Marcos 14:61 - Dios Iwene

⁶¹ Jejenö abebö a̧ja̧kwijayonö Jesúsma atadijökötö. Ikenama ö'weje la'aka pjabato̧ma ju'wi abebö a̧ja̧kwijetö Jesúsnöma: —¿Ökwödaji̧ Dios wetakwo̧ jö̧a̧linökwema? ¿Ökwödaji̧ jojodö tjösödökwe Dios Itji̧köbiji̧?—abebö a̧ja̧kwijadötö Jesúsnöma.

Marcos 14:61 ပူးပေါင်းရင်းမြစ်များ

Isaías 53:7

Jo̧kwajabetjö̧ jwiinö inia tjöbö usula emawinobe Dios ömöayo̧ma, jo̧kwaijayonö usula emawijayonö, yöba̧lökönö wi̧inöda ö̧jinobe. Jau, obeja kwabö lotjobö ötjibökwe wi̧inö i̧'yidanö, ja̧danö obeja öwö'ye 'witjökwe wi̧inö ö̧jidanö, bakobe wi̧inö ja̧nö yöa̧linokobe.

Mateo 16:16

Aebökwe Simón Pedroma atadinobe: —Ökwöma Dios weakwo̧ jö̧a̧linökweja, 'yaba̧lo̧ Dios itji̧ja— jö̧ba̧lö atadinobe.

Mateo 3:17

Ja̧danö, mölejȩbetjö Dios iwene ökwöinobe, baikwö ökwöi̧ma: —Bitema ötjöda chösödökwe chitji̧. Cho̧'wo̧ ösöwanö chedökwe bitema— jö̧ba̧lö ökwöinobe.

Mateo 8:29

Jobadöma Jesús ichobe edö, labinö jwötjeba̧linobe baikwö: —Ökwö Dios i̧tji̧ma, ¿tajawedö dö̧jobekwö kwichobeda? Lȩebakwa̧ möle ina baibököjayonö, ¿ökwödönö lȩbebö kwichaji̧?— jö̧ba̧lö jwötjeba̧linobe.

Marcos 14:60

Ikenama Diostjö jojodötjö ö'weje la'aka pjabato̧ma jojodö tjöba a'otjö jamatö abebö a̧ja̧kwijetö Jesúsnöma: —¿Ökwöma yelösöda kwatadokobeji̧ biya̧ ökwönö jejenö jö̧tja̧li̧ma?— abebö a̧ja̧kwijetö.

Marcos 15:2

Ikenama Pilatoma abebö a̧ja̧kwijetö Jesúsnö: —Ökwöma judío jojodö tjuluwo̧köbiji̧?— abebö a̧ja̧kwijetö. Jejenö abebö a̧ja̧kwökwe Jesúsma atadijetö. —Jau, ökwö jö̧ka̧li̧ma— atadijetö.

Juan 1:34

Jejenö ötjöma, Dios yöawinadanö baibobe edö chöwaisachibijatö, Aaa itema Dios weinökwe, jö̧ba̧lö. Jo̧kwaobetjö̧ jweinö yötawaduwakwö, ite icho̧ma Dios Itji̧— yöawinobe Juanma.

Juan 10:24

Ja̧danö, judío jojodöma, Jesús ö̧jobe 'ya̧wibö atjeba̧linobe: —¿Tajawedö yökawokobeda, Ötjödasa, jö̧ba̧lö, Dios weinökwesa, jö̧ba̧lö? Jweinö yöbawi. ¿Ökwöma Dios weinökweköbiji̧, dö̧jibinö pjakatobö? Döwaiso jweinö yöbawakwawi— atjeba̧lökwe:

Juan 10:36

¿tajawedö, Ötjöma Dios Itji̧sa, jö̧ba̧lö yöta̧lena jwökeba̧laduwobeda, Ökwöma sulabenö yöka̧la, jö̧ba̧lö? Ötjöma Dabe'do Dios omudawö böjȩkwö weinökwesa, jo̧ba wei̧ otidö chö̧jobö.

