Josué 18:1 - Dios Iwene

¹ Jemi ikenama, Canaan niji juluwajadö, okobe deinö israel jojodöma Silo comunidadtjö tjo̧ko̧ko̧kwinobe, ja̧danö jobetjö Dios eju tjujuninobe.

Josué 18:1 ပူးပေါင်းရင်းမြစ်များ

2 Samuel 7:6

Jau David, chömöledö israel jojodönö egypto nijitjö ötibinemi baikwöma, la'akatjöda otiweju 'diejunö chö̧jijökötö, ba̧kwelöjatebö sabana'wotjö otikwejunöda ja̧nö pjolachö jelobetenia kwetachijatö israel jojodökwö.

1 Reyes 14:2

Jejenö 'dö̧achiökwe, iteda ilekwonö weinobe Jeroboanma, —Jelujudanö jöbabiyawinö otikwi, ötjö Jeroboan chilekwo kwö̧ji̧ öwawökakobetjö̧. Ikenama, Silo comunidadbe kwi̧'yo, Dios yöawi̧ yöbawo̧ Ahiasnö abebö kwa̧ja̧kwobö. Jau chilekwo, damötjö̧ Dios yöawi̧ yöbawo̧ Ahiasda bemi niji la'aka luwo̧ batibakwa̧ yöbawinama, ja̧danö jo̧bama Silo comunidadnö ö̧jobe, jokwajabetjö̧ jobe abebö kwi̧'yo.

1 Reyes 14:4

Weoko, jilekwe weaja̧danö ja̧jinobe Jeroboan ilekwoma, ja̧danö Silo comunidadbe ji̧'yinobe, Ahias ejube. Ja̧ möle Ahiasma jwiinö pöe ö̧jinobe, jadanö jwiinö pöe ö̧jobetjö̧, ida̧ökö öbajale tjewawo̧ ö̧jinobe.

1 Reyes 2:27

Jejenö webö, Salomonma Abiatar Dios öba a'o ö'weje pjabato̧ ö̧ji̧ kaatibobö weinobe. Ja̧danö, ja wei̧ma, Isabenö Jo̧ damötjö̧ yöawina badekwachinö weinobe. Damötjö̧ Silo comunidadtjö, Diosma yöawinobe Elimine ömöledönö lȩebakwa̧ma, jadanö Salomon Abiatarnö a'dewö loinama, Dios yöawina badekwachinö a'dewö loinobe.

Hechos 7:45

Ikenama, ju'wi möle, Moisés woina okobema, da'dödöminema emijadötö jejuma, isa̧do̧tjö otikwejuma, Dios ejuma. Jejuma lobibökönö ichejebijadötö bemi nijikwö, Josué kweatinanöma. Bemi ajayinö ju̧kwinadönö Diosma da'dödömine tjujuluwobö pjaatajabetjö̧ benada ju̧kwijadötö, tjitebo baibanö. Isa̧do̧tjö otikwejuma, jobadö tjuju̧kwena ji̧jetö lekwe, ja̧ möle baibanö Davidmine ö̧jenanö baibanö.

Josué 18:2

Ja̧danö, israel jojodötjö ju'wedö ida̧ökö tjitebo tjujuna̧lijayonö, ina jelemutjö dosolataja jojodöma ina tjitebo niji jwibadö tjö̧jinobe, ina 'da̧batö wetjokobetjö̧.

Josué 18:8

Weawö̧, bakwasokwena jojodöma kwebachö tjedakwedönö omudawö tjujuninobe. Ja̧danö, kwebachö latjebakwedönö, Josue weinobe: —Okobe jwiinö niji kwebachö kwedaduwo, ja̧danö kwedaduwaja̧ otiwanö kwi̧wȩyudaduwo, nijima baikwö baikwö jo̧be jö̧ba̧lö. Ikenama okobe jwiinö wȩyudajadö, tjekachajaduwo baikwö chö̧jobekwö, ja̧danö bai Silotjö, Isabenö Jo̧ öba a'otjö inawiya nijakwö jabö chedocha, diso jojodö di̧ya niji tjemakwojobö jö̧ba̧lö, —weinobe Josuema.

Josué 19:51

Jobekwö laebobe Dios chiyocha jö̧a̧lina badekwachinö niji 'da̧batö wetjina jawa, bakwasokwena jojodö tjitebo otiwanö tjujuna̧lobö. Diostjö jojodötjö tjö̧'da̧de pjabato̧ Eleazarbi, Josuebi, israel bakwasokwena jojodö tjuluwedöbi Silo comunidadtjö Isabenö Jo̧ öba a'otjö inawiya jabö tjedinobe, Isabenö Jo̧ wei̧ tjöwaisobö, ja̧danö wei̧danö 'da̧batö wetjinobe, okobe deinö tjitebo tjujuna̧lenanö kabatö.

