Lucas 18:33 - Dios Iwene

³³ Ja̧danö, kwakwabajadö, ötjönö kwabö lotjakobe. Jemi ikena, wa̧pötakwa möle baledibajenama, woawatjö tjetachajakobe— jö̧ba̧lö yöawinobe Jesúsma.

Lucas 18:33 ပူးပေါင်းရင်းမြစ်များ

Mateo 16:21

Ja̧ möle jamatö, tupakwö bajalenö Jesúsma iteda öba̧ja̧di̧ waisachadönö jweinö yöawinobe: —Jerusalénbe chi̧'yobö jo̧be. Ja̧danö, jobetjö Israel jojodötjö damötjöbi, Diostjö jojodötjö ö'weje pjabatadö la'aka tjuluwedötjöbi, Moisés iwȩyudina ba̧ja̧dadötjöbi usula chemawobö ja̧kobe, ja̧danö ötjönö kwabö lotjobö ja̧kobe. Ja̧danö, jemi tupakwö wa̧pötakwa möle baledibajenama wobajaletjö tjetachajobö ja̧kobe— jö̧ba̧lö.

Mateo 27:63

Pilatonö atjebinobe: —Duluwo̧, jo̧ba Jesús omöna yöa̧lina wene, ina 'yaa̧layi yöa̧lina wene domukwatiba, Wa̧pötakwa möle baledibajenama yemidanö 'yatibakwo̧sa, jö̧ba̧lö yöawinama.

Lucas 18:32

ja̧danö Jerusalénbe dichibaja̧ ikena, judío jojodöböködönö iyö lotjakobe, ötjönö kwabö lotjobö. Jobadö judío jojodöböködöma oböbi otjakobe ötjönö, ja̧danö taba lö̧ji̧ jawa chöbaledobö ja̧tjakobe, ja̧danö suböbi sutjakobe ötjönö, ja̧danö kwakwaböbi kwakwatjakobe ötjönö.

Lucas 18:34

Jobekwö jweinö yöawinobe Jesúsma, Jerusaléntjö iteda woakwa̧ wenema, jo̧kwaijayonö jweinö yöawijayonö, yöawi̧ otiwanö do̧batöma tja̧ja̧kwinokobe Jesús webawedöma. Jobadöma baledakwa̧ wainö tjomukwatinobe, jo̧kwajabetjö̧ jweinö yöawinajayonö öwawinokobe jobadönö, ja̧danö otiwanö tja̧ja̧kwobö jwiinobe.

Lucas 24:21

Jo̧ba Jesúsnö ösödö do̧'wo̧ döwana̧lijatö, Bitedaena Israel jojodö dö̧jibobö Dios yöbawö ujuninökwema, jö̧ba̧lö. Jo̧kwaijayonö, jejenö dösödijayonö, waekwijatö, bitedaena jö̧ba̧lö ajayinö domukwatijayonö, jo̧banö kwabö lotjinobe. Ja̧ okobe jwiinö belö baledinobe, ja̧danö ja̧ ikena ida̧ökö wa̧pötakwa möle baibajabe. Jejenö belö baledinobe, jo̧kwaijayonö ja̧damaökö,

Lucas 24:7

Jobetjö ökwödönö yöawinobe, jojo baibanö jeminökwenö sulabedönö iyö lotjakobe, ja̧danö towisa'onö nönö kwabö lotjakobe, ja̧danö jemi ikenama wa̧pötakwa möle baibenama wobajaletjö tjeachakobe, jö̧ba̧lö ökwödönö yöawinobe— jö̧ba̧lö.