Josué 20:7 - Dios Iwene

⁷ Jejenö yöawawö̧, bi̧ya comunidadbiya 'da̧batö tjujuninobe, tjöeba̧lakwawa comunidad baibanö: Galilea niji comunidad Cedes 'da̧batö tjujuninobe, tjöeba̧lakwawa comunidad baibanö. Cedesma, Neftalisaso jojodö tjitebo comunidad, mösa'iju jȩmi comunidad. Ju'wibi Siquen comunidad 'da̧batö tjujuninobe. Siquenma Efrainsaso niji mösa'iju jȩmi comunidad. Ju'wibi Quiriat Arba ju'wi imi Hebron comunidad 'da̧batö tjujuninobe. Hebronma Judasaso niji mösa'iju jȩmi comunidad. Jejenö Jordan ojwetjö jawo̧ meajobekwö wapötakwa comunidad 'da̧batö tjujuninobe, tjöeba̧lakwawa comunidad baibanö.

Josué 20:7 ပူးပေါင်းရင်းမြစ်များ

Génesis 23:2

Canaán niji Hebrón comunidadtjö. Abrahamma ö'wö babibajajunö eda̧lö jobujunö tjödajejunö tebachijetö. Tebachajo̧ wojiökwe o̧'wo̧ tjo̧bekwö lekwe ö'wö babibajajunö eda̧lö budekwabijetö Abrahamma, chilekwowe, jö̧ba̧lö.

1 Reyes 12:1

Jemi ikenama, Nebat itji̧ Jeroboanma Salomon ö'wö baibaja̧ wene a̧jakwinobe. Ja̧ wene a̧jakwenama, israel nijinö deinöbe Jeroboanma, Salomon öba a'otjö döbibajo̧, ina Egipto nijinö ö̧jinobetjö̧. Ja̧danö, Salomon ö'wö baibaja̧ ikenama, ju'wedö israel jojodöma yöbawadönö wetjinobe, Jeroboan israel nijibe tjeachajobö. Ikenama, okobe deinö israel jojodötjö sasokwena jojodöma Siquen comunidadnö tjo̧ko̧kokwinobe ja̧danö Salomon itji̧ Roboanma jobe i̧'yinobe, jobetjö sasokwena jojodöma jobanö inesö la'aka tju̧luwo̧ baibanö tjujunakobetjö̧. Jejenö ichibiawö̧, Nebat itji̧ Jeroboanbi, ju'wedö israel jojodötjö ko̧ko̧kwadöbi Salomon itji̧ Roboan öba a'o ichibö yötja̧linobe:

1 Crónicas 6:76

Ja̧danö Neftalisaso jojodöma tjitea nijitjö tjiyinobe: Galilea niji comunidad Cedesbi, Hamon comunidadbi, Quiriataim comunidadbi. Ja̧ comunidadbiyabi, ö'öbö mejebi Neftalisaso jojodöma tjiyinobe, Gerson itji̧mu tupadanö jojodönö.

Lucas 1:39

Jemi ikenama Maríama juluwanö jömöledösuju Elisabet jitebobe ji̧'yinobe, Judea nijitjö mö'ösa'iju 'da̧de jȩna comunidadbe. Jobe ichibö, Zacarías eju okwa tebachibö Maríama, ¿dokwa? jö̧ba̧lö ajebinobe Elisabetnö.

Deuteronomio 4:41

Jemi ikenama Moisesma Jordan ojwetjö jawo̧ ichobekwöchobe nijitjö, wapötakwa comunidadbiya 'da̧batö ujuninobe, tjöeba̧lakwawa comunidad baibanö.

Josué 12:22

Cedes comunidad la'aka luwo̧nöbi, Carmelo niji comunidad Jocneán la'aka luwo̧nöbi,

Josué 14:15

Ajayinö Hebron comunidadma ju'wi imi mikwinobe, Quiriat Arba jö̧ba̧lö. Anaquita jojodötjö inesö la'aka luwo̧ ajayinö ji̧nama, Arba mikwo̧ ö̧jinobe, ja̧danö ajayinö Hebronma jo̧ba iminö mikwinobe, Quiriat Arba jö̧ba̧lö. Jobekwö laebobe Josue Caleb itebo iyina jawama, ja̧danö jemi ikenama lekwe möle israel jojodöma wene jwiinö ölakwabikwawökönö tjö̧jinobe canaan nijinö.

