Josué 18:26 - Dios Iwene

²⁶ Mizpa comunidadbi, Cafira comunidadbi, Moza comunidadbi,

Josué 18:26 ပူးပေါင်းရင်းမြစ်များ

2 Samuel 4:2

Isboset ömöayedötjö du̧ju̧taja ölakwabikwawa jojodö tjuluwedö tjö̧jinobe, Rimon mikwo̧ i̧tji̧muma, Bana mikwo̧bi, Recab mikwo̧bi. Tjabe'do Rimonma Benjamin niji comunidad Berot jojo. Ja̧ Berot jojo jö̧ba̧lö laebi̧ma, israel jojobö̧kö̧ jö̧ba̧löma wanekwachokobe, ja̧ möle Berot comunidadma, Benjaminsaso jojodö tjö̧jemi comunidad.

1 Reyes 15:22

Basa jejenö ȩwa̧jiökwe, Asama weinobe okobe deinö Juda jojodönö, bakwobi ö̧ji̧bökönö, okobe deinö Rama comunidadbe tji̧'yobö, Rama comunidad tjöbebö tjotidina jawa inawiyabi, towi okwi'ijubi 'döbebö tje'ewobö. Ja̧danö, ja̧ 'döbebö tje'ewaja̧ jawanö, Benjaminsaso comunidad Guebabi, Mizpa comunidadbi 'diinö tjöbebö tjotidinobe.

2 Reyes 25:23

Juda nijitjö ju'wedö ölakwabikwawa jojodö ina tjö̧jinobe, ajayinö Nabucodonosornö iyawinöködöma. Ja̧danö, Nabucodonosor Gedaliasnö la'aka luwo̧ baibanö ujunina jawa tja̧ja̧kwenama, jobadö ölakwabikwawa luwedöbi, tjömöayedö ölakwabikwawa jojodöbi Gedalias ö̧jobekwö tjichinobe, Mizpa comunidadbe, ja̧danö jobetjö jo̧bakwö ko̧ko̧kwö yötja̧lakwawinobe. Jobadö Gedaliaskwö ko̧ko̧kwö yöba̧lakwawinadöma, bidö: Natanias itji̧ Ismael mikwo̧bi, Carea itji̧ Johanan mikwo̧bi, Netofatita jojo Tanhumet itji̧ Seraias mikwo̧bi, Maacateo jojo Jezanias mikwo̧bi, ja̧danö okobe deinö tjömöayedö ölakwabikwawa jojodöbi.

Josué 11:3

jawo̧ laebobekwöbi meajobekwöbi cananeos la'aka luwedönöbi, amorreos la'aka luwedönöbi, hititas la'aka luwedönöbi, ferezeos la'aka luwedönöbi, mösa'ijunö ju̧kwadö jebuseos la'aka luwedönöbi, heveos jojodö, Hermon mösa'o pjea niji̧ Mizpanö ju̧kwadö la'aka luwedönöbi, yöbawadönö weinobe Jabinma, —Okobe deinö ko̧ko̧kwö, bakobe israel jojodönö dölakwabikwawo, ju'wedönö tjujuluwinadanö ökwödönöbi tjujuluwapji jö̧ba̧lö, —yötjawobö.

Josué 18:25

Ja̧danö ju'wi comunidadbi benjamin niji comunidad ji̧nobe, bi̧ya: Gabaon comunidadbi, Rama comunidadbi, Berot comunidadbi,

Josué 18:27

Requen comunidadbi, Irpel comunidadbi, Tarala comunidadbi,

Josué 9:17

Jejenö waisachibö, israel jojodöma juluwanö tjitebobe tji̧'yinobe, ja̧danö wapötakwa möle kwebachajadö, gabaonitas jojodö tjitebobe tjichibinobe. Jobadö gabaonitas jojodö tjitebo comunidadbiyama, Gabaon comunidadbi, Cafira comunidadbi, Berot comunidadbi, Quiriat Yearin comunidadbi.

Jueces 10:17

Jemi ikenama, amonitas jojodöma tjo̧ko̧kokwinobe, israel jojodökwö tjölakwabikwawobö, ja̧danö ko̧ko̧kwajadö, tjabakwemi tjujuninobe Galaad nijinö. Ja̧danö israel jojodöbi amonitas jojodökwö tjölakwabikwawobö tjo̧ko̧kokwinobe, ja̧danö israel jojodöma Mizpa comunidadtjö tjabakwemi tjujuninobe, jobetjö labebö tjölakwabikwawobö.

Jueces 11:34

Jemi ikenama, amonitas jojodönö juluwajo̧, Jeftema ejube ȩwa̧jinobe, Mizpa comunidadbe. Ja̧danö, ichibö, eju apjudetjö labebujunö edinobe, itjiju jo̧dawujunö. Ju'wedö ijti̧mu deinobe, sule jo̧dawujuda jö̧jinobe. Ja̧danö jabe'do wene jwiinö ichibioko, jo̧'wo̧ ösöwanö baile döbö, la̧tiayu̧danö chabö, jabe'donö edö lajebinobe.

Jueces 20:1

Ja̧danö, okobe deinö israel jojodöma tjo̧ko̧kokwinobe, u'dakwö Dan comunidadtjö, a̧li̧kwö Berseba comunidad baibanö jojodöbi, Galaad niji jojodöbi, okobe deinö Mizpa comunidadnö Dios öba a'otjö bakobe tjo̧ko̧kokwinokobe.

1 Samuel 7:16

O̧bakwena, Samuelma Betel comunidadbebi, Guilgal comunidadbebi, Mizpa comunidadbebi 'yi̧ainobe, israel jojodönö jobetjö jwebebö yöawobö, ja̧danö jwebebö yöbawajo̧,

1 Samuel 7:5

Jemi ikenama Samuelma weinobe: —Okobe deinö ökwödö israel jojodöma Mizpa comunidadnö ko̧ko̧kwö kwö̧jaduwo, ja̧danö jobetjö Isabenö Jo̧nö atebocha ökwödönö, —jö̧ba̧lö.

1 Samuel 7:6

Weawö̧, israel jojodöma Mizpa comunidadbe ko̧ko̧kwö tji̧'yinobe. Jobe ko̧ko̧kwajadö, ojwiyo wabö Isabenö Jo̧ öba a'otjö totjebinobe, iyawa baibanö, ja̧danö möle baledibanö tju̧kwa̧ ö̧töchö tjö̧jinobe. Ja̧danö, jobe ja̧nö, jweinö yötjawinobe, —Isabenö Jo̧ öba a'otjö, isabenö sulabenö ja̧bö dö̧jajabe, —jö̧ba̧lö. Ja̧danö, jobe Mizpatjö, Samuelma israel jojodönö jwebaba̧lö yöbawö ö̧jinobe.