalena mikwuju, Jacobo, José ojo'do María mikwuju, ja̧danö, Salomé mikwuju ji̧jadötö.

Marcos 15:42

Ja̧ möle, Jesús ö'wöchina mölema, bakwo̧, José mikwo̧, Aramea comunidad jojo ichijetö. Ja̧ möle, otikwökö möle baibakwa̧ abönö möle, ida̧ökö yi̧bena baibena ichijetö Joséma. Jo̧bama judío jojodö la'aka luwedötjö bakwo̧, ju'wedö judío jojodötjö la'aka luwedökwö yöba̧lakwawö ba̧jibo̧. Ju'wedö judío jojodöma Josénö, Otiwanö omukwato̧, jö̧ba̧lö, tjomukwatökwe. Tjösödökwe. Jo̧bama Dios La'aka Luwo̧ ö̧jakwa̧ möle baibenanö te'ada̧lina. Jo̧bama yebabökönö Pilato ö̧bobe tebachibö abebijetö iteda, Jesúsnö meatö e'ewö i̧lȩdo̧nö ödobö.

Marcos 15:47

Jobe Jesúsnö ödobema María Magdalenabi, José ojo'do Maríabi ödö ja̧nö eda̧lijadötö.

Marcos 16:2

Ju'wi dewachö, domingo möle, ajayi möle mikwi̧ möle, yȩayi, 'yi̧jadötö Jesúsnö ödinobekwö. 'Ya̧jadöma ja̧wo̧ laebena ichibijadötö i̧lȩdo̧bema.

Marcos 16:8

Jejenö jö̧a̧lawö̧, jobadö ya̧döma, ¡Ayö!, jö̧ba̧lö tjö̧tjawibanö yetjaibobetjö̧ omönanö labekwajijadötö i̧lȩdo̧ okwatjö. Ikenama, ángel wei̧danö, Ju'wedönö yökawaduwo, jö̧ba̧lö, jobadö ya̧döma yetjabobetjö̧ yöbawijöködötö ju'wedönöma.

Lucas 23:54

Jejenö ödenama, judío jojodö tjotidökö möle abönö möle yi̧benakwö ödinobe, otikwökö möle baibakwa̧ abönö. José Jesúsnö ödenama, Jesúskwö Galilea nijitjö ichajadö ya̧döma, José ökömanö edö tji̧'yinobe, ja̧danö i̧lȩdo̧bi tjedinobe, ja̧danö Jesús iteba'o ödi̧bi tjedinobe. Ja̧danö, edajadö Jerusalénbe ȩwa̧jö omewi̧ jawa tjotidinobe, Jesús iteba'o lilibö dutjebobö. Jemi ikenama judío jojodö tjotidökö möle baibinobe, ja̧danö otikwökö möle baibiawö̧, Dios damötjö weinadanö otikwökö möle tjotidinokobe.

Lucas 24:1

Ja̧danö, otikwökö möle otidökönö baledajadö, domingo möle ina yö̧tedayi dewachakwa̧ abönö jobadö ya̧döma Jesúsnö tjödinȩdo̧be tji̧'yinobe, tjotidina omewi̧ jawa e'ewö.

Juan 19:25

Ja̧danö, jejenö tjalewinobe guardia jojodöma. Jobema, Jesúsnö a̧lapedö tjujunajemi pjeanö Jesús ojo'dobi, ojo'do jöjawujubi, María, Cleofas ilekwobi, María Magdalenabi tjö̧jinobe.

Juan 19:31

Ja̧danö, ja̧ mölema Dios mönö baledina pjiesta tjukwi̧ baledakwa̧ abönö möle. Ja̧danö, pjiesta kwanö mölema, jwiinö inesö möle, judío jojodö tjotidökö mölebi ji̧nobe. Jo̧kwaobetjö̧ jwiinö inesö möleinobe. Inesö möleobetjö̧ judío jojodöma tjöpöjödinobe ösötenö bȩtjajawö̧ ina tjö̧jobö, ja̧ mölema. Jejenö tjöpöjödobetjö̧ Pilatonö wetjinobe ömöayedönö weobö towisa'onö bȩbö tjujunajawö̧ tji̧se'bijunö kwakwabö tji'delobö, juluwanö ö'wö batjibanö. Jejenö juluwanö ö'wö babibajadönö towisa'otjö meatö tje'ewobö tjösödinobe judío jojodöma.