Josué 15:13

Ja̧danö, Isabenö Jo̧ Josuenö weinadanö, juda niji baibanö 'da̧batö ujunenama, ja'ö Jefone itji̧ Calebnö 'da̧batö iyinobe. Ja̧ Calebnö iyinama, Quiriat Arba comunidad jo̧banö iyinobe, ju'wi imi Hebron comunidad. Ajayinö anaquita jojodöma jobe tjö̧jinobe, ja̧danö jobadötjö ajayinö ji̧na Anak mikwo̧ abe'doma, Arba mikwo̧ ö̧jinobe, jo̧kwajabetjö̧ jo̧ba iminö comunidad ötjabinobe.

Josué 19:35

Ja̧danö Neftali niji 'diinö tjöekwobe comunidadbiyama, Sidin comunidadbi, Ser comunidadbi, Jamat comunidadbi, Racat comunidadbi, Quineret comunidadbi,

Josué 19:36

Adama comunidadbi, Rama comunidadbi, Jazor comunidadbi,

Josué 19:37

Cedes comunidadbi, Edrey comunidadbi, Enjazor comunidadbi,

Josué 20:8

Ja̧danö bakwachödö Jericotjö jawo̧ laebobekwötjöbi wapötakwa comunidad 'da̧batö tjujuninobe, bi̧ya: Beser comunidad, Rubensaso niji, jojodö deobe ba̧ba̧lawobe ji̧ comunidadma. Ja̧danö ju'wibi, Gadsaso niji comunidad Ramot de Galaadbi 'da̧batö tjujuninobe. Ja̧danö ju'wibi Manasessaso niji comunidad, Golan de Basan 'da̧batö tjujuninobe. Ja̧ wapötakwa comunidadbi tjöeba̧lakwawa comunidad baibanö 'da̧batö tjujuninobe.

Josué 21:11

Juda nijitjö mösa'iju jȩmi comunidad Quiriat Arba, ju'wi imi Hebron comunidadbi, comunidad yöne mejebi tjiyinobe. Jobe ajayinö ji̧nadö Anak jojodö tja'döminema Arba jö̧ba̧lö imikwinobe, jo̧kwajabetjö̧ jo̧ba iminö comunidad tjimidinobe, Quiriat Arba jö̧ba̧lö.

Josué 21:13

Hebron comunidadma tjöeba̧lakwawa comunidad ji̧nobe, ja̧danö ja̧ comunidad tjö̧'da̧de pjabato̧ Aaron itji̧mu tupadanö jojodönö tjiyinobe. Ja̧danö, Libna comunidadbi,

Josué 21:21

tjöeba̧lakwawa comunidad mösa'iju jȩmi comunidad Siquenbi, Guezer comunidadbi,

Josué 21:32

Ja̧danö Neftalisaso jojodöbi tjitea niji tjiyinobe, tjöeba̧lakwawa comunidad Galilea niji comunidad Cedesbi, Jamot Dor comunidadbi, Cartan comunidadbi. Ja̧ wapötakwa comunidadbi, ö'öbö ji̧ mejebi tjiyinobe, Gerson itji̧mu tupadanö jojodö tjitebo comunidad baibanö.

Josué 24:1

Jemi ikenama, Josuema yemidanö jwöinobe israel jojodönö, Siquen comunidadtjö tjo̧ko̧ko̧kwachobö. Bakwasokwena la'aka luwedönöbi, tjömöledökwena tjuluwedönöbi, lȩekwa luwedönöbi, ju'wedö israel jojodötjö luwedönöbi jwöinobe, ja̧danö jwöawö̧, ko̧ko̧kwachö tjichinobe, Dios öba a'o ichibö tja̧ja̧kwobö.

Jueces 9:1

Ja̧danö, Gedeon ö'wö baibaja̧ ikenama, itji̧ Abimelecma iteda ojo'do jömöledöbi, jömöledösaso jojodöbi tjö̧jobekwö i̧'yinobe, Siquen comunidadbe. Ichibö, jobadönö yöa̧linobe baikwö: