Juan 11:37 - Dios Iwene

³⁷ Jo̧kwaijayonö ju'wedöma yötja̧lakwawinobe: —Bitema öbajale tjewawökwenö otidö lobinama ¿tajawedö otidö loinököda, Lázaro ö'wö baibökönöma?— yötja̧lakwawinobe.

Juan 11:37 ပူးပေါင်းရင်းမြစ်များ

Isaías 42:20

Jau, ökwödö chömöayedö israel jojodöma, nöinö kwedaduwajabe, jo̧kwaijayonö wamenö kwedaduwijayonö, kwedaduwaja̧ okwa jawa omukwatöködöja. Ja̧danö kwölakiyuduwinö wamenö kwa̧ja̧kwaduwijayonö, okwa jawa omukwatö a̧ja̧kwöködöja, jö̧ba̧lö laebobe Dios israel jojodönö yöa̧li̧ma.

Marcos 15:32

Ökwö, Dios weinökwesa, jö̧ba̧lo̧ma, Israel jojodö tjuluwo̧sa, jö̧ba̧lo̧ma, i'otjö meibi dedo. Meibö kwöjamatitjö̧da dösödakwedösa ökwö yöka̧li̧ma— obö jö̧ba̧lijadötö. Ju'wedö, Jesúskwö towisa'iju bȩbö tjujunajawö̧bi sulabenö obö jö̧ba̧lijadötö Jesúsnöma.

Lucas 23:35

Ja̧danö, jobe towisa'onö ö̧lonö, jojodöma eda̧lö tjö̧jinobe, ja̧danö judío jojodötjö luwedöma Jesúsnö obö yötja̧linobe: —Bitema ju'wedö wotjapji jö̧ba̧lö tjö̧jibinö pjaatinobe, jo̧kwaijayonö iteda ö̧jiboböma juluwö̧kö̧. Isabenö Dios weakwo̧ jö̧a̧linökwe, Dios omudawö ujuninökwe ö̧jitjö̧ma itedabi ö̧jibobö ujuluwena. Jo̧kwajabetjö̧ isabenö Dios weakwo̧ jö̧a̧linökwe ö̧jitjö̧ma, iteda ö̧jibanö yutuajobö jo̧be— jö̧ba̧lö Jesúsnö otjinobe.

Lucas 23:39

Ja̧danö jo̧bakwö la̧jadö sulabenö ja̧badötjö bakwo̧bi Jesúsnö obö sulabenö yöa̧linobe: —Ökwöma Dios weakwo̧ jö̧a̧linökweja, ¿jö̧tö? Jo̧kwajabetjö̧ Dios weakwo̧ jö̧a̧linökweköbobetjö̧, kwö̧jibinö ja̧bi, ja̧danö ökwödö kwipjeanö la̧jadönöbi dö̧jibinö ja̧bi— jö̧ba̧lö obö yöa̧linobe Jesúsnö.

Juan 11:21

Ikenama Martama Jesús ichobekwö 'ya̧wibö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe—.

Juan 11:32

Ja̧danö Maríama Jesús ö̧jena 'ya̧wibö öba a'o ju̧yu̧ju̧ki̧junö jamatö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe.