Marcos 14:2 - Dios Iwene

² Jo̧kwaijayonö, idödada yöba̧lakwawijadötö: —Babema, pjiesta tjujunonö ja̧doko, jojodö tjölabipji— yöba̧lakwawijadötö.

Marcos 14:2 ပူးပေါင်းရင်းမြစ်များ

Proverbios 19:21

Ja̧danö, ju'wibi yötawa: Isabenö, jojodöma idöda ja̧tjakwa̧ ju'wi jawabi ju'wi jawa tjo̧'wo̧ junö omukwatadö. Jobekwö tjo̧mukwatijayonö Isabenö Jo̧ma iteda baledobö ösödi̧danö baledakobe.

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

Mateo 26:2

—Kwöwaisaduwa chömöledö. Dios damötjö Israel jojodö tjö̧jibinö mönö öbaledina jawa pjiestama, dötölataja möle baledibajena jamatakobe, ja̧danö ju'wibi yötawaduwakwö, ötjö jojo baibanö jeminökwenö iyö lotjakobe, ja̧danö ötjönö towisa'onö bȩbö tjönakobe— jö̧ba̧lö.

Mateo 26:5

Jejenö omukwatö yötja̧linobe: —Jojodö pjiesta tjujunonö jo̧banö do̧datoko, pjiesta tjujunonö jo̧banö do̧datitjö̧ma, jo̧banö do̧dati̧ edö jojodö tjölabipji jö̧ba̧lö— yötja̧linobe.

Marcos 11:18

Jejenö jö̧a̧li̧ a̧ja̧kwö la'aka luwedöma öpöjödijadötö. Diostjö jojodötjö ö'weje pjabatadö tjuluwedöbi, Moisés iwȩyudina ba̧ja̧dadöbi yebabijadötö Jesúsnöma, jojodö jo̧ba yöawi̧ a̧ja̧kwö nöinö tjösödobetjö̧, A̧ja̧kwi, a̧ja̧kwi, jö̧ba̧lö. Jo̧kwaobetjö̧ tjo̧'wo̧ sulinö edö omukwatijadötö, ¿Dakwö ja̧dakwa̧da Jesúsnö kwabö loawa wedoböma?, jö̧ba̧lö.

Marcos 11:32

Jo̧kwaijayonö, Jojodö wetjinökwe, jö̧ba̧lö, dataditjö̧ma, jojodöma yelösöda tjölabena ökwödönöma, Diosda yöawi̧ yöbawina Juanmine, jö̧ba̧lö— jö̧ba̧lijadötö idödada. Jojodö okobe deinö Juan Ojwenö Bu̧dato̧ma Dios yöawi̧ yöbawina, jö̧ba̧lö, tjomukwatobetjö̧ yebabijadötö. Tjatadobö jö̧ba̧lijöködötö, Juan Ojwenö Bu̧dato̧ma jojodöda weinökwe, jö̧ba̧lö, jojodö tjölabipji jö̧ba̧lö.

Marcos 14:1

Ina dötölataja möle jwiijetö pjiesta junö baledakwawa mölema. Ja̧ pjiesta, Dios damötjö Israel jojodö tjö̧jibinö pjabatö mö öbaledina omukwatö pjiestabi, pan 'ye'yeachökö kwakwawa pjiestabi ja̧kwama. Diostjö jojodötjö ö'weje pjabatadö tjuluwedöbi, Moisés iwȩyudina ba̧ja̧dadöbi kabatökönö omukwata̧lijadötö, ¿Dakwö ja̧dakwa̧da jojodö wajwitjonö Jesúsnö do̧batibö kwabö loawa wedoböma? jö̧ba̧lö.

Marcos 14:3

Jesúsma Betania comunidadnö ja̧nö Simón ejunö tebachijetö. Jo̧ba Simónma, ajayinö i̧sȩdo̧ jwiinö 'wabibö ö'wöchino̧. Jesúsma, Simónkwö o̧do okwa mesasötenö bo̧nö bakwuju isujuma tebachö otiwa jawa inawatjö otikwayu ichejebijotö. Ja̧yu okwa okwobu omeasobuma, söinö nöekwi̧ jawa omeasobu, bakwaiyobu, nöinö mikwawobu. Jesús ö̧bobekwö 'ya̧wibö jobu okwayu 'dainö po̧bebö Jesús uunö tobebijotö jobu omeasobuma.

Lucas 20:6

Jo̧kwaijayonö jojodöda wetjinökwe jö̧ba̧lö dataditjö̧ma jojodö a̧ja̧kwö tjölabena. Jojodö tjedemi Juanma isabenö Dios yöawi̧ yöbawina jö̧ba̧lö tjomukwatobe, ja̧danö jejenö tjomukwatobetjö̧, ökwödönö kwabö lobö inawiya tjikwawena— jö̧ba̧lö yötja̧lakwawinobe.

Lucas 22:1

Jesúsma Jerusalénnö ö̧jenama, judío jojodö pan 'ye'yeachö̧kö̧ kwakwawa ötjabi̧ pjiesta, ju'wi imi Dios Israel jojodö tjö̧jibinö mönö öbaledina pjiesta tjujunakwa̧ma yöneawachibinobe, ja̧danö yöneawachibobetjö̧ jojodö tjöba̧jekwachinobe.

Juan 12:19

Ja̧danö, ba̧jekwadö Jesúsnö edö tjichiawö̧, fariseo jojodöma yelösöda tjöpöjödinobe. Öpöjödö jö̧tja̧linobe: —Edi, ba̧jekwadö tjösödobe ite Jesúsnö, ökömanö 'ya̧nö. ¿Dakwö ja̧dakwajö jo̧bakwö tji̧'yokobö? Ja̧doböma yelösöda jwiobe— jö̧tja̧linobe.

Juan 7:40

Jesús, jejenö yöawiawö̧, jojodötjö ju'wedöma, Isabenö biteda Dios yöawi̧ yöbawo̧ dite'ada̧lökwe, jö̧ba̧lö, tjösödinobe.