Marcos 1:34 - Dios Iwene

³⁴ Jesúsma ba̧jekwadönö ö'wöchadönö otidö lobijetö. Ja̧danö, tjo̧'wo̧ luwo̧nö sulabo̧ öjawö̧nöbi pjabatijetö, sulabo̧ jo̧nö a'dewö lobö. Jobadö sulabedöma Jesúsnö waisijadötö, Bite Dios Itji̧, jö̧ba̧lö. Tjöwaisobetjö̧ yötjawokobö ja̧bijetö Jesúsma, okobe deinö jojodö tjöwaisapji jö̧ba̧lö.

Marcos 1:34 ပူးပေါင်းရင်းမြစ်များ

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Mateo 4:24

Jejenö ja̧iawö̧, ba̧jekwadö tja̧ja̧kwinobe jo̧banöma, ja̧danö Siria niji bakwameachibanö jojodöbi jo̧banö tja̧ja̧kwinobe. Jo̧kwajabetjö̧, jo̧ba ö̧jobekwö tje'ewinobe okobe jwiinö tjö'wöchi̧tenia ja̧danö nitji̧tenia usula emawadönöbi, ja̧danö tjo̧'wo̧ luwo̧nö sulabedönö juna̧ladönöbi, ja̧danö nijinö mebö 'dö̧bachabidönöbi, ja̧danö 'wabadönöbi. Jejenö tjichejebiökwe, Jesúsma okobe deinö jobadönö tjö̧bibajinö otidö loinobe.

Marcos 1:25

Jejenö jö̧a̧lökwe Jesúsma labinö jö̧ba̧lijetö: —¡Ö'wainö ja̧wi! ¡Jo̧batjöma labebaji!— jö̧ba̧lijetö.

Marcos 3:12

Jejenö jwötjeba̧lökwe Jesúsma labinö webijetö tjo̧'wo̧ luwo̧nö sulabedönöma: —Ökwödö yöka̧laduwaja̧ma, Jesúsma Dios Itji̧, jö̧ba̧löma, jojodönöma ¡yöka̧laduwa!—webijetö.

Lucas 4:41

Ja̧danö, ö'wöchadötjö ba̧jekwadö tjo̧'wo̧ luwo̧nö sulabedönö juna̧ladönöbi otidö loinobe, ja̧danö jobadötjö sulabedö Awetja ömöayedö latjebenama, Ökwöma Dios itji̧köba, jö̧ba̧lö Jesúsnö jwötjeba̧linobe. Jo̧kwaijayonö jejenö jwötjeba̧liökwe Jesúsma jobadönö lȩebinobe: —Jwöbeba̧lökönaduwi. Ötjö Dios itji̧ chö̧ji̧ma jwöbeba̧lökönaduwi. Jwöbeba̧lökönö labebaduwi— jö̧ba̧lö weinobe Jesúsma. Jobadö Awetja ömöayedöma Jesúsnö tjöwaisinobe, Jesúsda Dios weakwo̧ jö̧a̧linökwe, jö̧ba̧lö. Ja̧danö jejenö tjöwaisobetjö̧, jobadönö weinobe, Dios itji̧ chö̧ji̧ yöbawökönö labebaduwi, jö̧ba̧lö.