Marcos 10:34 - Dios Iwene

³⁴ Jobadöma oböbi otjakobe ötjönöma. Ja̧danö, subakwöbi sutjakwakobe ötjönöma. Ja̧danö, kwakwaböbi kwakwatjakobe ötjönöma. Ikenama ötjönöma kwabö lotjakobe. Jo̧kwaijayonö, wa̧pötakwa möle baledajena ötjöma yemidanö tjetachajakwo̧sa— yöbawijetö Jesúsma iteda öba̧ja̧di̧ waisachadönö, itenöda baledakwa̧ma.

Marcos 10:34 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 30:10

—Diosma jwiinö ötjönö jwibatö loajabe ichejekwa, ja̧danö jwiinö mikwawö̧kö̧ batibanö usula chemawinö weajabe, jokwajabetjö̧ ötjönö öpöjödö, yö̧ne ichibökönö ödökwönönö ja̧dö, ja̧danö ötjönö edö, öpöjödö subadö, okobe jwiinö ötjönö sulabenö ja̧tjobö tjomukwati̧ma, idöda sulabenö tjomukwati̧danö jabadö, jobadö chöpöjojodöma.

Isaías 50:6

Ja̧danö öpöjödadö ötjönö kwakwatjenema, yayonö katatibijökötö, jwaikwöda Dios wei̧ a̧ja̧kwö ja̧nö, wainö chibeka kwakwatjobö chi̧sȩbijatö. Ja̧danö cha̧jȩsa'ye 'yetjobö jö̧tja̧lenama, öpöjödökönö cha̧jȩ chi̧sebijatö, wainö 'yetakobetjö̧. Ötjönö otjenabi, ötjönö sutjenabi, yayonö tabatjö chöbama ju̧kwawö̧kö̧sa.

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Mateo 16:21

Ja̧ möle jamatö, tupakwö bajalenö Jesúsma iteda öba̧ja̧di̧ waisachadönö jweinö yöawinobe: —Jerusalénbe chi̧'yobö jo̧be. Ja̧danö, jobetjö Israel jojodötjö damötjöbi, Diostjö jojodötjö ö'weje pjabatadö la'aka tjuluwedötjöbi, Moisés iwȩyudina ba̧ja̧dadötjöbi usula chemawobö ja̧kobe, ja̧danö ötjönö kwabö lotjobö ja̧kobe. Ja̧danö, jemi tupakwö wa̧pötakwa möle baledibajenama wobajaletjö tjetachajobö ja̧kobe— jö̧ba̧lö.

Mateo 26:67

Ikenama Jesús öbanö sutjinobe, ja̧danö jo̧banö kwakwatjinobe, ja̧danö jobadötjö ju'wedö jo̧banö öbanö 'bȩbö yötja̧linobe:

Mateo 27:63

Pilatonö atjebinobe: —Duluwo̧, jo̧ba Jesús omöna yöa̧lina wene, ina 'yaa̧layi yöa̧lina wene domukwatiba, Wa̧pötakwa möle baledibajenama yemidanö 'yatibakwo̧sa, jö̧ba̧lö yöawinama.

Marcos 14:63

Jejenö jö̧a̧lökwe, ö'weje la'aka pjabato̧ma, Jesús jö̧a̧li̧ a̧ja̧kwö jwiinö labijetö. Labikanö i̧sebö ökamijido̧ kȩ'ekwö lobijetö. Ikenama jö̧ba̧lijetö jojodönöma: —Jo̧kwadanö. Tjo̧wi̧ta. Jemi tupakwöma jojodönö adeba̧laduwoko, bitenö jwöbeba̧lo̧nöma.

Marcos 14:65

Jejenö jö̧ba̧lö jojodöma Jesús öbanö susubijadötö. Öbanö kamijido̧ di̧batö edokonö kwakwabö obö jö̧ba̧lijadötö: —Babe kwakwadena yöbawi, Dios iwene yöbawo̧. ¿Didöjayedöobö ökwönö kwakwabadöma?—sulabenö obö jö̧ba̧lijadötö. Guardiabi Jesúsnö do̧batö öbanö 'do'dobijadötö.

Marcos 9:31

Iteda öba̧ja̧di̧ waisachadönöda öba̧ja̧dobetjö̧ jobe i̧'yobema ju'wedö tji̧'yo jö̧ba̧löma öpöjödijetö. Ja̧danö, baikwö yöbawijetö iteda öba̧ja̧di̧ waisachadönö: —Ju'winöma, ju'wedöma ötjönö, jojo baibanö jeminökwenö öpöjödadöma ju'wedönö iyö lotjakobe. Ikenama iyö lotjawö̧ma kwabö lotjakobe ötjönöma. Jo̧kwaijayonö kwabö lotjaja̧ ikena wa̧pötakwa möle baledibajena ötjöma, wobajo̧ma yadakwödanö tjetachajakobe— yöbawijetö Jesúsma iteda öba̧ja̧di̧ waisachadönö.

Lucas 23:11

Ja̧danö, Herodesbi, Herodes ömöayedö guardia jojodöbi Jesúsnö obö sulabenö ja̧tjinobe, ja̧danö Jesúsnö obö, otiwado̧ la'aka luwo̧ 'duawado̧ 'dutjatinobe Jesúsnö. Ikenama, obö 'dubatajadö, wetjinobe yemidanö Pilato öba a'o Jesúsnö tjujunobö.

Juan 1:17

Damötjö Diosma iyinobe Moisésnö ökwödönö yöawobö, iteda weina jawa wene, a̧ja̧kwö dö̧jobö weinama. Jo̧kwaijayonö Moisés weinatjö̧ Diosma i̧sebinokobe iteda lȩlö̧jino edi̧ma. Iteda weina jawada i̧sebinobe. Ja̧danö Diosma Jesucristonö weenama ja̧ Moisésnö weinatjö o̧penönö mikwawi̧ma iyinobe ökwödönöma. Ja̧danö, Jesucristonötjö Diosma i̧sebinobe iteda jwiinö lȩlö̧jino edi̧ma, jojodönö pjabatö. Ja̧danö, Jesucristonötjö Diosma itedada jweinö yöa̧lina i̧sebinobe ökwödönöma, Ötjö jö̧ta̧li̧danö isabenö ja̧bo̧sa, jö̧ba̧lö.

Juan 2:10

Jo̧banö jö̧a̧linobe: —Chuluwo̧, jojodöma, pjiesta tjujunena, ajayinö ubasobu o̧'do̧bu otiwobu, nöinö mikwawobu tjiyobe, ajayinöma. Ikenama, a̧debajawö̧ma lekwe möle tjö̧jajena, ubasobu ida̧ökö nöinö tjowajena, jo̧kwadasobuda tjiyobe— jö̧a̧linobe—. Jo̧kwaijayonö ökwöma jwiinö otiwobu, nöinö mikwawobu ajayinöma iyökönö, bajaliyanöda kwiyajabe— jö̧a̧linobe, Otiwanö kwiyajabe, jö̧ba̧lö.

1 Corintios 15:4

Ja̧danö jo̧banö tjo̧tjinobe, ja̧danö jemi ikenama wa̧pötakwa möle baledibajenama, woawatjö tjeachajinobe Dios iwene laebi̧danö.