Marcos 15:46 - Dios Iwene

⁴⁶ Jejenö weökwe, Joséma sawana'wo otiwa'wo, nöinö mikwawa'wo emö 'yi̧jetö. Ikenama, Jesúsnöma towisa'otjö meatö jwabebijetö sawana'wo. Jemi ikenama i̧lȩdo̧, inawa nöawatjö sobö otikwobekwö e'ewö 'ya̧nö lödijetö. Lödajo̧ i̧lȩdo̧ apjudema inawa yelösöda nöawa tumijetö.

Marcos 15:46 ပူးပေါင်းရင်းမြစ်များ

Isaías 22:16

–Ökwöma taji kwöwaeda baima? Ökwöma tajawedö, -Isabenö mikwawo̧sa, -jö̧ba̧lö bemi möemitjö ilȩdo̧ ökwönö tjo̧tja̧kwa̧do̧ sotjobö weköbobeda? Jau Sebna inesö la'aka luwedönö o̧tja̧welö, yalikwawobetjö ilȩdo̧ sotjobö webo̧ja, jo̧kwaijayonö ökwöma mikwawö̧kö̧ja, jobekwö kwotidoböma.

Isaías 53:9

Jo̧banö kwabö lobajadö, sulabenö ja̧badönö lödawemi tjo̧tjobö jö̧tja̧linökwe, jo̧kwaijayonö ö'wö baibenama, nöinö juna̧ladökwö tjo̧tji̧nökwe. Jojodönö suli̧ öwaedinököjayonö, ja̧danö ja'yubebi omöna yöa̧linököjayonö,

Mateo 28:2

Ja̧danö juluwanö niji labinö tjö̧awinobe, Duluwo̧ weajökwe ángelma mölejȩbetjö jwibachajo̧, inaba i̧lȩdo̧ teachakwemi tumatakwawaba bu̧lȩdö loinobetjö̧, ja̧danö bu̧lȩdö lobajo̧, jabanö öwamatinobe ángelma.

Marcos 15:45

Jo̧ba guardia tjuluwo̧ma, Tjo̧wi̧ ö'wö baibajabe, jö̧ba̧lö, yöawaja̧ ikena Pilato webijetö ömöayedönö, Jesúsnö wetjobö Josénöma, i̧lȩdo̧nö ödobö.

Marcos 15:47

Jobe Jesúsnö ödobema María Magdalenabi, José ojo'do Maríabi ödö ja̧nö eda̧lijadötö.

Lucas 23:53

Ja̧danö: —Jau emi— jö̧ba̧lö Pilato weökwe, Joséma Jesús iteba'o meatö sawana'wo otiwa'wo kȩachaja̧do̧nö jwabö ödinobe i̧lȩdo̧nö. Ja̧do̧ i̧lȩdo̧ma inawatjö sobö tjotidinȩdo̧, ja̧danö la'akatjöda jojodönö tjödinökȩdo̧.

Juan 11:38

Jesús, yemidanö o̧'wo̧ tjo̧ baibökwe Lázaronö tjödinobe edö 'ya̧nö ichibinobe i̧lȩdo̧be. I̧lȩdo̧ a'oma inaba nöaba tjutuminobe edinobe.

Juan 11:41

Ikenama inabama pjolatö tjujuninobe. Jemi ikenama Jesúsma mölejȩbekwö edö aebinobe Diosnö: —Chabe'do, ökwönö yöta̧la. Otiwanö a̧ja̧kwö pjakatajabe— aebinobe—.

Juan 20:1

Ja̧danö, domingo möle, ajayi möle ötjabi̧ möle dewachena María Magdalena ji̧'yinobe, ina yȩa'oayi, Jesúsnö tjödajabe wobiakobe. 'Ya̧nö jedemi inaba, i̧lȩdo̧ a'o tumawaba pjolatö junawobeda jedinobe.