Marcos 14:18 - Dios Iwene

¹⁸ Jeju tebachibö ba̧nö tjukwonö Jesúsma jö̧ba̧lijetö jobadönöma: —Isabenö jö̧ta̧la ökwödönöma. Ökwödö, ötjökwö kwadötjö bakwo̧ bena ö̧ba, ötjönö kwabö lotjotö jö̧ba̧ladönö, ötjönö do̧tjatobö ichejebakwo̧ma.

Marcos 14:18 ပူးပေါင်းရင်းမြစ်များ

Mateo 26:21

ja̧danö tjukwonö Jesúsma jobadönö yöawinobe: —Isabenö yötawaduwakwö, ökwödötjö bakwo̧ma ötjönö iyö loakobe chöpöjojodönö— jö̧ba̧lö.

Mateo 5:18

Isabenö yötawaduwakwö chömöledö, böjȩbi, mölejȩbi ina ja̧yi, ja̧ tjiwȩyudina jawatjö ja'yubebi söbebö lotjökakobe, okobe jwiinö tjiwȩyudinama badekwachenanö kabatö.

Mateo 6:16

Tupakwö yöawinobe Jesúsma: —Ja̧danö, Diosnö omukwatö kwökönö ö̧tö̧chö kwö̧jaduwenama, dötölatajanö omukwatadö ja̧tji̧danöma ja̧köbaduwa. Jobadöma o̧'wo̧ tjo̧achö tjöba dichawökönö, kamijido̧ sulabado̧ 'dutjawobe, okobe deinö edadö ö̧tö̧chö tjö̧ji̧ edö, Aaa, bidöma otiwanö Diosnö omukwatö ö̧tö̧chö ju̧kwadö, jö̧ba̧lö tjomukwatakobetjö̧. Isabenö yötawaduwakwö chömöledö: Jobadöma ida̧ökö okobe jwiinö ö̧tö̧chö tjö̧ji̧ mikwa emajadö jojodötjö chömöledö, Diosma jobadönö iyökakobe.

Mateo 6:2

Jo̧kwajabetjö̧, jwibadönö kwiyaduwenama, sulabenö dötölajatanö omukwatadö ja̧tji̧danöma ja̧köbaduwa. Jobadöma jwibadönö tjiyakwa̧ abönö, tjiyakwa̧ yöbawadö, judío jojodö ba̧nö tja̧ja̧kwa̧lakwawejubiyatjöbi, comunidad ö'wejetjöbi, okobe deinö tjiyi̧ edö, Aaa, bidöma otiwanö jwibadönö iyö pjabatadö, jö̧ba̧lö tjomukwatobö. Isabenö yötawaduwakwö chömöledö: Tjiyaja̧ mikwa baibanöma iyökakwo̧ Diosma, otiwanö iyadöja jö̧ba̧löma, ida̧ökö okobe jwiinö tjiyaja̧ mikwa tjeminobetjö̧.

Mateo 6:5

Tupakwö yöawinobe Jesúsma: —Ja̧danö, Diosnö akebaduwenama, jobadö dötölatajanö omukwatadö atjebi̧danöma akebaduwa. Jobadöma tjösödobe, judío jojodö ba̧nö tja̧ja̧kwa̧lakwawejubiyatjö jamatö labinö Diosnö atjebobö, ja̧danö ba̧jekwadö jojodö kwetjachemi ö'öbönö ja̧nö, labinö Diosnö atjebobö, böjȩ jojodö Diosnö atjebi̧ tjedobö. Isabenö yötawaduwakwö chömöledö: Atjebaja̧ mikwa baibanöma iyökakwo̧ Diosma otiwanö abebadöja jö̧ba̧löma, ida̧ökö okobe jwiinö atjebaja̧ mikwa tjeminobetjö̧.

Marcos 10:15

Isabenö yöta̧laduwakwö: Bakwo̧, tjemu Diosnö tjösödi̧danö ösödö jö̧kö̧ma, Dios La'aka Luwo̧ ö̧jobekwö teachökakwo̧—jö̧ba̧lijetö Jesúsma iteda öba̧ja̧di̧ waisachadönöma.

Marcos 10:29

Jejenö jö̧a̧lökwe Jesúsma jö̧ba̧lijetö: —Isabenö jö̧ta̧la: Bakwo̧, ötjönö ösödö, ejubi, ojo'donöbi, abe'donöbi, ö̧ja̧wo̧dönöbi, öjawujudönöbi, i̧tji̧munöbi junibö itebotjö labebö, Dios jawa otiwa jawa wene yöbawö jelobe 'yo̧nöma

Marcos 14:17

Ikenama, ida̧ökö yö̧te baibena, Jesúsma, iteda öba̧ja̧di̧ waisachadö a̧li̧nösamutjö du̧ju̧tajakwö 'yi̧jadötö tjukwakweju jobekwö.

Marcos 14:19

Jejenö jö̧a̧lawö̧ tjo̧'wo̧ tjo̧bekwö bakwo̧nökwena jö̧ba̧lijadötö Jesúsnöma: —Ötjömaökö ¿isaji̧?— jö̧ba̧lijadötö.

