Marcos 14:27 - Dios Iwene

²⁷ Ikenama Jesúsma öba̧ja̧di̧ waisachadönö jö̧ba̧lö yöbawijetö: —Babe yö̧te ökwödöma okobe deinö ötjönö kakatibaduwakwedöja. Baikwö laeba Dios iwenetjö, Dios yöawi̧ yöawina wȩyudinama: Diosma o̧bȩja̧dönö te'ada̧lo̧nö kwabö loakobe. Ja̧danö, o̧bȩja̧döma wainökwena dötjibajakwedö, jö̧ba̧lö labebobe Dios iwenetjö —yöbawijetö Jesúsma öba̧ja̧di̧ waisachadönö, jobadöma o̧bȩja̧dödanö ja̧dö, jö̧ba̧lö—.

Marcos 14:27 ပူးပေါင်းရင်းမြစ်များ

Mateo 11:6

Ja̧danö tupakwö yökawaduwonö Juannö: Aaa, Jesúsma isabenö Dios weinökwe jö̧ba̧lö ötjönö ösödö kabatiböködöma, isabenö tjo̧'wo̧ ösöwanö ja̧dö jö̧ba̧lö— atadinobe Jesúsma.

Mateo 26:31

Ikenama Jesúsma iteda öba̧ja̧di̧ waisachadönö yöawinobe: —Chömöledö, makö yö̧te ökwödö okobe deinö ötjönö le'dedibö dökibajaduwakwedöja, Dios iwene laebi̧danö. Baikwö laebobe Dios iwene: Diosma o̧bȩja̧dönö te'ada̧lo̧nö kwabö loakobe, ja̧danö o̧bȩja̧döma wainökwena dötjibajakwedö, jö̧ba̧lö laebobe.

Juan 16:1

Ja̧danö, Jesúsma ina yöawinobe öba̧ja̧di̧ waisachadönö: —Okobe jwiinö biya̧ yötawi̧, ökwödönö inia tjököbaduwinö baledakwa̧ma, ajayinö kwöwaisaduwobö yötawobe. Ja̧ baledakwa̧ abönö yötawobe kwöwaisaduwobetjö̧, ja̧ baledakwa̧ baledenama wajwibö kwö̧jaduwökakobetjö̧. Ja̧danö, ja̧ baledakwa̧ baledena, otiwanö, ötjönö kabatibökönö, kwo̧'wo̧duwi̧ wana̧löda kwö̧jaduwobö yötawobe ökwödönö baledakwa̧ma—yöawinobe—.

Juan 16:32

Jejenö ösödö yöka̧laduwijayonö yötawaduwakwö. Tjo̧wi̧, ötjö chö̧jelö dökibaduwakobe, kwejuduwikwena ȩwa̧jö. Jau, ötjönö le'dedibö kwȩwa̧jaduwakwa̧ möle yöneawacha babema. Ja̧danö, döbibajö kwȩwa̧jaduwajabe okobema jo̧dawa'ye chö̧jakwo̧sa. Jo̧kwaijayonö, jo̧dawa'yemaökö, Chabe'do ötjökwö jo̧.

2 Timoteo 4:16

Ajayinö lȩekwa luwedö tjöba a'o chö̧jenama, jo̧dawa'ye chö̧jijatö, okobe deinö le'dedibö tji̧'yinobetjö̧. Jejenö le'dedibö tji̧'yijayonö, ötjönö le'dedibö 'yi̧nadönö Dios lȩlö̧jinö edobö chösöda, le'dedibö tji̧'yina omukwatökönö.