Jueces 16:27 - Dios Iwene

²⁷ Jeju okwa ba̧jȩkwadö filisteo jojodö tjö̧jinobe, ömadöbi, ya̧döbi. Okobe deinö filisteo jojodötjö luwedöma jobe tjö̧jinobe, ja̧danö ju'wibi o̧do wame, tres mil jenanö jojodömi tjeda̧linobe, ömadöbi ya̧döbi. Sanson o̧do ja'ö edökönö ja̧onö, okobe deinö jobadöma eda̧lö otjinobe Sansonnö.

Jueces 16:27 ပူးပေါင်းရင်းမြစ်များ

2 Samuel 11:2

Ja̧danö, jobe Jerusalennö ö̧jonö, baikwö baledinobe: Ju'wi möle aba̧lajo̧, yi̧benakwö la'aka luwo̧ Davidma a̧la̧ibö kweachinobe, ejutjö mö ba̧ba̧lawobema. Ja̧danö, kweachonö, mötjö edinobe jojosuju jejutjö ojwe ibujunö, jwiinö otiwujunö.

Deuteronomio 22:8

—Ja̧danö ju'wibi wetaduwakwö: O̧do yayeju kwotidaduwenama, o̧do mö tjöekwaka ji̧nö kwotidaduwo, kweju mö ju̧kwadö jobetjö metjapji jö̧ba̧lö. Jau chömöledö, tjöekwi̧ jwiinö bakwo̧ kwejuduwi mötjö mebö, ö'wö baibitjö̧ma, ökwöbi kwejunö ju̧kwadöbi wene kwujuna̧laduwena, tjöekwi̧ otidökönö, bakwo̧ mebö ö'wö baibobö ja̧köbi̧naduwobetjö̧.

Josué 2:8

Ja̧danö, ja̧ yöte tjabakwa̧ abönö, Rajabma jönöchinobe jeju mö, israel jojodökwö yöja̧lakwawobö.

Jueces 16:26

Bakwo̧ möayo̧ma, Sanson ömamu do̧ba̧lö öibinobe, Sansonma öbajale kelebö lotjinökwe ö̧jobetjö̧, ja̧danö Sansonma jo̧banö aebinobe, —O̧do okwi'iju inesö do'olataja okwi'iju matobö i̧sebitjö, jobe wanebö chö'wachakobetjö̧, —jö̧ba̧lö, ja̧danö aebi̧danö maobö pjaatinobe.

Jueces 16:28

Ja̧danö, Sansonma Isabenö Jo̧nö aebinobe, —Chuluwo̧ Isabenö Jo̧ Dios, yemidanö ötjönö kwomukwatibobö atebakwö, sule bakwötanöda chujuluwachibanö pjakatobö atebakwö. Jau chuluwo̧, bidö filisteo jojodöma sulabenö chöbajalebiya kelebö lotjinobe, ja̧danö jejenö ja̧tji̧tjö̧, balekwa mikwa babe jobadönö chujuluwinö pjakatobö atebakwö, —jö̧ba̧lö aebinobe.

Jueces 9:51

Jo̧kwaijayonö, comunidad okwa mösaka 'diinö tjöekwaka ji̧nobe, ja̧danö comunidad luwedöbi, okobe deinö ju'wedö comunidad jojodö ömadöbi ya̧döbi jaka okwa tebachibö tjipe'datjinobe. Ja̧danö, pje'datajadö, isaka mö tjönöchinobe.