Marcos 14:25

Isabenö yötawaduwakwö, yemidanöma biya̧jaye bobujayobu ubasobuma owö̧kö̧sa ötjöma. Jo̧kwaijayonö ju'winö, Dios La'aka Luwo̧ ö̧jena ja̧nö 'yayobu chowakobe— jö̧ba̧lö yöbawijetö Jesúsma öba̧ja̧di̧ waisachadönö.

Marcos 14:9

Isabenö jö̧ta̧la ökwödönö. Böjȩ bakwameachibanö Dios jawa otiwa wene yötjawenama, bisu tojebaja̧ yötjawakwedö, jojodöma jobuju otiwanö ji̧sebina tjomukwato jö̧ba̧lö—jö̧ba̧lijetö Jesúsma.

Marcos 3:28

Ina yöbawijetö: —Isabenö jö̧ta̧la ökwödönö. Jojodö sulabe tjujuna̧li̧ma Diosma söbebö lobo̧. Ja̧danö, tjo̧'wo̧ sulawö Diosnö sulabenö yötja̧li̧bi Diosma söbebö lobo̧.

Marcos 6:11

Jo̧kwaijayonö comunidadbe kwichibaduwena jobe ju̧kwadöma ökwödönö teatakwawabi a̧ja̧kwakwawabi tjöpöjöditjö̧ma, kwömasapaduwitjö kwupjusawaduwo, letiya. Ja̧ kwupjusawaduwi̧ma jobadönö i̧sebakobe, Ökwödöma Dios iwene kwa̧ja̧kwaduwobö kwöpöjödaduwitjö̧ma tjo̧wi̧ta, ökwödönöma kadatiba, jö̧ba̧lö— webijetö Jesúsma iteda öba̧ja̧di̧ waisachadönö jelobe tji̧'yakwa̧ abönö.

Marcos 8:12

Jejenö wetjökwe Jesúsma, jwiinö o̧'wo̧ tjo̧bekwibö, o̧'wo̧nö emö atadijetö jobadönöma: —Ökwödö, babe ju̧kwadöma sulabenö omukwatö webadöja, Dios ujulunö chi̧seboböma—jö̧ba̧lijetö—. Isabenö jö̧ta̧la Dios ujulunö i̧sekwama yelösöda chi̧sebokobe ökwödönöma—jö̧ba̧lijetö.

Marcos 9:1

Ja̧danö, ju'wibi jö̧ba̧lijetö jobadönö: —Isabenö jö̧ta̧la. Bena ju̧kwadötjö ju'wedöma ina 'yatja̧layi tjedakobe Dios La'aka Luwo̧ ö̧ji̧ baledakwa̧ma. Tjedakobe, Dios iteda ujulunö ichajo̧ La'aka Luwo̧ ö̧jobema— jö̧ba̧lijetö Jesúsma.

Marcos 9:41

Ju'wibi jö̧ba̧lijetö: —Isabenö jö̧ta̧la. Bakwo̧, chöba̧ja̧di̧ waisachadönö edö, ötjö chöba̧ja̧di̧ waisachadöiökwe ösödö ojwiyobi kwowaduwobö iyo̧nöma Diosma jwiinö otiwa jawa iyakwo̧ ju'winö.

Lucas 11:51

Abeltjö jamatö, Zacarías, Dios ejubi Diosnö iyawapjobi 'da̧detjö debö 'yi̧na baibanö. Isabenö yötawaduwakwö, okobe deinö jobadönö kwabö lötjiökwe Dios lȩebakwa̧ma, ökwödö babe möle ju̧kwadönö badekwachakobe.

Lucas 22:21

Ja̧danö jobe ba̧nö Jesúsma yöawinobe: —Chömöledö, bakobe ösödakwabikwawö ba̧nö dukwobe, jo̧kwaijayonö okobe deinö ösödabikwawö dö̧bobedanö ichejekwijayonö, ötjönö iyö loakwo̧bi chömöledöso̧ ichejekwö ökwödökwö mesasötenö ö̧bobe.

Lucas 4:24

Ja̧danö tupakwö yöa̧linobe Jesúsma: —Isabenö yötawaduwakwö, ötjönö kwöpöjödaduwi̧danö, ba̧kwȩlö̧jatebö Dios iwene yöbawadönö öpöjödajitjobe idöda tjitebo jojodönöma, Bidöma Dios yöawi̧ yöbawöködö, jö̧ba̧lö.

Juan 1:51

Ina yöawinobe okobe deinö: —Isabenö yötawaduwakwö. Ju'winö mölejȩ po̧ibobe kwedaduwakobe. Ja̧danö, Dios ömöayedö ángelesdönö kwedaduwakobe, mölejȩbetjö böjȩkwö jwibachadönöma. Ja̧danö, böjȩtjö mölejȩbekwö kabekwachajadönöbi kwedaduwakobe. Ja̧danö, jobadö ángelesdö böjȩkwö ichö, ötjönö mebibö jamatadönö kwedaduwakobe. Ötjönö, jojo baibanö jeminökwenö mebibö jamatadö ángelesdönö kwedaduwakobe— jejenö yöawinobe Jesúsma jo̧bakwö ichinadönöma.

