Marcos 10:48 - Dios Iwene

⁴⁸ Ju'wedö jobe ju̧kwadöma, ¡Ö'wainö ba̧wi!, jö̧ba̧lö, lȩtjebijayonö a̧ja̧kwökönö jemi tupakwö labinö jwöbijetö: —Jesús, Davidtjö tupadanö jojo, ¡lȩlö̧jino editjö!— jwöbijetö.

Marcos 10:48 ပူးပေါင်းရင်းမြစ်များ

Mateo 19:13

Ju'wedö jojodöma tji̧tji̧munö tjichejebinobe Jesús ö̧jobekwö, ömamu 'bibeba̧lö, Diosnö aebobö, jo̧kwaijayonö Jesús öba̧ja̧di̧ waisachadöma jojodönö wetjinobe: —Kwi̧tji̧muduwinö ichejebökönaduwi— jö̧ba̧lö.

Mateo 20:31

Jejenö jwötjeba̧liawö̧, jojodöma jobadönö labinö wetjinobe, 'Wi̧inö babibaduwi jö̧ba̧lö. Jo̧kwaijayonö, 'wi̧inö batjibobö wetjijayonö, 'wi̧inö babibökönö ajayitjö bajalekwönönö labinö jwötjeba̧linobe: —David itji̧ tupadanö jojo, ¡lȩlö̧jinö edö pjabati ökwödönö!— jö̧ba̧lö.

Mateo 9:27

Jobetjö labebajo̧, Jesúsma tupakwö kweachinobe. Ja̧danö, jo̧ba ökömanö du̧ju̧taja tjöbajale tjewawadöma lutja̧libinobe, ja̧danö Jesúsnö jwötjeba̧linobe: —Ökwö David itji̧ tupadanö jojo, ¡ökwödönö lȩlö̧jinö edö pjabati!— jö̧ba̧lö jwötjeba̧linobe.

Marcos 10:13

Ju'wi möle jojodöma tji̧tji̧munö ichejebijadötö Jesús ö̧jobekwö. Tjemu tjuunö 'bibeba̧lö Diosnö aebobö, otiwanö pjaatobö ichejebijadötö jobadönöma. Tjichejebiawö̧ Jesús öba̧ja̧di̧ waisachadöma öpöjödijadötö, Tjemunöma kwichejebaduwa, jö̧ba̧lö.

Marcos 5:35

Jesúsma ina jobujunö yöa̧lonö ju'wedöma ichibijadötö judío jojodö ba̧nö tja̧ja̧kwa̧leju la'aka luwo̧ Jairo, tjemu ö'wöchuju jabe'donöma edö. Jobadöma Jaironö yöbawijadötö: —Ökwö kwitjijuma ida̧ökö ö'wö bajibajabe. Jo̧kwaobetjö̧ bite ba̧ja̧dakwawa jojonöma akeba̧la, ichoböma.

Lucas 18:39

Jejenö jwöeba̧liawö̧, ö̧bemi badeibö ja̧döma jo̧banö wetjinobe: —Jwöbökönö 'wi̧inö babibi— jö̧ba̧lö. Jo̧kwaijayonö 'wi̧inö babibökönö ajayitjö bajalekwönönö labinö jwöeba̧linobe: —David itji̧ tupadanö jojo, lȩlö̧jinö edö pjabatitjö— jö̧ba̧lö.

Efesios 6:18

Ja̧danö chömöledö, ba̧kwȩlö̧jatebö Dios O̧'wo̧ Luwo̧ ökwödö kwo̧'wo̧ luwo̧duwinö öba̧ja̧da̧lonö a̧ja̧kwö akebaduwo Diosnöma, okobe jwiinö pjaataduwokwö. Kwö'wachibaduwoko chömöledö, Diosnö aekwama. Ba̧kwȩlö̧jatebö, ö'wachibökönö akebaduwo Diosnöma, iteda ömöledö babibadönöma pjaatobö.

Hebreos 5:7

Ja̧danö, Jesúsma, böjȩnö jojo babibö bötjachajo̧ma yelösöda usula emawinobe. Ja̧danö Diosnö, woawatjö ö̧jibinö juluwo̧ Diosnöma budekwabinö aebinobe woawatjö ö̧jibinö pjaatobö. Jo̧kwaijayonö Diosma, ö̧jibinö pjabatökönö weinobe usula emawö woobö. Chömöledö ¿Diosma a̧ja̧kwinököji̧ iteda Itji̧ ubudekwi̧ma? Isabenö a̧ja̧kwinobe, Jesúsma Diosnö yebabinö edö jo̧ba wei̧ a̧ja̧kwöda ö̧jinobetjö̧.