Jueces 16:20 - Dios Iwene

²⁰ Jemi ikenama jwobö kaatenama, yemidanö Sansonnö jwöjeba̧linobe, —¡Sanson, filisteo jojodö ökwönö metjibobe! —jö̧ba̧lö. Ja̧danö wiluenama, wajwiinobe Sansonma, Isabenö Jo̧ jo̧ba ö̧jelö laebaja̧ma, ja̧danö omukwatinobe, —Ajayinö a̧la̧ibö a̧la̧chi'bo 'döbekwö lotinadanö, yemidanö wene jwiinö latebocha, —jö̧ba̧lö, jo̧kwaijayonö waekwinobe.

Jueces 16:20 ပူးပေါင်းရင်းမြစ်များ

Isaías 42:24

Ökwödönö baledina jawa, baikwö labebö lobö yötawaduwakwö chömöledö: Tida Jacob itji̧mu tupadanö jojodö Israel jojodönö iyö lobinama, döpöjojodö ökwödönö tjujuluwobö, ja̧danö juluwajadö, ditea 'döbebö tjemobe? Isabenö yötawaduwakwö chömöledö, Isabenö Jo̧ Diosda jobekwö iyö lobinama. Jau, jo̧ba Diosnöda sulabenö ja̧binadösa, jo̧bada ösödi̧danö ja̧bö dö̧jobö öpöjödinadösa, ja̧danö jo̧ba Diosda weina a̧ja̧kwö dö̧joböma öpöjödinadösa.

Mateo 17:16

Jejenö ö'wöchobetjö̧ jo̧banö ichejebö, kwöba̧ja̧di̧ waisachadönö pjatjatobö atebijayonö, waekwatö, jo̧banö pjatjatoböma tjujuluwökötö. ¿Ökwöma pjakatakwa̧ji̧?— jö̧ba̧lö aebinobe Jesúsnö.

Mateo 17:20

Atjebökwe: —Ökwödöma otiwanö Dios ujulu kwösödaduwokobetjö̧ waekwadöja. Isabenö yötawaduwakwö, atebi̧danö ja̧obö isabenö juluwo̧ Diosma jö̧ba̧lö isabenö Dios ujulu kwösödaduwitjö̧ma, kwösödaduwi̧ ja'yuwijayonö, wanedö yötawa, mostazasade ja'yuwi̧danö kwösödaduwi̧ ja'yuwijayonö, jwaikwöda Dios yöawi̧ ösödö weköbaduwenama baibakobe. Ja̧danö, wanedö yötawa, bi'o mö'ösa'o weköbaduwena, yaikwö pjolachibi jö̧ba̧lö, ja̧danö pjolachibena. Jau chömöledö, isabenö atebi̧danö ja̧obö juluwo̧ Diosma jö̧ba̧lö otiwanö Dios ujulu kwösödaduwitjö̧ma, okobe jwiinö ja̧köbaduwobö kwujuluwaduwena— jö̧ba̧lö yöawinobe Jesúsma.

2 Corintios 3:5

Jo̧kwaijayonö ökwödö dujulunö otiwanö otidadösa jö̧ba̧löma yöta̧lökö chömöledö, Diosda pjaatobetjö̧, otiwanö dotidobe chömöledö.

Deuteronomio 32:30

Jau, öwaetjöda öwawobe, Isabenö Jo̧ israel jojodönö pjabatökönö ö̧ji̧ma, baikwö yötawa: Inesö tjöeba̧lawa inawadanöbo̧ Diosma ina israel jojodönö pjabatö ö̧jitjö̧ma, döpöjojodöma la'akatjöda ökwödönö tjujuluwoko jö̧tja̧lena. Jo̧kwaijayonö, israel jojodönö pjaatokobetjö̧, tjöpöjojodötjö bakwo̧da milbedö israel jojodönö a'dewö loobe. Ja̧danö tjöpöjojodötjö du̧ju̧tajada inesö ba̧jȩkwadö israel jojodö dötjibajenanö tjujuluwobe. Isabenö yötawaduwakwö chömöledö, Isabenö Jo̧ ökwödönö pjaatitjö̧ma, la'akatjöda baledoko jö̧a̧lena jejenöma.

