Marcos 10:41 - Dios Iwene

⁴¹ Ikenama ju'wedö Jesús öba̧ja̧di̧ waisachadö domulatajabedöma, Jacobo, Juan, yötja̧lobe a̧ja̧kwö öpöjödijadötö.

Marcos 10:41 ပူးပေါင်းရင်းမြစ်များ

Proverbios 13:10

Ja̧danö, ju'wibi yötawa: Ju'wedötjö bajalekwönönö waisadösa, jö̧ba̧lö, omukwatadöma ba̧kwȩlö̧jatebö ju'wedökwö wene tju̧juna̧lakwedö. Ju'wibi yötawa: Jweinö omukwatö ju̧kwadöma ju'wedö jwebebö yötjawi̧ma a̧ja̧kwö ösödadö, otiwa jö̧ba̧lö.

Mateo 20:24

Ju'wedö domulataja Jesús öba̧ja̧di̧ waisachadö jobadö atjebaja̧ wene tja̧ja̧kwenama, tjödameakwinobe jobadönö.

Marcos 10:42

Tjöpöjödiökwe Jesúsma jwöbijetö jobadönö ö̧jobekwö tjichobö. Ichajadönö jö̧ba̧lijetö: —Kwöwaisaduwa, judío jojodöböködö tjuluwedöma juluwanö wetjobe tjömöayedönöma, jobadö tjuluwedö tjösödi̧da ja̧bö tjuju̧kwobö, jö̧ba̧lö. Jobadö tjösödi̧da omukwatö wetjobe. Ja̧danö, tjuluwedötjö abönö luwedöbi yelösöda jejenö webö tjuju̧kwobe, idöda tjösödi̧da omukwatö—jö̧ba̧lijetö—.

Lucas 22:24

Ja̧danö, Jesús öba̧ja̧di̧ waisachadöma jwöjwöbakwawö yötja̧lakwawinobe: —Ökwödötjö ¿diteda Jesús öba̧ja̧di̧ waisachadötjö bajalekwönönö mikwawo̧ma?— jö̧ba̧lö.

Lucas 22:25

Jejenö yötja̧lakwawiökwe, Jesúsma jobadönö yöawinobe: —Kwöwaisaduwa chömöledö, judío jojodöböködötjö la'aka luwedöma, tjömöayedönö tjujuluwobe, ja̧danö luwedöma tjömöayedönö labinö wetja̧lobe, ¿jö̧tö? Ja̧danö, tjömöayedönö labinö wetja̧lijayonö, dömöayedönö pjabatadösa jö̧ba̧lö yötja̧lobe, ¿jö̧tö?

Romanos 12:10

Ja̧danö, kwömöledö Jesúsnö ösödadönö kwösödaduwo, ökwöda kwöjawo̧danö, ja̧danö kwömöledöduwinö otiwanö kwomukwataduwo, ökwödada kwomukwatakwawemi o̧penönö jobadö kwömöledöduwinö otiwanö kwomukwataduwo, jobadönö ösödö.

Filipenses 2:3

Ja̧danö, ja̧köbaduwi̧ma, ökwödöda kwemaduwotö jö̧ba̧löma kwisakwaduwoko, ja̧danö ökwödönö tjomukwatoböma, Aaa, bidöma otiwadö jö̧ba̧lö tjomukwatoböma kwisakwaduwoko chömöledö. Jau chömöledö, mikwawadösa jö̧ba̧löma kwomukwataduwoko, ju'wedönöda kwösödaduwo, ötjönötjö bajalekwönönö mikwawadö jö̧ba̧lö.

Santiago 4:5

Ja̧danö chö̧ja̧wo̧dö, omukwataduwi Dios iteda iwenetjö yöawi̧ma, biya̧: Dios O̧'wo̧ Luwo̧, do̧'wo̧ luwo̧nö tebachibö ö̧jobö weinökwema, ö'wiabinö a̧'dȩlobe ökwödönöma. Jo̧bama böjȩ jawa dösödi̧ junibö Diosnö ösödö dö̧jobö ösödo̧ chö̧ja̧wo̧dö. Jejenö laebobe Dios iwenetjö. Ja̧danö, ja̧ Dios iwenetjö yöawi̧ma ¿omöna yöawobeji̧? Omöna yöawokobe. Chö̧ja̧wo̧dö, Dios O̧'wo̧ Luwo̧ma böjȩ jawa dösödi̧ junibö Diosnöda ösödö dö̧jobö ösödo̧.