Juan 18:37

Jejenö yöawiökwe Pilatoma: —Jo̧kwaobetjö̧ ¿yöka̧liji̧, Ötjöma jojodö tjuluwo̧sa, jö̧ba̧lö?— abebö a̧ja̧kwiökwe: — Jweinö yöka̧la. Ötjöma jojodö tjuluwo̧sa. Ja̧danö, ötjöma, böjȩnö ju̧kwadö tjuluwo̧ batibobö, isabenö ji̧ jawa yöbawö chojo'do jeminökwesa. Jejenö batibobö chichijatö böjȩkwö, böjȩnö ju̧kwadö tjuluwo̧ batibobö, isabenö ji̧ jawa yöbawö. Isabenö ji̧ jawa isakwadöma ötjö isabenö ji̧ jawa yötawi̧ma a̧ja̧kwö ösödadö— yöawinobe Jesúsma.

Juan 19:7

Jejenö jö̧a̧lawö̧ judío jojodöma: —Bitema, sulabenö yöba̧lö, Ötjöma Dios Itji̧sa, jö̧ba̧lö, yöa̧lobetjö̧ ö'wö baibanö lȩtjeboböma jo̧be. Ökwödönö weawa jawa, dö̧jobö wȩyudö weawa jawama weobe, Bite Diosnö sulabenö yöa̧li̧danö yöba̧ladönöma ö'wö batjibanö lȩtjebobö jo̧be, jö̧ba̧lö— jö̧tja̧linobe judío jojodöma.

Juan 19:9

Ja̧danö yemidanö eju okwa tebachö Jesúsnö abebö a̧ja̧kwinobe: —¿Kwiteboma daida?— abebö a̧ja̧kwijayonö Jesúsma atadökökwe:

Hechos 8:32

Jejenö jö̧a̧liökwe Felipema koluka okwa nöchö a̧jibijetö. A̧jibö a̧ja̧kwijetö Etiopía jojo yöa̧lobema, Isaías iwȩyudina. Baikwö yöba̧lijetö: Jo̧bama obeja jwöbeba̧lökönö ö̧ji̧danö jo̧, u̧lume'a 'witjebobö öbibö tji̧'yinökwema. Ja̧danö, obeja öwö'ye 'witjonö jwöbeba̧lökönö ö̧ji̧danö jo̧.

1 Timoteo 1:11

Jobekwö laebobe isabenö wene ötjö yötawi̧ wenema Timoteo. Ja̧danö, ja̧ jwiinö otiwa jawa wene yötawi̧ma, inesö otiwo̧ Diosma ötjönö yöbawö iyinobe, tupakwö ju'wedönö yötawo jö̧ba̧lö.

1 Timoteo 6:15

Jau Timoteo, Duluwo̧ Jesucristo isabenö yemidanö öwawachobö ja̧akobe Diosma, Dios badedö ujunina möle badekwachenama. Jo̧ba jojodö tjösödökwe Diosda okobe deinö tjuluwo̧ma, ja̧danö Diosda luwedö tjuluwo̧ma, ja̧danö Diosda la'aka luwedö inesö la'aka tjuluwo̧ma.

1 Pedro 2:23

Jo̧banö sulabenö yötja̧lenama, balekwa mikwa sulabenöma atadinokobe, ja̧danö usula emawenama, usula emawinö ja̧badönö yebeabinöma yöa̧linokobe. Jau chömöledö, Cristoma jwaikwöda Diosnö, inesö jojodö ja̧tji̧ otiwojobö sulojobö jö̧ba̧lö yöbawo̧nö o̧'wo̧ wana̧lö ite'ada̧linobe, jo̧bada bajaliyanö yöawakwo̧ jö̧ba̧lö. Ökwödöbi jo̧ba omukwatinadanö kwomukwataduwo chömöledö, ja̧danö usula kwemawaduwenabi jwaikwöda otiwanö ja̧bö kwöbaledaduwo, Cristo ökwödönö i̧sebinadanö.