Marcos 13:34 - Dios Iwene

³⁴ Wanedö yötawa: Bakwo̧ la'aka luwo̧, jelobe i̧'yajabe okobema ejunö ömöayedöma tjuluwo̧ weaja̧ otidö tjuju̧kwobe. Jobadöma bakwo̧nökwena tjotidawa otidö tjuju̧kwobe tjuluwo̧ weaja̧ma. Apjude a'o te'ada̧lo̧nöbi, Eda̧lö kwite'ada̧lo, jö̧ba̧lö, webijetö tjuluwo̧ma i̧'yakwa̧ abönö, yemidanö ichakwa̧ma ite'ada̧lobö. Ja̧danö, ömöayedöma wajwibadö tjuluwo̧ yemidanö ichakwa̧ma.

Marcos 13:34 ပူးပေါင်းရင်းမြစ်များ

Mateo 16:19

Ja̧danö, ökwönö mölejȩbe jo̧ la'aka luwo̧ ö̧jena yawepi̧ chiyocha, ja̧danö böjȩtjö kwunu'yaja̧ma, mölejȩbetjöbi bakwainö kwunu'yaja̧ ja̧kobe, ja̧danö böjȩtjö kwejataja̧ma, mölejȩbetjöbi bakwainö kwejataja̧ ja̧kobe— jö̧ba̧lö.

Juan 10:3

Ja̧danö, o̧bȩja̧dönö te'ada̧lo̧ ichena, apjude ja̧nö po̧bebo̧ma apjude po̧ebobe o̧bȩja̧dönö te'ada̧lo̧ teachobö. Ja̧danö, o̧bȩja̧döma idöda a̧dekwanö te'ada̧lo̧ iwenema a̧ja̧kwadö. Ja̧danö, te'ada̧lo̧ma iteda ite'ada̧lawö̧ tjimikwena waiso̧. Ja̧danö, ite'ada̧lawö̧ tjimibiyanö jwöawö̧ma ichadö, te'ada̧lo̧kwö tji̧'yobö.

Romanos 13:6

Ju'wibi chömöledö, Diosda jobadönö ujuninobetjö̧, luwedö atjebi̧ balada, impuesto ötjabi̧ balada wetji̧danö kwimidaduwobö jo̧be. Kwimidaduwobö jo̧be chömöledö, luwedöma Dios wei̧ ja̧bö ju̧kwadötjobetjö̧, Dios ujuninadanö.

1 Corintios 15:58

Jejenö jo̧be chösödawö̧ chömöledö, ja̧danö jejenöobetjö̧, 'diinö kwö̧jaduwo, pjolachibökönö. Ja̧danö jwaikwöda Duluwo̧ wei̧ ja̧bö kwö̧jaduwo kwöwaisaduwobetjö̧, Duluwo̧ wei̧ ja̧bö dö̧ji̧ma isabenö mikwa ji̧ jö̧ba̧lö.

Colosenses 3:24

Jau chömöledö, jejenö kwotidaduwo, kwöwaisaduwobetjö̧, Duluwo̧ Cristo wei̧ ja̧bö ja̧dösa, jö̧ba̧lö, ja̧danö Duluwo̧ Cristoma balekwa mikwa mölejȩbetjö demakwa̧ iyakwo̧, jö̧ba̧lö kwöwaisaduwobetjö̧.

Colosenses 4:1

Ökwödö tjömöayedö tjuluwedönö baikwö weta: Bakweminö ja̧köbaduwo jö̧ka̧laduwi̧danö ja̧baduwidönö kwömöayedöduwinöma, kwöwaisaduwobetjö̧ ökwödö kwuluwo̧duwima mölejȩbe jo̧, jö̧ba̧lö.

Apocalipsis 3:7

Ja̧danö, chedökwema ina chiwȩyudobö weijatö: —Juan, biya̧ yötawi̧ma wȩyudi weköbo, Filadelfia jojodötjö ötjönö ko̧ko̧kwa̧lö ba̧nö ösödadönö te'ada̧lakwawa jojonöma. Jo̧banö weköbo, jobe ju̧kwadö ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma suli̧ jwibo̧ yöawi̧. Ja̧danö, jö̧a̧linadanö ja̧bo̧ yöawi̧, biya̧ chiwȩyudi̧ma. Ja̧danö, jo̧bama la'aka luwo̧ Davidmine u̧kwa yawepi̧ juna̧lo̧. Jo̧bada apjude po̧bebö tebato̧ma. Ja̧danö, jo̧bada apjude yö̧beböbi yö̧bebo̧. Jo̧bama baikwö yöawobe ökwödö Filadelfia jojodönö, jo̧banö ösödadönöma: