Marcos 12:12 - Dios Iwene

¹² Ja̧danö, jobadö judío jojodötjö la'aka luwedöma a̧ja̧kwö waisachibijadötö Jesús wanedö yöawaja̧ma, idöda sulabenö tjomukwati̧ yöawatö. Jo̧kwaiawö̧, Jesúsnö do̧dato jö̧tja̧lijayonö jojodö ba̧jekwadö Jesúsnö tjösödiawö̧ yebabijadötö, Ökwödönö jwiinö tjölabena, jö̧ba̧lö. Jo̧kwaobetjö̧ do̧batökönö jo̧ba ö̧jelöma labekwajijadötö.

Marcos 12:12 ပူးပေါင်းရင်းမြစ်များ

Mateo 21:26

Jo̧kwaijayonö jojodöda wetjinökwe jö̧ba̧lö dataditjö̧ma, jojodö a̧ja̧kwö tjölabena, tjedemi Juanma Dios yöawi̧ yöbawina jö̧ba̧lö tjomukwatobetjö̧— jö̧ba̧lö.

Mateo 22:22

Jejenö yöawawö̧, tjöbajale jalaka baibanö tja̧ja̧kwinobe, Bitema isabenö waisanö yöbawo̧we, jö̧ba̧lö, ja̧danö ö̧jelö labeibö tjȩwa̧jinobe.

Marcos 11:18

Jejenö jö̧a̧li̧ a̧ja̧kwö la'aka luwedöma öpöjödijadötö. Diostjö jojodötjö ö'weje pjabatadö tjuluwedöbi, Moisés iwȩyudina ba̧ja̧dadöbi yebabijadötö Jesúsnöma, jojodö jo̧ba yöawi̧ a̧ja̧kwö nöinö tjösödobetjö̧, A̧ja̧kwi, a̧ja̧kwi, jö̧ba̧lö. Jo̧kwaobetjö̧ tjo̧'wo̧ sulinö edö omukwatijadötö, ¿Dakwö ja̧dakwa̧da Jesúsnö kwabö loawa wedoböma?, jö̧ba̧lö.

Marcos 11:32

Jo̧kwaijayonö, Jojodö wetjinökwe, jö̧ba̧lö, dataditjö̧ma, jojodöma yelösöda tjölabena ökwödönöma, Diosda yöawi̧ yöbawina Juanmine, jö̧ba̧lö— jö̧ba̧lijadötö idödada. Jojodö okobe deinö Juan Ojwenö Bu̧dato̧ma Dios yöawi̧ yöbawina, jö̧ba̧lö, tjomukwatobetjö̧ yebabijadötö. Tjatadobö jö̧ba̧lijöködötö, Juan Ojwenö Bu̧dato̧ma jojodöda weinökwe, jö̧ba̧lö, jojodö tjölabipji jö̧ba̧lö.

Lucas 20:19

Jejenö yöa̧liawö̧, ö'weje pjabatadötjö la'aka tjuluwedöbi Moisés iwȩyudina ba̧ja̧dadöbi tjöwaisinobe, wanedö yöawaja̧ma, Ötjönö kwöpöjödaduwobetjö̧ Dios lȩebakwawö̧ja jö̧ba̧lö wanedö yöawobe jö̧ba̧lö, jo̧kwajabetjö̧ dameakwö, tjo̧'wo̧ sulinö juluwanö Jesúsnö do̧tjatobö tjösödinobe. Jo̧kwaijayonö, jojodö Jesúsnö tjösödiawö̧, Jesúsnö do̧tjatoböma yetjabinobe, Jojodö tjöba a'otjö Jesúsnö do̧datitjö̧ma, jojodötjö wene baibena, ökwödönö tjölabena, jö̧ba̧lö yetjabinobe.

Lucas 20:6

Jo̧kwaijayonö jojodöda wetjinökwe jö̧ba̧lö dataditjö̧ma jojodö a̧ja̧kwö tjölabena. Jojodö tjedemi Juanma isabenö Dios yöawi̧ yöbawina jö̧ba̧lö tjomukwatobe, ja̧danö jejenö tjomukwatobetjö̧, ökwödönö kwabö lobö inawiya tjikwawena— jö̧ba̧lö yötja̧lakwawinobe.

Juan 7:25

Jesús jejenö yöawi̧ a̧ja̧kwö, Jerusalénnö ju̧kwadötjö ju'wedöma jö̧tja̧linobe: —Bitema kwabö lotjobö jö̧tja̧lökwe ¿jö̧tö?— jö̧tja̧linobe—.

Juan 7:30

Jejenö yöawawö̧ do̧batö tje'ewobö jö̧tja̧lijayonö do̧tjatinokobe. Ina, jo̧banö do̧tjati̧ möle, Dios ajayinö badedö ujunina möle badekwachokobetjö̧ ina do̧tjatinokobe.

Juan 7:44

Jobadötjö ju'wedö jo̧banö öpöjödadöma, Do̧batö de'ewo, jö̧ba̧lö, jö̧tja̧linobe. Jo̧kwaijayonö bakwo̧bi deinobe Jesúsnö do̧batö e'ewo̧ma.