Josué 5:10 - Dios Iwene

¹⁰ Ja̧danö, israel jojodö jobe Guilgalnö tjö̧jonö, Dios mönö öbaledina omukwatakwawa ba'ali möle badekwachinobe, jawo̧tjö catorce mölema. Jo̧kwajabetjö̧, jobe Jerico badeibö mejenö ja̧nö, yi̧benakwö ja̧ ba'ali tjukwinobe.

Josué 5:10 ပူးပေါင်းရင်းမြစ်များ

2 Samuel 15:28

Ja̧danö, ötjöma ojwe peikwena jojodö deobe chiteada̧locha, baledi̧ wene cha̧ja̧kwobö. Jo̧kwajabetjö̧, baledi̧ kwöwaisena, jobe yöbawadönö weköbo, ja̧danö ötjöma jobe chiteada̧locha, weköbakwa̧ wene cha̧ja̧kwenanö kabatö, —yöa̧linobe Davidma Sadocnöbi, Abiatarnöbi.

Éxodo 12:11

Ja̧danö, kukwaduwenama juluwanö labeibö kwi̧'yaduwakobetjö̧ 'dubawiböda kukwaduwo. Sapatijuduwibi 'dubawibö, ja̧danö kwotokwa'ijuduwibi do̧ba̧lö ja̧nö kwukwaduwo. Ja̧nöda juluwanö kwukwaduwo labeibö kwi̧'yaduwakobetjö̧, juluwanö. Ja̧ ba'ali kwanö kwujunaduwakwa̧ma ötjö Isabenö Jo̧nö omukwatö kwujunaduwakobe, ökwödö kwö̧jibaduwinö pjabatö kwö̧jaduwejubiya wame chöbaledi̧ omukwatöma.

Éxodo 12:18

Ja̧danö, jo̧ba ja̧wo̧, ajayinö ja̧wo̧ a̧li̧nösamutjö ö'wejemu mölema, ja̧wo̧ meaja̧ ikena pan 'ye'yeachö̧kö̧kwöda kukwaduwo. Jejenö kukwaduwo ja̧ möle jamatö jelemutjö̧ dötölataja möle baledenanö kabatö, ja̧wo̧ meajena.

Éxodo 12:6

Jobadö 'da̧batö kwujunaja̧duwawö̧ma ö̧dö̧lö̧jinö kwite'ada̧laduwo 'da̧batö kwujunaduwemi möletjö̧ a̧li̧tjö̧samutjö̧ ö'wejemu möle baibenanö. Ja̧ möle yi̧bena baibena okobe deinö Israel jojodö yöne kwömöledökwenama kukwaduwakwawö̧nö kwabö, tjö̧kwö̧la̧ 'wibebö loköbaduwo.

Josué 4:19

Ja̧ möle jejenö baledina mölema, ajayi jawo̧tjö domulataja jawa möle baledinobe. Ja̧danö, ojwe baledajadö, Guilgal ötjabobe tjabakwemi tjujuninobe, jobe tjabekwobö. Jobe Guilgalma, Jerico comunidad ö'öbö jo̧be, jawo̧ laebobekwö.

Josué 5:11

Ja̧danö jejenö Dios mönö öbaledina omukwatakwawa ba'ali tjukwaja̧ ikena mölema, i̧ya̧da möle jamatö tjukwinobe ja̧ niji pokwi̧ma. Ja̧ möle, batjo waji̧tjö, ye'yeachi̧ jawa jwii̧ pan tjukwinobe, ja̧danö trigo balawa tjukwinobe.

Josué 9:6

Ikenama, ja̧ jawa emajadö, ju'wedöma Josue ö̧jobekwö tji̧'yinobe Guilgalbe, jobadökwö yötja̧lakwawobö. Jobe ichibajadö, Josuenöbi, ju'wedö israel jojodötjö luwedönöbi yötja̧linobe baikwö: —Ökwödö diteboma, jwiinö ödöobe, ja̧danö ökwödö israel jojodökwö, dösölö̧jinö ölakwabikwawökönö dö̧ja̧kwa̧ wene yöbawö dujunobö dösödobe, ökwödöbi, israel jojodöbi bakobe dösölö̧jinö dö̧jakwa̧ wene yöbawö dujunobö, —jö̧ba̧lö yötja̧linobe.

1 Samuel 7:16

O̧bakwena, Samuelma Betel comunidadbebi, Guilgal comunidadbebi, Mizpa comunidadbebi 'yi̧ainobe, israel jojodönö jobetjö jwebebö yöawobö, ja̧danö jwebebö yöbawajo̧,