Josué 7:12

Jo̧kwajabetjö̧, yötawinadanö baibajabe, tjöpöjojodö tjöba a'o tjö̧jobö tjujuluwokobe, ja̧danö tjöba a'otjö dötjibajobe. Isabenö yötawakwö, ajayinö Jerico jawa söbebö loköbaduwobö wetina jawa söbebö loköbaduwökötjö̧ma, la'akatjöda ökwödökwö ja̧nö pjatatökakwo̧sa, wetinadanö söbebö loköbaduwobö jo̧be.

Jueces 16:14

Yöawioko, aba̧lonö Dalilama Sanson öwö'ye jelemutjö dötölataja di̧atakwawa jawakwö, kamiji̧do̧ 'dö̧akwawa jawakwö 'dö̧jinobe, ja̧danö 'dö̧baju isö'inö bȩjinobe. Jemi ikenama Sansonnö wiludö jwöjeba̧linobe, —¡Sanson, filisteo jojodö ökwönö metjibobe! —jö̧ba̧lö. Ja̧danö, wilubö, isö'ibi, 'dö̧awakabi, kamiji̧do̧sa'wobi öwö'yekwö labebö e'ewibinobe.

Jueces 16:19

Ja̧danö, Dalilama wejinobe, jisȩ'bonö Sanson uu wanebö abibobö, ja̧danö abibaja̧ ikena bakwo̧nö jwöjinobe, ichö Sanson öwö'ye jwobö loobö. Jejenö usula emawinö ja̧ji̧nobe Dalilama, ja̧danö Sanson inesö ujulu laebinobe.

Jueces 16:21

Ja̧danö, ujulu jwiiawö̧, filisteo jojodöma Sansonnö do̧tja̧tinobe, ja̧danö do̧batajadö, öbajalebiya kelebö lotjinobe. Ja̧danö, Gaza comunidadbe tje'ewinobe Sansonnö, broncetjö otikwa ka̧lenasonö jo̧banö yö̧tjebinobe, jadanö ka̧lena ba̧kwawejunö tjödinobe. Jobe ka̧lena ba̧kwawejunö ja̧nö, jo̧banö wetjinobe, trigoso̧pja otikwawa inawa jalatö otidobö, trigoso̧pja otidö.

Jueces 16:3

Jo̧kwaijayonö, yö̧te baledibanö camapjonö ö̧binokobe Sansonma. Yö̧te ja'ö a̧la̧ibinobe, ja̧danö a̧la̧ibajo̧ comunidad apjudebe i̧'yinobe, laebobö. Ichibajo̧, apude okwi'o nöa'o bakwachobesa'obi, jelekwöchobesa'obi nijitjö 'yeinobe, ja̧danö okobe jwiinö kabebö e'ewinobe öböbe'onö, apjudebi, okwi'ijubi, towisa'o apjude tumatakwa'obi. Jejenö Gaza comunidad apjude kabebö emibö i̧'yinobe Sansonma, ja̧danö jobetjö ödö e'ewinobe, Hebron comunidad badeibö mösa'obe ichibenanö kabatö. Ja̧danö jobe ichibajo̧, mösa'o wa̧pekwa'onö ödinobe, Gaza comunidad apjudema.

1 Samuel 16:14

Ja̧danö, Isabenö Jo̧ O̧'wo Luwo̧ma Saultjö laebinobe, ja̧danö o̧'wo luwo̧ sulabo̧ Saulnö usula emawinö ja̧obö weinobe Diosma.

1 Samuel 18:10

Jemi ikena möle, Dios weökwe o̧'wo luwo̧ sulabo̧ Saulnö juluwanö ichibö, usula emawinö ja̧inobe, ja̧danö Saulma ejunö ja̧nö, o̧'wo jwibo̧ ja̧idanö ja̧inobe. Jejenö ja̧onö, ba̧kwelöjatebö pjei̧danö, Davidma Saul öba a'otjö arpa pjeinobe. Ja̧danö, jobe ja̧nö, Saulma otokwöte do̧ba̧lö ö̧jinobe,

1 Samuel 18:12

Davidnö edö, ja̧danö Dios Davidnö pjaati̧ edö, Saulma öwaisachibinobe, —Isabenö Jo̧ma Davidkwö jo̧, —jö̧ba̧lö. Ja̧danö, Dios O̧'wo Luwo̧ Saulkwö jö̧könö, Davidkwöda ja̧nö pjaatiökwe, Saulma Davidnö yeabinobe, —Bitema la'aka luwo̧ chö̧bi̧ 'döebena, —jö̧ba̧lö.