Jueces 9:43 - Dios Iwene

⁴³ Yötjawiökwe, Abimelecma ömöayedönö öbibö i̧'yinobe, ja̧danö wapösokwa baibanö ömöayedönö 'da̧batö junajo̧, okobe deinö tju̧ju̧kwawobö weinobe, comunidad jojodö latjebena metji̧bobö. Ja̧danö, jojodö comunidadtjö latjebobe tjedenama, a̧la̧ibö mebibö kwabö lotjinobe.

Jueces 9:43 ပူးပေါင်းရင်းမြစ်များ

2 Samuel 18:2

Ja̧danö, wapösokwa batjibanö 'da̧batö ujuninobe ölakwabikwawa jojodönö, ja̧danö bakwaso la'aka luwo̧ baibanö Joabnö ujuninobe, ja̧danö jeleso Abisainö la'aka luwo̧ baibanö ujuninobe, ja̧danö jeleso Gat jojo Itaynö la'aka luwo̧ baibanö ujuninobe, jobadö webö tjö̧jonö tjölakwabikwawobö. Ju'wibi, David yöa̧linobe, —Ötjöbi ökwödökö ölakwabikwawö latebocha, —jö̧ba̧lö.

Jueces 9:42

Jemi ikena möle, Siquen comunidad jojodöma yemidanö tjölakwabikwawobö latjebinobe, ja̧danö Abimelecnö yötjawinobe, latjebakwa̧ jawama.

Jueces 9:44

Baikwö laebobe tjölakwabikwawina jawama: Abimelecma bakwaso öbibö, comunidad apjudebe ö'öbakwawö tjöbeba̧lö i̧'yinobe, labebajadö tetjachapji jö̧ba̧lö, ja̧danö ju'wedö dosolataja jojodöma mejenö ju̧kwadönö mebibö, kwabawö lotjinobe.

1 Samuel 11:11

Ikenama, ikena möle yȩayi ina dewachapji, Saulma jojodönö wapösokwanö 'da̧batö ujuninobe, ja̧danö amonitas jojodö tjabakwemi tebachö, jobadönö kwabawö lotjinobe, möle ja'ö tubenanö kabatö. Jwiinö jobadö amonita jojodönö tjujuluwinobe, ji̧badö jwiinö tjipjelekwachinö. Isabenö jwiinö jobadönö tjipjelekwachinö tjujuluwinobe, ji̧badötjö du̧ju̧tajabi bakobe tjö̧jökenanö baibanö.