Josué 24:33 - Dios Iwene

³³ Ja̧danö, Aaron itji̧ Eleazar mikwo̧bi ö'wö baibinobe, ja̧danö jo̧banö tjo̧tjinobe iteda itji̧ Fines itebo comunidad Guibeatjö. Ja̧ Efrain niji mösa'iju jȩmi comunidad Guibeama, Fines mikwo̧nö tjiyinemi, iteda itebo baibanö.

Josué 24:33 ပူးပေါင်းရင်းမြစ်များ

2 Samuel 20:21

Ökwödönö söbebö lodoböma jö̧ta̧lökö, jo̧kwaijayonö, bakwo̧, Efrain mösa'ijutjö ichajo̧ Bicri itji̧ Sabama, la'aka duluwo̧ David wei̧ öpöjödö, ölakwabikwawobö jö̧a̧lobe. Jo̧kwajabetjö̧, Sabanö pjabatökönö, jo̧banö do̧batö kwiyaduwitjö̧ma, ölakwabikwawökönö kwiteboduwitjö̧ dȩwa̧jakwedösa, —jö̧ba̧lö atadinobe Joabma. Yöa̧loko, —Jau, teada̧li, uu bulatö lobö, tjöekwemi wamenö ikwö diyakobe, —jö̧ba̧lö jatadinobe.

1 Reyes 4:8

Jobadö gobernadorbedö tjimibiya wȩyukwöja baikwö laebobe: Ben Jur mikwo̧ma, Efrainsaso nijitjö mösa'iju jȩmi niji̧ la'aka luwo̧ ö̧jinobe.

2 Reyes 5:22

Abebö a̧ja̧kwökwe, —Wene jwiobe. Jo̧kwaijayonö chuluwo̧ Eliseoma ötjönö weajabe, ökwönö yöta̧lobö: –Babeda mösa'iju jȩmi Efrain nijitjö, Dios yöawi̧ yöbawadötjö du̧ju̧taja tjichajabe. Jo̧kwajabetjö̧, jobadönö kwiyobö atebakwö, plata jawatjö treinta y cuatro kilobi, ba̧kwo̧nökwena tjö̧ka̧miji̧do̧bi, –jö̧ba̧lö yöta̧lobö weajabe chuluwo̧ Eliseoma, —jö̧ba̧lö.

Diosnö ösödo̧ Job mikwo̧ usula emawina jawa 30:23

Chöwaisa chuluwo̧, juluwanö ö'wö batibobö weköbakwo̧ja chuluwo̧, okobe deinö 'yaba̧ladö bajalianö ö'wö batjibi̧danö, juluwanö ö'wö batibobö weköbakwo̧ja.

Éxodo 6:23

Ja̧danö, Coat itji̧ Aarónma Elisabet mikwujunö emijetö ilekwo baibanö. Jobuju Elisabetma Aminada mikwo̧ itjiju, ja̧danö Naasón öpöo. Elisabetma ji̧tji̧mu ömadönö 'yabebijotö bidö: Nadab, Abiú, Eleazar, Itamar mikwadö.

Éxodo 6:25

Ja̧danö Aarón itji̧ Eleazar mikwo̧ma ilekwonö emijetö, Futiél mikwo̧ i̧tji̧mu ya̧dötjö. Jobujuma jitji̧nö 'yabebijotö, Finees mikwo̧nö. Böjanö tjimibiya ba̧ji̧ wȩyukwi̧ma Levítjö tupadanö jojodötjö ju'wedö tjimibiya.

Hechos 13:36

Chömöledö isabenö döwaisa, Davidminema, Dios wei̧ a̧ja̧kwö ömöledönö pjabatö webo̧ma wobijetö. Ja̧danö, wobajo̧nöma ödijadötö. Damötjö ödijadötö Davidminenöma. Jo̧bama okobe jwiinö damötjöda 'dolobijetö chömöledö. Ja̧ Dios iwenetjö laebi̧ma Davidminema itedadama wȩyudö yöawakwawijökötö.

Josué 14:1

Ja̧danö, bakwachödö Moises iyinadanö, Josuebi Diostjö jojodötjö inesö tjö̧'da̧de pjabato̧ Eleazarbi niji 'da̧batö tjiyinobe, bakwasokwena jojodö tjitebo baibanö. Dios chiyocha jö̧a̧lina badekwachinö, Josuebi, Eleazarbi, israel jojodötjö bakwasokwena luwedöbi Canaan niji 'da̧batö tjiyinobe, baikwö:

Josué 22:13

Ja̧danö, tjölakwabikwawobö tji̧'yakwa̧ abönö, inesö Diostjö jojodötjö tjö̧'da̧de pjabato̧ Eleazar itji̧, tjö̧'da̧de pjabato̧ Fines mikwo̧nö wetjinobe, tjitebo Galaad nijibe 'ya̧nö, jobadö Rubensasobi, Gadsasobi, Manasessaso ja'öbi jojodökwö yöa̧lakwawobö.

Jueces 17:8

Jo̧bama Belen comunidadtjö laebinobe, jelobe kwebachö, tupakwö otidö ö̧jakwemi isakwö. Ja̧danö, kweachonö, Efrainsaso niji mösa'iju jȩmi kweachinobe, ja̧danö Micaias ejube ichibinobe.

Jueces 18:13

Ikenama, jobetjö labebö, Efrainsaso mösa'iju jȩmi nijibenö tji̧'yinobe, Micaias ejube tjichibenanö kabatö.

1 Samuel 1:1

Bakwo̧ Elcana mikwo̧ ö̧jinobe, israel jojodötjö Efraínsaso jojodö tjitebonö, mösa'iju jena comunidad Ramánö. Jo̧ba Elcanama Jeroham mikwo̧ itji̧, ja̧danö Jerohamma Eliú mikwo̧ itji̧, ja̧danö Eliúma Tohu mikwo̧ itji̧, ja̧danö Tohuma Zuf mikwo̧ itji̧. Ju'wibi, efrateo jö̧ba̧lö ötjabawö̧tjö bi̧na jo̧ba Elcana mikwo̧ma.

1 Samuel 9:4

Weökwe, abe'do weaja̧danö ja̧inobe Saulma, abe'do ömöayo̧nö öbibö bu̧lö̧dönö tjisakwinobe. Isakwö, Efraimsaso jojodö tjitebo mösa'ijubenö isakwö tjöbaledinobe, ja̧danö Salisa nijibenö isakwö tjöbaledinobe, bu̧lö̧dönö badekwajökönö, jemi ikenama Saalim nijibenöbi badekwajökönö tjöbaledinobe, ikenama Benjaminsaso jojodö tjitebobenöbi badekwajökönö tjöbaledinobe.