Marcos 1:39 - Dios Iwene

³⁹ Jo̧kwaobetjö̧, okobe jwiinö Galilea niji kwebachö 'yi̧jadötö. Jobe comunidadkwena ichö Jesúsma judío jojodö ba̧nö tja̧ja̧kwa̧leju okwa tebachö yöbawijetö. Tjo̧'wo̧ luwo̧nö sulabo̧ ö̧jawö̧nö pjabatö, sulabo̧nö a'dewö loböbi lobijetö.

Marcos 1:39 ပူးပေါင်းရင်းမြစ်များ

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Mateo 9:35

Jesúsma okobe jwiinö ja̧ niji bakwameachibanö kweachinobe, okobe jwiinö jobe comunidadtenia 'ya̧nö. Ba̧nö tja̧ja̧kwa̧lejutenia ba̧jadö, ja̧danö jelobetenia yöbawö kweachinobe, otiwa jawa wene Dios la'aka luwo̧ ö̧jakwa̧ jawa wene yöbawö, ja̧danö okobe jwiinö tjö'wöchi̧, ja̧danö usula tjemawi̧ otidö loinobe.

Marcos 1:21

Ikenama Jesúsma jobadökwö Capernaúmbe kwebachö 'yi̧jetö. Jobe ichibö, otikwökö möle baibena, Jesúsma, judío jojodö ba̧nö tja̧ja̧kwa̧leju okwa tebachijetö. Tebachö jeju tebachajadönö yöbawijetö Dios iwenema.

Marcos 1:23

Ikenama Jesús yöbawö ö̧jena bakwo̧ tebachibijetö o̧'wo̧ luwo̧nö sulabo̧ ö̧jökwe.

Marcos 1:38

Jejenö jö̧tja̧lökwe Jesúsma jö̧ba̧lijetö: —A̧ja̧kwaduwitjö. Jelobe ju̧kwadönöbi yöbawö chi̧'yobö jö̧ta̧la. Tjo̧wi̧ di̧'yaduwo ju'wedöbi tja̧ja̧kwobö, yötawo jö̧ba̧lö chichinobetjö̧— jö̧ba̧lijetö.

Marcos 3:1

Ja̧danö, Jesúsma yemidanö tebachijetö judío jojodö ko̧ko̧kwö ba̧nö tja̧ja̧kwa̧leju okwa. Jeju okwa bakwo̧, ömamu 'wabo̧ ji̧jetö.

Marcos 6:6

Ja̧danö, Jesúsma, itebonö ju̧kwadönö edö o̧'wo̧ tjo̧ babibijetö, ¡Bidöwe! ¿Tajawedö tjöpöjödobe yötawawö̧?, jö̧ba̧lö. Ikenama ju'wi comunidadesbe 'yi̧jetö, jobe ju̧kwadönö yöbawö.

Marcos 7:30

Jejenö jö̧a̧loko ȩwa̧jijotö. Ichibö jitjijunö kamapjonö bu̧junö jedemi, jo̧'wo̧ luwo̧nö sulabo̧ma debuju ji̧jotö.

Lucas 4:41

Ja̧danö, ö'wöchadötjö ba̧jekwadö tjo̧'wo̧ luwo̧nö sulabedönö juna̧ladönöbi otidö loinobe, ja̧danö jobadötjö sulabedö Awetja ömöayedö latjebenama, Ökwöma Dios itji̧köba, jö̧ba̧lö Jesúsnö jwötjeba̧linobe. Jo̧kwaijayonö jejenö jwötjeba̧liökwe Jesúsma jobadönö lȩebinobe: —Jwöbeba̧lökönaduwi. Ötjö Dios itji̧ chö̧ji̧ma jwöbeba̧lökönaduwi. Jwöbeba̧lökönö labebaduwi— jö̧ba̧lö weinobe Jesúsma. Jobadö Awetja ömöayedöma Jesúsnö tjöwaisinobe, Jesúsda Dios weakwo̧ jö̧a̧linökwe, jö̧ba̧lö. Ja̧danö jejenö tjöwaisobetjö̧, jobadönö weinobe, Dios itji̧ chö̧ji̧ yöbawökönö labebaduwi, jö̧ba̧lö.