Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Marcos 10:32 - Dios Iwene

32 Ikenama, Jesúsma, iteda öba̧ja̧di̧ waisachadökwö Jerusalénbe 'ya̧kwawamanö 'yi̧jetö. Jo̧bama abönö 'yi̧jetö. Ökömanö öba̧ja̧di̧ waisachadöma 'ya̧nö tjöbajale jalaka babibijadötö, ¡Ayö! Labobe di̧'ya. ¿Tajawedö i̧'yobeda jobema? jö̧ba̧lö. Ja̧danö, jobadö tjökömanö ju'wedö 'ya̧jadöma yebabinö 'yi̧jadötö. Jesúsma ja'ö 'ya̧nö iteda öba̧ja̧di̧ waisachadönö jo̧dawa'ye batjibanö ko̧ko̧dijetö. Ko̧ko̧dibö junö itenöda baledakwa̧ yöbawijetö Jesúsma,

အခန်းကိုကြည့်ပါ။ ကော်ပီ




Marcos 10:32
12 ပူးပေါင်းရင်းမြစ်များ  

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.


Jejenö atjebökwe, Jesúsma atadinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwaijayonö ju'wedö jojodönö jejenö iyinokobetjö̧, wanedö yöbawöda yötawobe jobadönö.


Laebajobe okobe deinö edajadöma, yöba̧lakwawijadötö idödada: —¡Ayö!¿Tajijö? Abönö da̧ja̧kwemi bitema wainö jawadanö ba̧ja̧do̧, iteda waisinö ujulunö öba̧ja̧di̧ma. Ikena iteda ujulunö o̧'wo̧ luwo̧nö sulabo̧nö a'dewö loajabe. ¡Ayö! Sulabo̧bi jo̧ba wei̧ma a̧ja̧kwo̧— yöba̧lakwawijadötö.


Jobadö ba̧jekwadö ökömanö ichajadönö wanedö yöawakwawada yöbawiabijetö Jesúsma, yöbawöda, labebö lobökönö. Jo̧kwaijayonö iteda öba̧ja̧di̧ waisachadönöma, itekwödada babibö okobe jwiinö labebö lobö yöbawiabijetö.


Ikenama, jejenö yöbawajo̧, Jesúsma jalachibö ju'wedö tja̧ja̧kwokonö iteda öba̧ja̧di̧ waisachadönö yöawinobe: —Chömöledö, Diosma isabenö jwiinö otiwanö ökwödönö iyajabe, kwedaduwi̧ jawa kwedaduwobö.


Ja̧danö, jojodönö wanedö yöbawajo̧, Jesúsma tupakwö i̧'yinobe Jerusalén comunidadbe.


Ja̧danö, ja'yubenö lekwajabetjö, Jesús mölejȩbe ȩwa̧jakwa̧ yöneawachibenama, Jesúsma Jerusalénbe i̧'yobö omukwatö ujuninobe.


Jemi ikena Tomás, Morocho ötjabökwema jö̧a̧linobe ju'wedö Jesús öba̧ja̧di̧ waisachadönö, a̧li̧nösamutjö bakwo̧nö: —Jesúskwö di̧'yaduwo jo̧bakwöda debö di̧'yakobetjö̧— jö̧a̧linobe.


Jejenö jö̧a̧lawö̧ jobadöma jö̧tja̧linobe: —Ba̧ja̧dakwawa jojo. Belö jobetjö judío jojodöma inawiyanö ikwawö ökwönö kwabö lotjo jö̧tja̧lijatö. ¿Tajawedö yemidanö jobema kwi̧'yobö jö̧ka̧la?— jö̧tja̧lökwe


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