Marcos 13:17 - Dios Iwene

¹⁷ Ja̧danö, metu'wo ja̧dönöbi, tjemu o̧dode owadönö juna̧ladönöbi yelösöda inia tjötjinö baledakwawö̧, dötjibaji̧ma waiyakobetjö̧. Metu'wo tjö̧jobetjö̧, mö'ösa'o jobekwö juluwanö dötjibaji̧ma waiyakobe. Ja̧danö, tjemunö a̧pjö̧a̧ladöbi juluwanö dötjibaji̧ma waiyakobe.

Marcos 13:17 ပူးပေါင်းရင်းမြစ်များ

Mateo 21:16

ja̧danö Jesúsnö tjo̧'wo̧ sulinö abebö tja̧ja̧kwinobe: —¿Bidö tjemu ökwönö sulabenö jwötjeba̧li̧ kwa̧ja̧kwiji̧?— jö̧ba̧lö Jesúsnö dameakwö abebö tja̧ja̧kwinobe. Atjebökwe Jesúsma atadinobe: —Jau, cha̧ja̧kwobe, jo̧kwaijayonö sulabenöma jwöbeba̧löködö, Dios iwene laebi̧danö badekwachinö jwöbeba̧ladö. Ökwödöma Dios iwene baikwö laebi̧ma: Tjemu pjebadö, ja̧danö ina o̧do'bi̧ owadö tjemunö Diosma otiwanö öba̧ja̧dinobe otiwanö Diosnö ösödö yötja̧lobö, jö̧ba̧lö laebi̧ma, ¿la'akatjöda yöka̧linaduwökiji̧? Ja̧ laebi̧ma bidö tjemunö badekwachobe— jö̧ba̧lö atadinobe Jesúsma.

Marcos 13:16

Ja̧danö, bakwo̧ batjobe jo̧bi ökamijido̧ emobö tjeachibo jö̧ba̧löbi jwiakobe. Jo̧babi ökamijido̧ emökönö juluwanö ö'öbakwawakobe mö'ösa'okwö dötibajo, jö̧ba̧lö.

Marcos 13:18

Jo̧kwaobetjö̧ ja̧ baledakwa̧ma abebaduwi Diosnö o̧ba baibokobö, tiyuwapji jö̧ba̧lö— jö̧ba̧lö yöbawijetö—.

Lucas 21:23

Isabenö labikobe ja̧ mölema chömöledö, ja̧ mölema isabenö jwiinö usula tjemawakwedö, ya̧dötjö metu'wo ja̧döbi, tji̧tji̧munö o̧do'bi̧ ojwadöbi. Jau chömöledö, Diosma labinö judío jojodönö lȩebobetjö, Judea niji jojodöma isabenö nöinö usula tjemawakobe.

Lucas 23:29

Jau chömöledö, isabenö usula kwemawaduwakwedöja ökwödöbi kwi̧tji̧muduwibi. Baikwö yötawa: Ja'yubenö lekwajabetjö Jerusalénnö ju̧kwadöma jwiinö usula tjemawobetjö̧, yötja̧lakobe: Isabenö tjo̧'wo̧ ösöwanö ju̧kwadöma tji̧tji̧munö la'akatjöda emöködöda, ja̧danö la'akatjöda tji̧tji̧munö o̧do'bi̧ ojwöködöda, jobadöda tji̧tji̧mu usula tjemawobe tjedokobetjö̧, jö̧ba̧lö usula emawö yötja̧lakobe.