Josué 8:33 - Dios Iwene

³³ Ja̧danö, jobe wabekotjö Diostjö jojodötjö tjö̧'da̧de pjabatadö Levi jojodöma, Isabenö Jo̧kwö israel jojodökwö yöbawö junawa i̧sȩkwapjo isapjo tje'ewinobe. Ja̧danö, okobe deinö israel jojodötjö damöbi, lȩekwa luwedöbi, ju'wedö luwedöbi, ju'wedö israel jojodöbi, jobadökwö ju̧kwadö jelobetjö ichajadöbi, japjo bakwachobebi, bakwachobebi tjö̧jinobe, Josue yöawakwa̧ tja̧ja̧kwobö. Jojodötjö ja'öma, Guerizin mikwa'o badeibö tjö̧jinobe, ja̧danö ja'ö Ebal mikwa'o badeibö tjö̧jinobe, ja̧danö Isabenö Jo̧ iteapjoma, tjö̧'da̧de ji̧nobe. Jejenö tjö̧jobö wȩyudö weinobe Isabenö Jo̧ ömöayo̧bina Moisesma, jejenö ja̧nö, Dios pjaatakwa̧ wene tja̧ja̧kwobö, jo̧kwajabetjö weinadanö jejenö tjö̧jinobe.

Josué 8:33 ပူးပေါင်းရင်းမြစ်များ

Éxodo 12:49

Bi̧ya webö chujuni̧ma okobe deinö tja̧ja̧kwobö jo̧be, ökwödö Israel jojodöbi, ja̧danö jelobetjö ökwödökwö tjö̧jobö ichinadöbi— yöbawijetö Isabenö Jo̧ma Aarónnö, Moisésnö, tjeju wame öbaledina omukwatö ba'ali junawa webö ujuni̧ma.

Juan 4:20

Ökwödö Samaria jojodö da'dödöminema bi'o mö'ösa'otjö ösödiatjinobe Diosnö. Jo̧kwaijayonö kwömöledö judío jojodöma, bi'onö tjösödobö jwiobe. Jerusaléntjöda Diosnö tjösödobö jo̧be jö̧ba̧ladöja—jö̧ja̧linobe jobujuma Jesúsnöma.

Deuteronomio 11:29

—Kwuluwo̧duwi Isabenö Jo̧ Diosma kwiteboduwi baibakwa̧ nijibe tekachaduwobö öibakobe chömöledö, ja̧danö jobe tebachajadö, ja̧köbaduwakwa̧ baikwö wetaduwakwö: Jobe ichibajadö, ökwödönö yötawaja̧ pjaatakwa̧ jawabi, lȩebakwa̧ jawabi jobetjö yökawaduwo. Pjaatakwa̧ jawa yöbawadöma, Guerizin mösa'onö ja̧nö yötjawakwedö, ja̧danö lȩebakwa̧ wene yöbawadöma badeibösa'o Ebal mösa'onö ja̧nö yötjawakwedö.

Deuteronomio 31:25

Ikenama, wȩyudö kabatajo̧, Moisesma Levisaso jojodötjö Dios wei̧ wȩyukwa öbiya döbölataja a̧ja̧pjo kwebatadönö iyö weinobe,

Deuteronomio 31:9

Ja̧danö, Moisesma okobe jwiinö Dios wei̧ israel jojodönö yöawaja̧ jawa kwiyalu'ye dö'yelatajanö i̧wȩyudinobe, ja̧danö wȩyu̧dajo̧, Dios wei̧ wȩyukwa öbiya döbölataja a̧ja̧pjo kwebatadö Levisaso jojodötjö Diostjö jojodötjö tjö̧'da̧de pjabatadönö bakwa'ye iyinobe, ja̧danö jele'ye israel jojodötjö luwedönö iyinobe.

