Marcos 10:24 - Dios Iwene

²⁴ Jejenö jö̧a̧li̧ a̧ja̧kwö jobadöma, ¡Ayö! jö̧ba̧lö, tjöbajale jalaka baibanö ji̧jadötö, tjo̧'wo̧ tjo̧bekwibö. Ikenama Jesús yemidanö jö̧ba̧lijetö jobadönö: —Chömöledö, Dios La'aka Luwo̧ ö̧jobekwö teachakwawama 'diobe—jö̧ba̧lijetö—.

Marcos 10:24 ပူးပေါင်းရင်းမြစ်များ

Proverbios 11:28

Ja̧danö, ju'wibi yötawa, wanedö: Bakwo̧ma yöa̧lena, Aaa, balada nöinö chujuna̧lobetjö̧ otiwanö chö̧jobe, jö̧ba̧lö. Isabenö yötawa: Jobekwö omukwato̧ma meakwo̧, imiame ichobe öjiya soi̧danö. Jobekwö baledokobe Dios wei̧ a̧ja̧kwö jo̧nöma. Dios wei̧ a̧ja̧kwö jo̧ma jwaikwöda i̧'yakwo̧, mebökönö, o̧ba ichobekwö öjiya soöködanö.

Proverbios 18:11

Ja̧danö, ju'wibi yötawa, wanedö: Isabenö, balada juna̧lo̧ma labi̧ jawa baledena usula emawokobe. Jo̧ba balada juna̧lo̧ma omukwata, a̧a̧a̧ chu̧kwa baladama tjöekwa mösaka tjöeba̧li̧danö te'ada̧lobe ötjönöma, usula chemawapji jö̧ba̧lö.

Proverbios 23:5

Isabenö yötawa: Ja̧ baladama juluwanö 'dö̧ibaji̧ jawa. Wanedö yötawakwö: Kwu̧kwa̧ baladama, pjiyuwa köa̧li̧danö o̧wa̧ja̧pa̧ juluwanö pokwibö jelobekwö köa̧li̧. Jao, juluwanö 'dö̧ibaji jawa. Ja̧danö, kwujuna̧li̧ baladadama juluwanö 'dö̧ibaji̧ jawaobetjö̧ kwemobö ö'wachökönö kwotidoko.

Mateo 19:25

Jejenö yöawiawö̧ Jesús öba̧ja̧di̧ waisachadöma tjöbajale jalaka baibanö tja̧ja̧kwinobe, nöinö juna̧ladöma isabenö Dios ömöledötjena jö̧ba̧lö omukwatajitjobetjö̧, ja̧danö Jesúsnö abebö tja̧ja̧kwinobe: —Jobadö nöinö juna̧ladönö waiyitjö̧ma, ¿ju'wedöja? ¿Bakwo̧bi ö̧jibobö jo̧beji̧?— jö̧ba̧lö abebö tja̧ja̧kwinobe.

Marcos 1:27

Laebajobe okobe deinö edajadöma, yöba̧lakwawijadötö idödada: —¡Ayö!¿Tajijö? Abönö da̧ja̧kwemi bitema wainö jawadanö ba̧ja̧do̧, iteda waisinö ujulunö öba̧ja̧di̧ma. Ikena iteda ujulunö o̧'wo̧ luwo̧nö sulabo̧nö a'dewö loajabe. ¡Ayö! Sulabo̧bi jo̧ba wei̧ma a̧ja̧kwo̧— yöba̧lakwawijadötö.

Marcos 10:23

Ikenama Jesúsma, iteda öba̧ja̧di̧ waisachadönö edö jö̧ba̧lijetö: —Dios La'aka Luwo̧ ö̧jobekwö teachakwawama 'diobe balada juna̧ladönöma. Waiya. Jobadöma Dios wei̧tjö bajalekwönönö böjȩ jawa ösödadö—jö̧ba̧lijetö.

Lucas 16:14

Jejenö yöa̧liawö̧, fariseo jojodöma a̧ja̧kwö Jesúsnö otjinobe, Bitema wajwibö yöbawo̧, jö̧ba̧lö. Jobadö fariseo jojodöma nöinö balada tjösödinobe, ja̧danö balada ösödadöma Dios wei̧ ja̧böködö jö̧ba̧lö yöa̧liawö̧, öpöjödö Jesúsnö otjinobe.

Juan 13:33

Ina yöawinobe: —Chösödawö̧, ökwödökwö chö̧ji̧ma lekwökö. Chȩwa̧jocha. Chȩwa̧jabe okobema ötjönöma isakwö kwöbadekwajaduwökakobe. Belö yötawijatö la'aka luwedönö, Ötjö chi̧'yakwa̧ma kwi̧'yaduwoböma jwiobe, jö̧ba̧lö. Jejenö yötawa ökwödönöbi. Kwi̧'yaduwokobe chȩwa̧jobema.

