Marcos 15:27 - Dios Iwene

^27-28 Ja̧danö, ju'wedö, du̧ju̧taja naukwakwawa jojodönöma, Jesús ipjeanö towisa'ijunö bȩbö junijadötö, jelo̧nöma Jesús öwaisobekwöchobe jelo̧nöma wajwiobekwöchobe. Jejenö damötjö Dios yöawi̧ yöbawo̧ iwȩyudinadanö baledijetö, baikwö: Jojodöma jo̧banöma tjomukwatakobe, Itema sulabedödanö ichejekwo̧, jö̧ba̧lö.

Marcos 15:27 ပူးပေါင်းရင်းမြစ်များ

Mateo 27:38

Ja̧danö Jesúskwö, ju'wedö naukwabidö du̧ju̧tajanöbi bȩbö tjöninobe, bakwo̧ Jesús öwaisobekwöchobe, ja̧danö jelo̧ Jesús wajwiobekwöchobe.

Marcos 15:26

Jesús uu möakwöchobe ösötenö, ja'yuwötenö wȩyukwöte bȩbebö junijadötö, Bitema judío jojodö tjuluwo̧, jö̧ba̧lö, wȩyukwöte uu möakwöchobe.

Marcos 15:32

Ökwö, Dios weinökwesa, jö̧ba̧lo̧ma, Israel jojodö tjuluwo̧sa, jö̧ba̧lo̧ma, i'otjö meibi dedo. Meibö kwöjamatitjö̧da dösödakwedösa ökwö yöka̧li̧ma— obö jö̧ba̧lijadötö. Ju'wedö, Jesúskwö towisa'iju bȩbö tjujunajawö̧bi sulabenö obö jö̧ba̧lijadötö Jesúsnöma.

Juan 19:18

Jobetjö Jesúsnö ösötenö bȩbajadö a̧lapedö tjujuninobe. Ja̧danö ju'wedönöbi, dujutajanö bȩbajadö a̧lapedö tjujuninobe. Jelo̧nöma Jesús öwaisobekwöchobe jelo̧nöma wajwiobekwöchobe bȩbajadö a̧lapedö tjujuninobe.