Josué 21:4 - Dios Iwene

⁴ Inawiya jabö tjedenama, Diosma i̧sȩbinobe, Levisaso jojodötjö abönö Coat itji̧mu tupadanö jojodönö tjiyobö. Jo̧kwajabetjö̧, Dios i̧sȩbi̧danö, abönö Coat itji̧ tupadanö jojo Aaron ömöledönö tjiyinobe, Diostjö jojodötjö tjö̧'da̧de pjabatadönöma. Judasaso jododöbi, Simeonsaso jojodöbi, Benjaminsaso jojodöbi tjitea niji comunidad a̧li̧nösamutjö wapötakwa comunidadbiyama 'da̧batö tjiyinobe, Levisaso jojodötjö Aaron itji̧mu tupadanö jojodö tjitebo baibanö.

Josué 21:4 ပူးပေါင်းရင်းမြစ်များ

1 Crónicas 6:39

Ja̧danö Hemannö yö̧ne pjabato̧, öwaisobekwöchobe ja̧nö lo̧binama, jelo̧ Levisaso jojo Asaf mikwo̧. Jo̧ba Asaf a'dödö tjimibiya wȩyukwa'ye baikwö laebobe: Asaf abe'doma Berequias mikwo̧. Ja̧danö Berequias abe'doma Simea mikwo̧.

Éxodo 6:16

Ja̧danö baikwö laebobe Jacob itji̧ Leví i̧tji̧mu̧ ömadö tjimibi, ja̧danö Leví ö'dö̧dö tji̧mi̧bi. Levíma ciento treinta y siete año bo̧ ö'wö babibijetö. Jo̧batjö tupadanö jojodöma idöda tja'dö imi ötjabinawö̧, Leví jojodö, jö̧ba̧lö. Ja̧danö, Levi i̧tji̧mu ömadöma bidö: Gersón, Coat, Merari mikwadö. Leví itji̧ Gersón mikwo̧ i̧tji̧mu ömadöma bidö: Libni, Simei mikwadö. Ja̧danö, Leví itji̧ Coat mikwo̧ i̧tji̧mu ömadöma bidö: Amram, Izhar, Hebrón, Uziel mikwadö. Coatma ciento treinta y tres año bo̧ ö'wö babibijetö. Ja̧danö, Leví itji̧ Merari mikwo̧ i̧tji̧mu ömadöma bidö: Mahli, Musi mikwadö. Okobe deinö Levítjö tupadanö jojodöma idöda tja'dö imi ötjabinawö̧, Leví jojodö, jö̧ba̧lö.

Éxodo 6:20

Ja̧danö, Leví ö'dö̧ Coat itji̧ Amram mikwo̧ma abe'do öjawujunö emijetö ilekwo baibanö. Jobujuma ji̧tji̧munö, ömadönö 'yabebijotö, Aarónnö, Moisésnö. Amramma ciento treinta y siete año bo̧ ö'wö babibijetö.

Josué 21:3

Atjebiawö̧, Isabenö Jo̧ weinadanö tjiyinobe jelesokwena israel jojodöma, bakwasokwena jojodöma idöda tjitebo comunidadtjö 'da̧batö tjiyinobe, levisaso jojodö tjitebo baibanö, comunidadbiyabi, comunidad ö'öbö mejebi. Baikwö laebobe tjiyina jawama:

Josué 21:5

Ja̧danö ju'wedö Coat itji̧mu tupadanö jojodö Aaron itji̧muböködönöma, Efrainsaso jojodöbi, Dansaso jojodöbi, Manasessaso ja'ö jojodöbi tjitea nijitjö domulataja jawa comunidadbiya tjiyinobe, ju'wedö Coat itji̧mu tupadanö jojodö tjitebo baibanö.

Josué 24:33

Ja̧danö, Aaron itji̧ Eleazar mikwo̧bi ö'wö baibinobe, ja̧danö jo̧banö tjo̧tjinobe iteda itji̧ Fines itebo comunidad Guibeatjö. Ja̧ Efrain niji mösa'iju jȩmi comunidad Guibeama, Fines mikwo̧nö tjiyinemi, iteda itebo baibanö.