Marcos 13:14 - Dios Iwene

¹⁴ Ja̧danö, ina yöbawijetö: —Jejenö baledonö jelo̧, jwiinö sulabenö ja̧bo̧ma Dios eju okwa tebachajo̧ tupakwö jojodö teachakwawökȩko̧nö tebachö ö̧bakobe, jojodö tetjachoböma jwiȩko̧nö. Ja̧ baledi̧ kwedaduwenama, kwöwaisaduwakobe, Tjo̧wi̧, sulabenö baledakobe, jö̧ba̧lö. Ja̧ mölema mö'ösa'okwö dökibajaduwo. Ja̧danö, biya̧ chiwȩyudi̧danö baledi̧ma kwedaduwena waisinö eda̧lö kwomukwataduwo— jö̧ba̧lö yöbawijetö—.

Marcos 13:14 ပူးပေါင်းရင်းမြစ်များ

Daniel 11:31

Jo̧ba ömöayedö guardia jojodöma Dios eju sulamachibanö ja̧tjakobe. Möletenia Diosnö iyawa katjatibobö weakobe, ja̧danö ju'wibi jwiinö suli̧ jawa Dios ejunö tjujunakobe, Dios ejuma sulabeju baibanö.

Daniel 12:11

Ja̧danö, 'dö̧ibaji̧ möle Diosnö öpöjödo̧ma, möletenia Diosnö iyawa katjatibobö ja̧akobe, ja̧danö inesö suli̧ jawa Dios ejunö ujunakobe. Ja̧ möle ikena, mil doscientos noventa möle baledakobe, 'dö̧ibakwa̧ abönö.

Daniel 8:13

Ja̧danö ángelesdö yötja̧lakwawobe cha̧ja̧kwijatö, bakwo̧ jelo̧nö abebö a̧ja̧kwinobe: —Bite Diosnö tjiyobö webö̧kö̧ma, Dios wei̧ öpöjödö ölakwabikwawö jo̧ma, Diosnö iyawemi sulamachibanö ja̧bo̧ma, ¿dokwa lekwe ujuluwakwa̧da? ¿dokwa lekwe möletenia Diosnö iyawa iyökönö tjö̧jakwa̧da? Ja̧danö, ¿dokwa lekwe Dios ejubi, Dios ömöayedönöbi ujuluwakwa̧da?— jö̧ba̧lö abebö a̧ja̧kwobekwö cha̧ja̧kwijatö.

Daniel 9:27

Jemi ikenama tupakwö ichakwo̧ inesö la'aka luwo̧ma ba̧jekwadö jojodökwö isabenö ja̧tja̧kwa̧ yöbawö tjujunakobe, jelemutjö döbalataja o̧biya baledibanö bejenö otiwanö ja̧dakwedösa jö̧ba̧lö. Ja̧danö, ajayinöma otiwanö ja̧akobe, ja̧danö jojodö otiwanö Diosnö tjiyobö weakobe, yöbawö ujunaja̧danö. Jo̧kwaijayonö ja'ö, wa̧pötakwa o̧biya ja'ö baledibajenama, sulabenö ja̧akobe. Diosnö iyawa katjatibobö weakobe, Diosnö kwabö juwö iyawabi, ju'wi Diosnö iyawabi. Ja̧danö Dios ejutjö bajalesa'onö, inesö suli̧ jawa o̧'wo̧ jawa jojodö tjösödobö ujunakobe. Ja̧danö o̧'wo̧ jawama jenada ja̧kobe, bajalianö Dios lȩtebocha jö̧ba̧lö yöbawö ujuninadanö sulabenö junajo̧nö lȩbebö loenanö kabatö— jö̧ba̧lö yöawinobe Dios weökwe ángel Gabrielma, Daniel ömöledö Israel jojodönö baledakwa̧ma.

Mateo 13:51

Jejenö yöbawajo̧, iteda öba̧ja̧di̧ waisachadönö: —Ökwödönö yötawaja̧ jawama, ¿otiwanö kwa̧ja̧kwaduwaji̧?— jö̧ba̧lö, Jesús abebö a̧ja̧kwawö̧: —Jau— jö̧ba̧lö tjatadinobe.

1 Corintios 14:20

Chömöledö, biya̧ yötawaja̧ jawa wajwibö kwomukwataduwa, tjemu wajwitji̧danö. Suli̧ jawa wajwiköbaduwobö chösöda chömöledö, bakwainö otiwi̧da kwomukwataduwo jö̧ba̧lö, jo̧kwaijayonö biya̧ yötawaja̧ jawa tjo̧'wo̧ luwo̧nö da̧peachadö tjomukwati̧danö jweinö kwomukwataduwobö chösöda.

Apocalipsis 1:3

Chömöledö, biya̧ chiwȩyudi̧ma baledakwa̧ jawa. Ja̧danö, ja̧ baledakwa̧ma lekwokobe. Ja̧danö, biya̧ chiwȩyudi̧ eda̧lö ömöledönö yöbawadöma tjo̧'wo̧ ösöwanö tjö̧jakwedö. Ja̧danö, biya̧ chiwȩyudi̧ a̧ja̧kwadöbi tjo̧'wo̧ ösöwanö tjö̧jakwedö. Ja̧danö, biya̧ chiwȩyudi̧ weawa jawa a̧ja̧kwö ja̧badöbi tjo̧'wo̧ ösöwanö tjö̧jakobe. Jau, tjo̧'wo̧ ösöwanö tjö̧jakobe, biya̧ chiwȩyudi̧ baledakwa̧ma, Tjo̧wi̧ yöneawachobe, jö̧ba̧lö, waisö tjö̧jobetjö̧.

Apocalipsis 13:18

Waiya, ja̧ númeronö wanekwachobema. Kwo̧'wo̧duwi̧ okwanö isakwaduwi kwöwaisachibaduwobö ojwe okwatjö labebajo̧ imi, númeronö wanekwachobema. Ja̧ imi númeroma, jo̧ba imi bi̧. Ja̧ númeroma seiscientos sesenta y seis.