Judas 1:13 - Dios Iwene

¹³ Ju'wibi yötawa jobadönö: Jobadöma taba jwiinö jojodö tjöba a'otjö sulabenö ja̧tji̧ tji̧sebobe, baikwö wanedö yötawa: Balawa inawanö loenama, itjei'wo dewinö öwawinö loobe, okobe deinö tjedobö, ¿jö̧tö? Ja̧danö, bidöbi okobe deinö tjöba a'otjö taba jwiinö sulabenö ja̧tjobe, okobe deinö tjedobö. Chömöledö, Dios yöawi̧ yöbawadöma jweinö jojodönö ötjibobö jo̧be, öbibö yötja̧wi̧ a̧ja̧kwö, Dios ösödi̧danö ja̧bö tjö̧jakobetjö̧, ¿jö̧tö? Jo̧kwaijayonö bidöma Dios yöawi̧ yöbawadösa jö̧tja̧lijayonö, Dios ösödi̧danö ja̧bö tjö̧joböma öbiböködö. Ötjibo jö̧tja̧li̧tjö 'da̧bachibö, sulabenö Dios öpöjödi̧danö ja̧bö tjö̧jobö öbibadö. Ja̧danö, jejenö ja̧bö tjö̧jiökwe Diosma omukwatö ujunajabe, inesö yȩa'wo okwa ba̧kwȩlö̧jatebö tjö̧bobö.

Judas 1:13 ပူးပေါင်းရင်းမြစ်များ

Isaías 57:20

Jo̧kwaijayonö sulabenö ja̧bö ju̧kwadöma, wene jwibö, tjo̧'wo ösöwanöma jö̧kö̧dö. Jobadö tjö̧ji̧ma, jwaibalawa kabatökönö loidanö ichejekwobe. Jwaibalawama lobajibö, ba̧kwelöjatebö lete'obi, sula'wobi, ko̧ko̧dö ödobe jwaibalawa ö'öbönö, jö̧tö? Jobekwö ichejekwobe sulabenö ja̧bö ju̧kwadö tjö̧jima, jö̧ba̧lö yöawobe chösödökwe Diosma.

Filipenses 3:19

ja̧danö Dios ökwöla nöolanö lȩebakwawö̧ jobadöma chömöledö. Jobadöma jwaikwöda idöda tjösödi̧ jawada isakwadö, ja̧danö taba lö̧ji̧ jawa ösödadö, otiwa jö̧ba̧lö. Ja̧danö jwaikwöda böjȩ jawada omukwatadö jobadöma chömöledö.

2 Timoteo 3:13

Jau Timoteo, sulabedöbi, Jesúsnö ösödadösa jö̧ba̧lö omöna yöba̧ladöbi ida̧ökö sulabenö ja̧tjobe babema, jo̧kwaijayonö 'dö̧ibaji̧ mölema jemi bajalekwönönö jwiinö sulabenö ja̧tjakobe, jojodönö omöna yöba̧löbi, omöna yöa̧lakwawa ösödöbi.

2 Pedro 2:17

Jau chömöledö, jobadö sulabenö yöbawadöma mikwawöködö, baikwö yötawa: Ojwese'do kököe'dodanö mikwawöködö, ja̧danö ojwiyo'wo o̧bökö'wo, jwa̧lȩ'epjo jelobe e'ewa'wodanö mikwawöködö, ja'yubebi pjatjatokobetjö̧. Jobadönö baikwö yötawa chömöledö, Diosma jobadönö lȩebakwa̧ omukwatö ujuninobe, ja̧danö ökwöla nöolanö, inesö yȩa'wo okwada tjö̧bakobe.

Judas 1:6

Ja̧danö, Dios ömöayedö ángelesdötjö, ju'wedöma Dios tjö̧jobö otidina öpöjödö jelobe latjebinobe. Ja̧danö jejenö labebajadönö Diosma ka̧lena ödinobe, yȩa'wo okwa tjö̧bobö Dios inesö lȩebakwa̧ möle baibenanö kabatö, ¿jö̧tö?

Apocalipsis 20:10

Ikenama Diosma Awetjanö, jojodönö ba̧kwȩlö̧jatebö suli̧ waedö yöba̧lo̧nöma, do̧batö töbebö loobe chedijatö, ökwöla nöola okwa. Jobema, ju'wedö du̧ju̧tajanö ajayinö töbebö loinemi. Ojwe okwatjö labebinanöbi ajayinö töbebö loinemi jemima. Ja̧danö, omöna yöba̧linanöbi, Ötjöma Dios yöawi̧ yöbawo̧sa, jö̧ba̧lö, yöba̧linanöbi, ajayinö töbebö loinemi jemima, ökwöla ubola okwama. Jobema tiibökönö, tubinö yelösöda ubobe, azufre mikwi̧ ubi̧ tubi̧ma. Ja̧danö, jobadö wa̧medukwama, ba̧kwȩlö̧jatebö labebökönö, mölebi yö̧tebi inia tjötjinö baledawö̧.

Apocalipsis 21:8

Jo̧kwaijayonö jejenömaökö ju'wedönöma. Yebabinö, ¡Ayö! Diosnö chösöditjö̧ma inia tjötinö baledena, jö̧ba̧lö, yebabo̧danö yebabinadönöma otiwi̧ma chiyökakwo̧sa. Ja̧danö, Diosnö kabatibinadönöbi, ja̧danö, sulabedökwö pjabacha̧linadönöbi otiwa jawama chiyökakwo̧sa. Jobadönö ökwöla nöola okwa lotakwo̧sa. Ja̧danö, tji̧lȩkwa̧muböködökwö sulabenö ja̧binadönöbi, ja̧danö, jojodönö kwabö lobinadönöbi, ja̧danö, mea bobinadönöbi, ja̧danö, ju'wedö tjo̧'wo̧ tjöwana̧lobö tjotidinökwenö tjo̧'wo̧ wana̧linadönöbi, ja̧danö, bakwelajatebö omöna yöba̧linadönöbi, jobadönöma ökwöla nöola okwa lotakwo̧sa. Jobema jwiinö tubinö ubobe, azufre mikwi̧ tubi̧ma. Joola okwa lotji̧ma, 'dö̧ibaji̧ woawa mikwemi, jö̧ba̧lö weijatö Diosma ötjönöma, chiwȩyudobö.