Juan 13:18

Ja̧danö, ökwödötjö okobe deinöma yötawökö. 'Da̧batö chujuninawö̧nöma chöwaisawö̧. Jo̧kwaijayonö ökwödötjö bakwo̧ ötjönö iyö loakwo̧ma. Jo̧bama benada bo̧, Dios iwene damötjö yöawinadanö badekwachakobetjö̧. Baikwö yöawobe Dios iwenema: Bakwo̧ ötjökwö kwo̧ma ötjönö iyö loakwo̧, jö̧ba̧lö, yöawobe Dios iwenema, damötjö tjiwȩyudinama.

Juan 13:21

Jejenö yöawaja̧ ikena o̧'wo̧ tjo̧bekwibö yöawinobe: —Isabenö yötawa. Ökwödötjö bakwo̧ iyö loakobe ötjönöma— yöawinobe Jesúsma.

Juan 13:22

Jejenö yöawiawö̧, Jesús öba̧ja̧di̧ waisachadöma idödada tjeda̧labiainobe ¿Ditenö yöawa? jö̧ba̧lö.

Juan 13:38

—¿Isaji̧? ¿Ötjönö kwabö lotjonöbi pjakatakwa̧ji̧, jojodötjö 'döbebö? Isabenö yötawakwö Pedro. Jejenömaökö. Ökwöma yebabinö yöka̧lakobe, Jesúsnöma wajwitökwe, jö̧ba̧lö. Wa̧pötakwanö jejenö yöka̧lakobe. Ja̧danö, wa̧pötakwanö yöka̧laja̧ ikena akala jwöakobe—yöawinobe Jesúsma Simón Pedronöma.

Juan 21:18

Ina yöawinobe Jesúsma Pedronöma: —Simón Pedro, isabenö yötawakwö. Tjȩmu̧köbayima koleasö̧jȩ nönawibö kwebachiaköbijatö, kwi̧'yobö kwösödenama. Jo̧kwaijayonö jejenömaökö ju'winö, jwiinö pöe bakibenama—yöawinobe—. Ja̧ möle, kwömamijunö debatö kwi̧sekwobö wetjakobe. Ja̧danö, kwömamijunö debatö kwi̧sekwena jelo̧ma di̧batö öibakobe ökwönöma, kwi̧'yobö kwöpöjödobeda— yöawinobe Jesúsma Pedronöma.

Juan 3:11

Isabenö yötawa ökwönö. Ökwödöma isabenö döwaisi̧da yöbawadösa. Yödawi̧ jawama isabenö dedijatö. Jo̧kwaijayonö ökwödöma kwöpöjödaduwobe yödawi̧ma.

Juan 3:3

Jemi ikenama Jesúsma yöawinobe Nicodemonöma: —Isabenö yötawa ökwönö. Bakwo̧ yemidanö jemökökwema la'akatjöda ichibökakwo̧ Dios La'aka Luwo̧ ö̧jobekwöma— yöawinobe.

Juan 3:5

—Isabenö yötawakwö. Bakwo̧ Dios O̧'wo̧ Luwo̧tjöbi ojwiyotjöbi baibökökwema isabenö Dios La'aka Luwo̧ ö̧jobekwö teachökakwo̧— yöawinobe Jesúsma—.

Juan 5:19

Ja̧danö, Jesúsma yöawinobe jobadö judío la'aka luwedönö: —Isabenö yötawa. Ötjödada chomukwati̧ otidö̧kö̧sa. Ötjöma Chabe'do otidi̧ edö, bakwainö otido̧sa ötjöma— yöawinobe—.

Juan 6:26

—Isabenö yötawaduwakwö. ¿Tajawedö kwisakwaduwa ötjönöma? Chujulu chi̧sebobe kwedinaduwa omukwatö ¿kwisakwaduwiji̧? Ja̧maökö. Ökwödöma pan kwukwinaduwada kwomukwataduwobe. Kwomeawaduwinö kwukwinaduwada omukwatö ötjönö kwisakwaduwobe—yöawinobe Jesúsma—.

Juan 6:32

Ikenama Jesúsma yöawinobe: —Isabenö yötawaduwakwö. Moisésma inesö mölejȩbe jawa kwakwawa iyijökötö. Jo̧bama 'dö̧ibaji̧ kwakwawada iyijetö. Jo̧kwaijayonö Chabe'do Diosma inesö mölejȩbe jawa kwakwawada iyo̧, ökwödönöma.

Juan 6:47

Isabenö yötawa. Ötjönö ösödadö, Bitema Dios weinökwe, jö̧ba̧lö, ösödadöma ba̧kwȩlö̧jatebö ja̧kwawa tjujuna̧lakwedö.

Juan 6:70

Ja̧danö Jesúsma jö̧a̧linobe jobadönö: —Ökwödö a̧li̧nösamutjö du̧ju̧tajanö 'da̧batö chujunijatö. Jo̧kwaijayonö, ökwödötjö bakwo̧ Awetja ömöayo̧— jö̧a̧linobe Jesúsma.