Marcos 14:5 - Dios Iwene

⁵ Jobuma ¿tajawedö mikwanö jö̧ba̧lö iyinokoju, balada nöinö, ö̧pi̧ trescientos jenanö jemobö, usulasedönö iyabö?— jö̧ba̧lijadötö. Jejenö labinö jö̧ba̧lijadötö, Ökwöma sulabenö tobebö loköbajabe, jö̧ba̧lö, jobujunöma.

Marcos 14:5 ပူးပေါင်းရင်းမြစ်များ

Mateo 18:28

Ikenama, umusidi̧ söbebö loajökwema uluwo̧ ö̧jelö labebajo̧, iteda uluwo̧ ömöayedötjö jelo̧nö edinobe, umusidi̧ söbebö loajökwenö ja'yubeda balada musido̧nö. Jo̧banö edö, do̧atinobe, ja̧danö u̧lume'anö do̧batö, Babeda ötjönö kwumusidi̧ miditjö, jö̧ba̧lö weinobe uluwo̧ umusidi̧ söbebö loajökwema.

Mateo 20:11

Jejenö imidenama, imidajawö̧ma batjo luwo̧nö tjo̧'wo̧ sulinö yötja̧linobe:

Mateo 26:9

—Ja̧ omewi̧ jawa mikwanö jiyinatjö̧ma, nöinö balada jemo jö̧ja̧linena, otiwanö jwibadö usula jojodönö jiyobö— jö̧ba̧lö.

Marcos 14:4

Ju'wedöma, ipjeanö ba̧jadöma jejenö tojebobe edö öpöjödö tjölabobetjö̧ jö̧ba̧lijadötö: —Omeasobuma ¿tajawedö tobebuju?

Marcos 14:6

Jo̧kwaijayonö Jesúsma jö̧ba̧lijetö: —¿Tajawedö jejenö jö̧ka̧laduwa jobujunöma? Jobujuma otiwa jawa i̧sebö tobebuju ötjönöma.

Lucas 15:2

Jejenö a'dewö loiököwö̧, fariseo jojodöbi Moisés iwȩyudina ba̧ja̧dadöbi tjo̧'wo̧ sulinö yötja̧lakwawinobe Jesúsnö: —Bite Jesúsma sulabedö tjichobö ösödo̧, ja̧danö ju'wibi jobadökwö sulabenö kwo̧— jö̧ba̧lö, Jesúsnö öpöjödö yötja̧lakwawinobe.

Juan 13:29

Jobadötjö ju'wedöma Judasda balada te'ada̧lö ö̧jobetjö̧ tjomukwatinobe, Pjiesta jawa emobö wea, jö̧ba̧lö. Ja̧danö jobadötjö ju'wedöma tjomukwatinobe, Usulasedönö iyobö wea, jö̧ba̧lö.

Juan 6:43

Jejenö yötja̧lakwawiökwe, Jesús: —Öpöjödö yöka̧lakwawaduwa.

Juan 6:7

Ja̧danö Felipema atadinobe: —Idöma ba̧jekwadö. Balada nöinö, doscientos ö̧pi̧bi̧yabi dujuna̧litjö̧ma sule pjei̧kwena demena tjukwakwa̧ panma— atadinobe Felipema.

1 Corintios 10:10

Ja̧danö, Diosnö öpöjödö yöda̧lakwawoko chömöledö, Diosma sulabenö iyo̧ jö̧ba̧lö. Jobadö ajayinö ji̧nadö jejenö sulabenö öpöjödö yötja̧liökwe, Diosma ángelso̧ kwabawo̧nö weinobe, jobadönö kwabö loo jö̧ba̧lö.

Efesios 4:28

Ja̧danö, ökwödötjö bakwo̧ naukwabo̧ma naukwabikwawatjö kabatibö, Otiwanö chotido, jö̧ba̧lö, itedada naukwabökönö u̧kwa emawabi, jwibadönö iyöbi iyö ö̧jobö jö̧ba̧lo̧.

Deuteronomio 1:27

Ja̧danö, kwejuduwi sabana'wotjö otikwejunö ja̧nö, kwo̧'woduwi suli̧nö yöka̧linaduwobe, –Isabenö Jo̧ma ökwödönö öpöjödobetjö̧, Egipto nijitjö ökwödönö laebajabetija, baikwö ichejebö, amorreos jojodöma ökwödönö kwabö lotjakobetjö̧.

Filipenses 2:14

Chömöledö, okobe jwiinö ja̧bö kwö̧jaduwi̧ma, kwo̧'wo̧ sulinö yöa̧lakwawa jwiinö, ja̧danö jwöjwöakwawa jwiinö ja̧bö kwö̧jaduwo,

Judas 1:16

Jobadö sulabenö yöbawadönö baikwö yöta̧la: Diosnö sulabenö yöba̧ladö, ja̧danö ju'wibi jojodönö tjo̧'wo̧ sulinö yöba̧ladö, ja̧danö ju'wibi idöda sulabenö tjösödi̧ jawa isakwö ju̧kwadö, ja̧danö ju'wibi otiwo̧sa jö̧ba̧lö labinö yöba̧ladö, ja̧danö ju'wibi idöda tjemotö jö̧ba̧lö jojodö tjösödachibanö yöba̧ladö.