Juan 21:5

Ja̧danö, Jesús, so̧bi̧ya̧pu̧ ö'öbö jo̧ma jobadönö jwöinobe: —Chi̧tji̧mu ¿ba̧i̧ jwoköbaduwaji̧?— abebö a̧ja̧kwiawö̧: —Jwodijökötö. Deatö— tjatadinobe.

Juan 6:60

Jesús öba̧ja̧di̧ waisachadö, jo̧bakwö ba̧jekwadö kwebachadötjö ju'wedöma, Jesús yöawi̧ a̧ja̧kwö tjöpöjödinobe, Biya̧ yöawi̧ma waiya, ¿dakwö ja̧dobö biya̧ wei̧ma? jö̧ba̧lö.

Gálatas 4:19

¡Ökwödö pebadö chi̧tji̧mudanöbedöwe! Wanedö yötawa chömöledö: Jitji̧nö jemakwuju jitji̧nö jemakwa̧ abönö usula jemawi̧danö, ötjöma ökwödönö omukwatö chi̧tji̧muwe jö̧ba̧lö yemidanö usula chemawobe chömöledö, Cristo omukwati̧danö omukwatadö bakibaduwenanö kabatö.

1 Timoteo 6:17

Cristonö ösödadötjö balada luwedönö baikwö yöbawidönö Timoteo, Aaa, ju'wedönötjö o̧penönöbedösa, jö̧ba̧lö tjomukwatokobö. Ja̧danö, böjȩ jawa tjujuna̧li̧, tupakwö jwiakwa̧ jawa tjujuna̧li̧ma tjo̧'wo̧ tjöwana̧lokobö yöbawidönö, Diosnöda tjo̧'wo̧ tjöwana̧lobö jo̧be. Jau, jo̧ba Diosda okobe jwiinö ökwödönö iyo̧ma, do̧'wo̧ ösöwanö dö̧jobö.

1 Juan 2:1

Chö̧ja̧wo̧dö chösödawö̧, böjanö yötawi̧ma, Sulabenö ja̧böma kwö̧jaduwoko, jö̧ba̧lö, yöbawö chiwȩyuda. Jo̧kwaijayonö sulabenö ja̧köbaduwena biya̧ yötawi̧ kwomukwataduwo. Jesucristoma Dios öba a'o jo̧. Jo̧bama jwiinö otiwo̧. Ja̧danö, jo̧bama ökwödönö pjabatö te'ada̧lo̧. Ja̧danö chö̧ja̧wo̧dö, sulabenö ja̧denama Jesucristoma Diosnö aebobe ja̧ sulabenö ja̧daja̧ma söbebö loobö. Ja̧danö, Jesucristoma Diosnö aebiökwe sulabenö ja̧köbaduwi̧ma söbebö loobe.

1 Juan 4:4

Chi̧tji̧mu, isabenö ökwödöma Dios i̧tji̧mubedöja. Ja̧danö, ökwödökwö dötewinö jo̧ma Diosda. Ja̧danö, Diosma jwiinö juluwo̧. Böjȩnö ju̧kwadötjö Diosnö öpöjödadö tjuluwo̧ Awetjatjö o̧penönö juluwo̧ Diosma. Chi̧tji̧mu, Diosma ökwödönö pjaatobetjö̧ omöna yöbawadö yötjawi̧ma kwöpöjödinaduwobe, Jweinö yöbawöködö, jö̧ba̧lö. Jejenö kwöpöjödaduwobetjö̧ jobadönö kwujuluwinaduwobe.

1 Juan 5:21

Chösödawö̧, chi̧tji̧mu ötabiwö̧, yötawaduwakwö, Bakwo̧da, jö̧ba̧lö. Diosnö ösödöda kwuju̧kwaduwo. O̧'wo̧ jawa, tjo̧'wo̧ tjöwana̧li̧ tjotidinama kwösödaduwoko. Diosnöda ösödö kwuju̧kwaduwo chö̧ja̧wo̧dö. Tjo̧wi̧, biya̧da yöbawö chiwȩyuda.

Apocalipsis 3:17

Ökwödöma jelobekwö omukwatö, Ökwödöma luwedösa, okobe jwiinö dösödi̧ tea juna̧ladösa, jö̧ba̧lö, yöka̧laduwijayonö wajwiköbaduwobe, kwo̧'wo̧ luwo̧duwinö jwiinö usula jojodödanöbedöja. Wajwiköbaduwobe, lȩlö̧jino tjedawö̧danöbedöja, kwo̧'wo̧ luwo̧duwinöma. Ja̧danö, jwibadödanöbedöja, tjöbajale tjewawadödanö, kwo̧'wo̧ luwo̧duwinöma. Ja̧danö, kamisi jwibadö kwetjachi̧danöbedöja, kwo̧'wo̧ luwo̧duwinöma. Ja̧danö, kwo̧'wo̧ luwo̧duwinö jwiinö usulasedödanö kwö̧jaduwi̧ma yelösöda wajwibadöja, Otiwanö dö̧ja, jö̧ba̧lö.