Jemi ikenama, jobekwö Diosnö abebajo̧, okobe deinö jobe ko̧ko̧kwadönö yöa̧linobe Davidma: —Chömöledö Israel jojodö, kwuluwo̧duwi Isabenö Jo̧ Diosnö kwösödaduwo, –Otiwo̧ja, —jö̧ba̧lö. Ja̧danö, jobekwö yöa̧liawö̧, okobe deinö jobe Dios öba a'o ko̧ko̧kwadöma, tja'dödö tjösödinökwe Isabenö Jo̧ Diosnö tjösödinobe, ja̧danö bȩbachibö, tjösödökwe Isabenö Jo̧ öba a'otjöbi, la'aka luwo̧ David öba a'otjöbi tju̧yu̧kijunö tjöjamatinobe.
Josué 22:33 - Dios Iwene33 Yötjawi̧ a̧ja̧kwö, tjösödinobe ju'wedö israel jojodöma, ja̧danö Diosnö ösödö atjebinobe, otiwa jö̧ba̧lö. Ja̧danö, ajayinö Rubensasobi, Gadsasobi jojodö tjitebobe 'ya̧nö, ölakwabikwawö söbebö lotjobö ajayinö yötja̧lakwawinajayonö, jemi tupakwö yötja̧lakwawinokobe tjölakwabikwawoböma, —Jobadöbi Dios öba a'otjö wene jwibadö, —jö̧ba̧lö. အခန်းကိုကြည့်ပါ။ |
Josué 22:33
13 ပူးပေါင်းရင်းမြစ်များ
Ikenama Pedro yöba̧lö kaatena okobe deinö a̧ja̧kwadöma wi babibö ju̧kwijadötö, atadakwawa jwiinö. Ikenama Bernabébi, Pablobi yöbawijadötö okobe jwiinö, Dios ujulunö, jojodö edajitjökö jawa tji̧sebinama judío jojodöböködökwö tjuju̧kwonö, judío jojodöböködöma edö tjöwaisachibobö, Bidöma Dios ujulunö otidadö, jö̧ba̧lö.
Ja̧danö, Titonö edö, do̧'wo̧ luwo̧ ujuluwachibanö jo̧banö dedijatö chömöledö, jo̧kwaijayonö ja̧damaökö do̧'wo̧ luwo̧ ujuluwachibanö ja̧inama chömöledö. Ju'wibi ökwödö Corintio jojodöma Tito o̧'wo̧ luwo̧nö ujuluwachibanö pjakatinaduwobetjö̧, ja̧bi do̧'wo̧ luwo̧ ujuluwachibanö pjaatinobe chömöledö. Ja̧danö, jemi tupakwö cho̧'wo̧ ösöwachibanö Tito yöawinobe chömöledö, ökwödö Corintio jojodönö yöawinobe, ötjönö kwedaduwobö ösödadöja jö̧ba̧lö yöawinobe. Ja̧danö ju'wibi yöawinobe, Corintio jojodöma tjö'da̧de sulabenö baledina omukwatö, sulabenö tjomukwatina kabatibö balewachö tjubudekwinobe jö̧ba̧lö. Ja̧danö ju'wibi yöawinobe, ökwödönö yötawi̧ kwa̧ja̧kwaduwenama, öpöjödökönö jwaikwöda kwösödinaduwobe, jö̧ba̧lö yöawinobe Titoma chömöledö. Jau chömöledö, jejenö yöawitjö̧, ajayitjö bajalekwönönö cho̧'wo̧ ösöwachibanö cha̧ja̧kwijatö.
ကြော်ငြာတွေ