Lucas 22:12 - Dios Iwene

¹² Ja̧danö, jejenö abebö kwa̧ja̧kwaja̧duwökwema ökwödönö tebatö isȩko̧ öba̧ja̧dakobe, ejutjö mösȩko̧ma. Jȩko̧ma nöȩko̧ kwedaduwakobe, jobe otiwanö dukwobö ida̧ökö otidö tjujuninȩko̧ma. Jȩko̧tjö kwakwawa kwotidaduwo, makö jobetjö dukwobö— jö̧ba̧lö yöawinobe.

Lucas 22:12 ပူးပေါင်းရင်းမြစ်များ

Lucas 22:11

jeju luwo̧nö yökawaduwo: Ba̧ja̧dakwawa luwo̧ma ökwönö abebö a̧ja̧kwobe, ¿Daida isȩko̧ma, ötjö chöba̧ja̧di̧ waisachadökwö Dios mö öbaledina omukwatö pjiesta kwakwawa dukwakwȩko̧ma?, jö̧ba̧lö abebö kwa̧ja̧kwaduwo.

Lucas 22:13

Jejenö yöawawö̧, tji̧'yinobe, ja̧danö Jesús yöawaja̧danö tjöbadekwajinobe, ja̧danö badekwajadö Dios mö öbaledina omukwatö ja̧awa pjiesta kwakwawa tjotidinobe.

Juan 21:17

Ikenama yemidanö abebö a̧ja̧kwinobe, wa̧pötakwanö baibanö: —Simón, Juan itji̧ ¿jwiinö ile nikebiji̧ ötjönö?— abebö a̧ja̧kwiökwe Pedroma o̧'wo̧ tjo̧bekwibö ö̧jinobe, Jesús wa̧pötakwanö abebö a̧ja̧kwobetjö̧. Ja̧danö atadinobe: —Chuluwo̧, ökwöma okobe jwiinö waiso̧ja. Kwöwaisa. Ökwönö jwiinö ile nibebo̧sa—atadiökwe: —Jo̧kwatjö̧ma cha̧jwi̧mu o̧bȩja̧dönö kwite'ada̧lo— weinobe Jesúsma.

Hechos 1:13

Ikenama Jerusalénnö ichibö jobadö tjabeju mösȩko̧nö, idöda tjabȩko̧nö tebachijadötö. Jobadöma bidö: Pedro, Juan, Jacobo, Andrés, Felipe, Tomás, Bartolomé, Mateo, Alfeo itji̧ Jacobo mikwo̧, Simón, jo̧bama romano jojodönö öpöjödo̧, Jacobo itji̧ Judas mikwo̧.

Hechos 20:8

Ökwödöma mösȩko̧nö döba̧ijatö, la̧pa̧la̧yu̧bi̧ya ba̧jekwa o̧yu̧ dewȩko̧nö.