Josué 23:2

Ja̧danö, pöe babibajo̧, Josuema israel jojodötjö luwedönö jwöinobe, bakwasokwena luwedönöbi, lȩekwa luwedönöbi, ju'wedö luwedönöbi, ö̧jobekwö tjichobö. Ja̧danö, ichajadönö yöawinobe Josuema: —Chömöledö, ötjöma ida̧ökö jwiinö pöesa, ja̧danö ö'wö batibakwa̧ma ida̧ökö yö̧neawachibobe.

Josué 24:1

Jemi ikenama, Josuema yemidanö jwöinobe israel jojodönö, Siquen comunidadtjö tjo̧ko̧ko̧kwachobö. Bakwasokwena la'aka luwedönöbi, tjömöledökwena tjuluwedönöbi, lȩekwa luwedönöbi, ju'wedö israel jojodötjö luwedönöbi jwöinobe, ja̧danö jwöawö̧, ko̧ko̧kwachö tjichinobe, Dios öba a'o ichibö tja̧ja̧kwobö.

Josué 3:14

Jejejenö yöawawö̧, israel jojodöma tjabakwemitjö latjebinobe, Jordan ojwe petjibobö, ja̧danö tjabönö tjö̧'da̧de pjabatadöma Dios iteapjo tje'ewinobe.

Josué 3:3

—Duluwo̧ Isabenö Jo̧ Dios iteapjo, Dios wei̧ wȩyukwa öbiya döbölataja a̧ja̧pjoma, kabebö tje'ewakobe Levita jojodö Diostjö jojodötjö tjö̧'da̧de pjabatadöma. Jejenö kabebö tje'ewi̧ kwedaduwenama, ökwödöbi a̧la̧ibö ökömanö kwi̧'yaduwo.

Josué 3:6

Ja̧danö, tji̧'yakwa̧ badekwachenama, Josuema tjö̧'da̧de pjabatadönö weinobe, —Babe Dios iteapjo kabebö, jojodö tjabönö kwi̧'yaduwo, —jö̧ba̧lö. Weawö̧, isapjo kabebö, jojodö tjabönö tji̧'yinobe.

Josué 4:10

Diostjö jojodötjö tjö̧'da̧de pjabatadö isapjo e'ewadöma, jobe ojwe ö'weje ja̧nö tjiteada̧linobe, okobe jwiinö Josue weaja̧danö israel jojodö katjatakwawenanö kabatö. Isabenö Jo̧ma Josuenö weinobe israel jojodönö yöawakwa̧ma, ja̧danö ina 'yaa̧layi, Moisesma Josuenö weinobe, tjöbaledena ja̧tja̧kwa̧ma, ja̧danö okobe jwiinö ja̧ jawa katjatakwawenanö kabatö, Dios iteapjo e'ewadöma jobe ojwe ö'wejenö ja̧nö tjiteada̧linobe. Ja̧ möle baledina, baikwö laebobe. Israel jojodöma juluwanö tjöbaledinobe.

Josué 4:18

Weawö̧, Isabenö Jo̧ iteapjo, jo̧bakwö israel jojodökwö yöbawö junawa i̧sȩkwapjo e'ewadö tjö̧'da̧de pjabatadöma, weaja̧danö ojwe ö'wejetjö latjebinobe. Ja̧danö, ojwetjö labebö, ö'öbö kököo jö̧a̧lemibe tjömasapiyanö tjö̧jatenama, Jordan ojwema juluwanö yemidanö isuwö lamatinobe, ja̧danö ajayinö ja̧ja̧danö, yemidanö su̧'bȩ babibö welachibanö okwatibinobe.

Josué 6:6

Weökwe, Josuema tjö̧'da̧de pjabatadönö weinobe, —Isapjo Isabenö Jo̧ wei̧ wȩyukwa öbiya döbölataja a̧ja̧pjoma e'ewaduwi, ja̧danö ja̧pjo abönö, ökwödötjö jelemutjö du̧ju̧taja trompeta pjubadö kwetjachobö webaduwi, —jö̧ba̧lö weinobe tjö̧'da̧de pjabatadönö.