Juan 6:33 - Dios Iwene

³³ Ja̧ Dios iyi̧, mölejȩbe jawa kwakwawama, ba̧kwȩlö̧jatebö ja̧kwawa iyi̧ kwakwawa— yöawawö̧:

Juan 6:33 ပူးပေါင်းရင်းမြစ်များ

Juan 13:3

Ja̧danö, Jesúsma omukwatinobe, Chabe'doma ötjönö okobe jwiinö ujulu iyo̧, jö̧ba̧lö. Chabe'do itebobetjö ichinasa. ja̧danö, jo̧ba ö̧jobekwö chȩwa̧jakwo̧sa, jö̧ba̧lö, omukwatinobe Jesúsma.

Juan 16:28

Jau, ötjöma Dabe'do Dios ö̧jobetjö böjȩkwö ichino̧sa. Ja̧danö, böjȩtjö Dabe'do Dios ö̧jobekwö chȩwa̧jakwo̧sa— yöawinobe Jesúsma öba̧ja̧di̧ waisachadönöma.

Juan 17:8

Ja̧danö ökwö yökawi̧ yötawawö̧ tjösödijatö. Isabenö tjöwaisachibijatö, Jesúsma Dios ö̧jobetjö ichina, jö̧ba̧lö. Jejenö waisö ötjönö tjösödijatö, Bitema Dios weinökwe, jö̧ba̧lö—aebinobe Jesúsma Abe'donö.

Juan 3:13

¿Dakwö tjöwaisobö jojodöma, mölejȩ tjö̧ji̧ jawa? Jojodötjö bakwo̧bi deobe böjȩnö jo̧ma, mölejȩbe kabekwachajinama. Isabenö yötawa. Ötjö, mölejȩbetjö weinökwe, jojo baibanö jeminökweda mölejȩbe katekwachajakwo̧ma— yöawinobe Jesúsma Nicodemonöma. Ina yöawinobe:

Juan 6:32

Ikenama Jesúsma yöawinobe: —Isabenö yötawaduwakwö. Moisésma inesö mölejȩbe jawa kwakwawa iyijökötö. Jo̧bama 'dö̧ibaji̧ kwakwawada iyijetö. Jo̧kwaijayonö Chabe'do Diosma inesö mölejȩbe jawa kwakwawada iyo̧, ökwödönöma.

Juan 6:38

Ötjöma ötjöda chösödi̧danö chö̧joböma ichinö̧kö̧sa mölejȩbetjöma böjȩkwö. Ötjönö webo̧, Chabe'do Diosda ösödi̧danö chö̧jobö ichinasa.

Juan 6:41

Jejenö, Ötjödasa mölejȩbetjö tjoduwi̧, ba̧kwȩlö̧jatebö ja̧kwawa iyi̧ kwakwawa, jö̧ba̧lö, yöawiawö̧ tjöpöjödinobe judío jojodöma.

Juan 6:48

Ötjödasa jojodö tjukwi̧ kwakwawama. Ötjödasa ba̧kwȩlö̧jatebö ja̧kwawa iyi̧ kwakwawama.

Juan 6:50

Ina yöawinobe: —Jau, ökwödö da'dödömine ja̧ mölejȩbetjö tjoduwi̧ kwakwawa tjukwinajayonö ö'wö babibijadötö. Jo̧kwaijayonö ju'wi mölejȩ kwakwawa jo̧be, jojodönö ba̧kwȩlö̧jatebö ja̧kwawa iyi̧ kwakwawama. Ja̧ kwakwawa kwadöma wotjökakwedö.

Juan 6:58

Ötjödasa mölejȩbe kwakwawa wanekwacho̧ma. Ja̧danö, ötjönö kwadöma ö'wö batjibökakwedö, damötjö kwa'dödömine, mölejȩbetjö tjoduwi̧ maná mikwi̧ kwinadö ö'wö batjibinadanöma. Ötjönö kwadöma ba̧kwȩlö̧jatebö tjuju̧kwakwedö— yöawinobe Jesúsma.

Juan 8:42

—Dios ökwödö kwabe'doduwi ö̧jitjö̧ma, ötjönö kwösödaduwena, jo̧ba ö̧jobetjö böjȩkwö ichino̧chobetjö̧. Jo̧ba wei̧da a̧ja̧kwö chichijatö böjȩkwö. Ötjömaö̧kö̧, Jojodö tjujukwobekwö chi̧'yobö jö̧ta̧la, jö̧ba̧lö, omukwatinökösa. Jejenömaökö. Chabe'do Diosda weinökwesa ötjöma— Jesús yöawinobe.

1 Timoteo 1:15

Jau Timoteo, Cristo Jesúsma böjȩkwö ichinobe sulabenö ja̧badönö tjö̧jibinö ja̧obö. Ja̧ wenema isabenö wene Timoteo, okobe deinö ja̧ wene tjösödobö jo̧be. Ja̧danö, ökwönö yötawa, jobadö sulabenö ja̧badötjö, o̧penönö sulabenö ja̧bö ji̧achijatö ötjöma.