Josué 22:12

Jejenö a̧ja̧kwö, ju'wedö israel jojodöma tjödameakwinobe jobadödönö, Dios weököte iyawöte sulabenö tjotidajabe jö̧ba̧lö. Jo̧kwajabetjö̧ okobe deinö Jordan ojwetjö jawo̧ meajobekwö ju̧kwadö israel jojodöma Silo comunidadtjö tjo̧ko̧kwachinobe, Rubensaso jojodönöbi Gadsaso jojodönöbi Manasessaso ja'ö jojodönöbi tjölakwabikwawobö.

Josué 22:19

—Kwomukwataduwena, kwiteboduwi Galaad nijima suli̧ jȩmi, Isabenö Jo̧nö otiwanö ösödakwawa jwiemi jö̧ba̧lö. Jejenö kwiteboduwima suli̧ jȩmi jö̧ba̧lö kwomukwataduwitjö̧ma, Jordan ojwe pebibö, Isabenö Jo̧ eju ji̧ nijinö ökwödö dö̧'da̧de kwö̧jaduwo, jadanö ditea nijitjö emö, kwiteboduwi baibanö jobe kwö̧jaduwo. Jejenö kwösödaduwitjö̧ma, a̧'delökönö dö̧'da̧de kwö̧jaduwobö dösödakobe. Ökwödö israel jojodö dösödökwe Isabenö Jo̧ Diosnö iyawötema, bakwöteda, jo̧kwajabetjö̧ adebaduwakwö, Isabenö Jo̧ wei̧ kakatibaduwoko, ja̧danö ökwödö ju'wedö israel jojodönöbi kwöpöjödaduwoko. Jau dömöledö, Dios weökötetjö sulabenö kwiyaduwobö kwotidaduwitjö̧ma, Duluwo̧ Isabenö Jo̧ wei̧bi, ökwödönöbi sulabenö kakatibaduwena.

Josué 22:9

Weawö̧, Rubensaso jojodöbi, Gadsaso jojodöbi, Manasessaso ja'ö jojodöbi tjitebobe tjewa̧jinobe. Ju'wedö tjömöledö israel jojodö canaan niji comunidad Silonö tjö̧jele labebö, idöda tjitebo Galaad nijibe tjewa̧jinobe, Isabenö Jo̧ Moisesnötjö̧ idöda tjitebo baibanö iyina nijibe.

Jueces 18:31

Dios eju, jo̧banö tjösödobö weinejuma Silo comundidadnö ji̧nobe, otiwanö jobetjö jojodö tjösödobö. Jo̧kwaijayonö Dios eju Silo comunidadnö jȩmi baledibanö, Dansaso jojodöma Micaias otidinökwe o̧'wo jawa ösödö tjö̧jinobe, bitema dösödökwe dios jö̧ba̧lö.

Jueces 21:12

Wetjawö̧, Jordan ojwe pebibö, wetjaja̧danö ja̧tjinobe. Ja̧danö Jabes de Galaad jojodötjö, cuatro cientosbedö ya̧dö möayedönö tjöbadekwajinobe, ina iso̧kwö jö̧ködönöma. Ja̧danö, jobadönö badekwajadö, Canaan nijibe tje'ewinobe jobadönö, ju'wedö tjö̧jobekwö Silo comunidadbe.

Jueces 21:19

O̧ba bakwabakwena, israel jojodöma Silo comunidadtjö, Isabenö Jo̧ öba a'otjö ba'ali juniatjinobe. Jobe ba'ali junawemima, Betel comunidadtjö u'dakwöobe, ja̧danö Beteltjö Siquen comunidadbe ya̧kwawamatjö jawo̧ laebobekwöbe, ja̧danö Lebona comunidadtjö a̧li̧kwöobe. Ja̧danö, Benjaminsaso jojodönö pjatjatakwa̧ omukwatö, ja̧ ba'ali tjomukwatinobe, —Juluwanö ja̧ ba'ali dujunakobe, —jö̧ba̧lö.

1 Samuel 1:24

Ja̧danö, o̧do̧'bi̧ 'döjebaja̧ ikena, yemidanö Diosnö iyö tji̧'yena, yöja̧linadanö Anama jitji̧ ina ja'yuwo̧nö öbibö ji̧'yinobe Isabenö Jo̧ ejube Silo Comunidadbe. Ju'wibi pakayaso̧ wapötakwa o̧ba junalo̧nöbi öbibö, tuda'wo nueve kilo harinaso̧pjasa'wobi e'ewö, ubasobu o̧'do̧busapja̧bi e'ewö tji̧'yinobe.

1 Samuel 1:3

Ja̧ mölȩ Silo comunidadtjö Inesö Diostjö jojodötjö tjö̧'da̧de pjabato̧ Eli mikwo̧bi, itji̧mu Ofni mikwo̧bi, Finees mikwo̧bi Isabenö Jo̧, okobe jwiinö juluwo̧ Dios öba a'otjö pjabatö tjö̧jinobe. Ja̧danö, jejenö Silo comunidadtjö tjotidiökwe, o̧ba bakwabakwena, Elcanama, ilekwamunöbi itji̧munöbi öbibö Silo comunidadbe 'yi̧ainobe, jobetjö Diosnö ösödö juwö iyobö.