Josué 8:14 - Dios Iwene

¹⁴ Ja̧danö, israel jojojönö edajo̧, Hai comunidad la'aka luwo̧ma, ju'wi dewachö yȩayi, juluwanö iteda ömöayedö ölakwabikwawa jojodökwö laebinobe, israel jojodönö mebibö ölakwabikwawobö. Labebö, ba̧ba̧lawobekwö tji̧'yinobe, israel jojodökwö tjölakwabikwawakwemibe. Jo̧kwaijayonö, jejenö labebö i̧'yenama, wajwiinobe, Comunidad o̧pe ju̧kwawö metji̧bakwedö tju̧ju̧kwobe, jö̧ba̧lö.

Josué 8:14 ပူးပေါင်းရင်းမြစ်များ

Isaías 19:11

—Egipto niji comunidad Zoan luwedöma, waisanö omukwatöködö, ja̧danö Egipto niji la'aka luwo̧ Faraon ömöayedötjö waisanö omukwatobö pjabatadöma, jwiinö suli̧ lȩekwa yöbawadö, –Bejenö ja̧bö kwö̧jo duluwo̧, –jö̧ba̧lö. Jobadö Faraon ömöayedönö baikwö yöta̧la: Ökwödö Faraonnö yöka̧laduwi̧ma, –Ötjöma waisanö omukwatakwawa ba̧jadö yöbawo̧sa, ajayinö ji̧nadö la'aka luwedöbinadö tjöwaisina jawa otiwanö waiso̧sa, –jö̧ba̧lö yöka̧laduwi̧ma, wajwibadö kwö̧jaduwonö tajawedö jobekwö yöka̧laduwobeda? –jö̧ba̧lö.

Isaías 19:13

—Jau, isabenö wajwibö omukwatadö Zoan comunidad la'aka luwedöma, ja̧danö Menfis comunidad la'aka luwedöma, sulabenö tjomukwatobö ötjibinawö̧, ö'öbönö omukwatadö. Egipto jojodötjö sasokwena la'aka luwedöma, jweinö ötjibo jö̧tja̧linobe tjömöayedönö, jo̧kwaijayonö sulabenö öbibadö, tjile'dewenanö baibanö.

Daniel 4:31

Ja̧danö, jejenö ina yöa̧layi, mölejȩbetjö tjiwene ökwöinobe, baikwö: —La'aka Luwo̧ Nabucodonosor, ökwönö yöawakwawa baikwö laebobe, Diosma la'aka luwo̧ kwö̧ji̧ma ökwötjö 'döbebö ujunajabe,

Mateo 24:39

Jobadöma Dios lȩebakwa̧ wajwitjinobe, jobadönö söbebö lobö, Dios ojwe okwatobö weenanö kabatö, ¿jö̧tö? Ja̧danö jejenö jojodö wajwitjinadanö, ötjö jojo baibanö jeminökwema jojodö wajwitjonö chichakobe.

Mateo 24:50

Jo̧kwaijayonö, jo̧ba sulabo̧, Aaa, chuluwo̧ma ina ichökö, ina ichakwa̧ hora badekwachokobe jö̧ba̧lö ina omukwatayi, juluwanö uluwo̧ ȩwa̧jena.

Deuteronomio 1:1

Baikwö laebobe Moises israel jojodönö yöawina jawa, ina Jordan ojwetjö jawo̧ ichobekwö tjö̧jayi. Ja̧ möle ina jojodö deobe tjö̧jinobe, Suf ötjabobe badeibö mejenö, Paran comunidadbi, Tofel comunidadbi, Laban comunidadbi, Jazerot comunidadbi, Dizahab comunidadbi ö'wejenö.

Josué 8:13

Jejenö ölakwabikwawa jojodönö tjujuninobe. Ölakwabikwawa jojodötjö ba̧jȩkwadöma Hai comunidadtjö u'dakwö bajalenö tjö̧jinobe, ja̧danö ju'wedö cinco milbedöma, jawo meajobekwö tjö̧jinobe. Ja̧danö, ja̧ yö̧te Josuema wabekonö ö̧jinobe.

Josué 8:15

Ja̧danö, jobadökwö ölakwabikwawö, Josuebi, jo̧bakwö ju̧kwadöbi ömöna tji̧sȩkwinobe, Ökwödönö tjujuluwajabe, jö̧ba̧lö, ja̧danö jojodö deobekwö dötjibajinobe, Hai comunidad jojodönö tjitebotjö ödö ötjibakobetjö̧.

Josué 8:16

Ja̧danö, jejenö dötjibiawö̧, okobe deinö comunidadnö ju̧kwadö ömadönö jwötjinobe, döbibajadönö lubö kwakwatjakwawobö. Ja̧danö, tupakwö döbibajö, Hai comunidad lubadönö ötjibinobe israel jojodöma, comunidadtjö ödö tjichibanö.

Josué 8:5

Ja̧danö comunidad o̧pe kwuju̧kwawaduwonö, ötjöbi ju'wedö ölakwabikwawa jojodöbi, jweinö comunidad apjude badeibö dichakobe, waapji öwawinö. Ja̧danö, jejenö dichibiawö̧, comunidad jojodö ökwödökwö tjölakwabikwawobö latjebenama, tjöba a'otjö dödibakwedösa, comunidadtjö labebö, ökwödönö lutjobö.

2 Pedro 2:3

Ja̧danö, idöda tjemotö jö̧ba̧lö tjösödobetjö̧, jobadö sulabenö yöbawadöma ökwödönö omöna yötja̧lakobe, ökwödötjö balada tjemo jö̧ba̧lö. Jo̧kwaijayonö Diosma damötjö jobadönö lȩebobö omukwatö ujuninobe chömöledö, ja̧danö isabenö jobadönö lȩebakobe.