Josué 10:28 - Dios Iwene

²⁸ Ja̧danö, ju'wibi, ja̧ möle Josuema ölakwabikwawa jojodökwö Maqueda comunidad ujuluwinobe. Juluwajo̧, okobe deinö Maqueda comunidadnö ju̧kwadönöbi, la'aka tjuluwo̧nöbi kwabawö loinobe, bakwo̧bi ö̧jibökönö. Jejenö ajayinö Jerico cominidad la'aka luwo̧nö kwabö loinadanö, Maqueda comunidad la'aka luwo̧nöbi kwabö loinobe.

Josué 10:28 ပူးပေါင်းရင်းမြစ်များ

Lucas 19:27

Ja̧danö ju'wibi, chöpöjojodönö, la'aka tjuluwo̧ batibobö öpöjödadönö do̧batö baikwö ichejebö öbibaduwi, ja̧danö chöba a'otjö kwabö lobaduwidönö, jö̧ba̧lö weinobe la'aka luwo̧ma.— Jobekwö wanedö yöawinobe Jesúsma, iteda yöbawö weakwa̧ jawama.

1 Corintios 15:25

Jau chömöledö, Cristoda la'aka luwo̧ ö̧jobö jo̧be, okobe deinö jo̧ba öpöjojodö jo̧ba ömasapiya teebenö tjö̧jenanö kabatö, Jo̧bada la'aka luwo̧ jö̧ba̧lö.

Deuteronomio 2:34

Ja̧ möle okobe jwiinö itebo comunidadtenia dujuluwijatö, ja̧danö juluwajadö, okobe deinö jobe ju̧kwadönö kwabawö lodijatö, ömadönöbi, ya̧dönöbi, tjemunöbi, bakwo̧bi ö̧jibökönö okobe deinö Sijon ömöayedöbinadönö kwabawö lodijatö.

Deuteronomio 7:16

—Chömöledö, kwiteboduwibe kwichibaduwenama, kwuluwo̧duwi Isabenö Jo̧ Diosma iyakobe, jobe ju̧kwadönö kwujululuwadobö, ja̧danö jejenö kwujuluwaduwobö iyenama, jwiinö jobadönö söbebö loköbaduwobö ja̧kobe. Jau chömöledö, lelö̧jinöma edökönaduwi jobadönö, ja̧danö tjösödawö̧nö ösödökönaduwi, 'daliwadanö kwö̧libaduwapji jö̧ba̧lö, —jö̧ba̧lö yöawinobe Moisesma.

Deuteronomio 7:2

jo̧kwaijayonö kwuluwo̧duwi Isabenö Jo̧ Diosma ökwödönö iyakobe, jobadönö kwujuluwaduwobö chömöledö, ja̧danö jejenö kwujuluwaduwobö pjaatena, baikwö wetaduwakwö chömöledö: Jwiinö jobadönö söbebö loköbaduwobö ja̧kobe. Jobadökwö dösölö̧jinö ölakwabikwawökönö kwö̧jaduwakwa̧ wenema jobadökwö yöbawö kwujunaduwoko, ja̧danö jobadönö lȩlöjinöma kwedaduwoko, jwaikwöda kwabö loböda jobadönö söbebö loköbaduwo, bakwo̧bi ö̧jibökenanö.

Josué 10:30

Ja̧danö Isabenö Jo̧ma iyinobe, ja̧ comunidad ju̧kwadönöbi, Libna la'aka luwo̧nöbi israel jojodö tjujuluwobö. Ja̧danö, juluwajo̧, Josuema okobe deinö Libna comunidadnö ju̧kwadönö kwabawö loinobe, bakwo̧bi ö̧jibökönö, okobe deinö kwabawö loinobe. Ja̧danö, Jerico la'aka luwo̧nö kwabö loinadanö, Libna la'aka luwo̧nöbi kwabö loinobe.

Josué 10:32

Jobe dötölataja möle Laquis comunidad tjujuluwobö tjölakwabikwawinobe, ja̧danö dötölataja möle ölakwabikwawajadö, Isabenö Jo̧ma Laquis comunidad israel jojodö tjujuluwobö iyinobe. Ja̧danö, Laquis comunidad juluwajo̧, okobe deinö jobe ju̧kwadönö kwabawö loinobe Josuema, Libna comunidadtjö ja̧inadanö.

Josué 10:35

ja̧danö i̧ya̧da möle comunidad tjujuluwinobe, ja̧danö jobe ju̧kwadönö kwabawö lotjinobe. Laquistjö ja̧inadanö, okobe deinö jobe ju̧kwadönö kwabawö lotjobö weinobe Josuema, bakwo̧bi ö̧jibökönö.

Josué 10:37

Hebron comunidadbi, ö'öbö comunidadteniabi tjujuluwinobe. Ja̧danö, juluwajadö, Hebron la'aka luwo̧nöbi, okobe deinö jobe ju̧kwadönöbi, Hebrontjö pjei̧ comunidadtenia ju̧kwadönöbi kwabawö lotjinobe. Eglontjö ja̧inadanö, okobe deinö bakwo̧bi ö̧jibökönö kwabawö lotjobö weinobe Josuema.

Josué 10:39

Ja̧danö, ölakwabikwawö, Debir comunidadbi tjujuluwinobe, Debir la'aka luwo̧nöbi, okobe jwiinö ö'öbö comunidadteniabi tjujuluwinobe israel jojodöma. Ja̧danö, jobebi juluwajadö, okobe deinö jobe ju̧kwadönö kwabawö lotjinobe. Hebrontjö weinadanö, ja̧danö Libnatjö weinadanö, okobe deinö bakwo̧bi ö̧jibökönö, Debir jojodönöbi, la'aka tjuluwo̧nöbi kwabawö lotjobö weinobe Josuema.

Josué 12:15

Libná comunidad la'aka luwo̧nöbi, Adulán comunidad la'aka luwo̧nöbi,

Josué 12:16

Maquedá comunidad la'aka luwo̧nöbi, Betel comunidad la'aka luwo̧nöbi,

Josué 15:41

Guederot comunidadbi, Bet Dagón comunidadbi, Noamá comunidadbi, Maquedá comunidadbi. Okobe jwiinö ja̧ ju'wi ba̧ba̧lawobe comunidadteniama, dieciséis comunidadbiyabi, ö'öbö pjei̧ comunidadteniabi.

Josué 6:21

Ja̧danö okobe deinö comunidadnö ju̧kwadönö kwabawö lotjinobe, ömadönöbi, ya̧dönöbi, damönöbi, tjemunöbi, pa̧ka̧yadönöbi, obejadönöbi, bu̧lu̧dönöbi. Okobe deinö jobe ju̧kwadönö kwölöte'onö kwabawö lotjinobe.

Josué 8:2

Ja̧danö, jo̧banö kwujuluwaja̧ ikenama, Jericotjö ja̧köbinaduwada̧nö okobe deinö jojodönöbi, comunidadbi söbebö loköbaduwo, bakwo̧bi ö̧ji̧bökönö. Jo̧kwaijayonö, Hai comunidad kwujuluwaduwenama, tjitea wene jwiinö kwemaduwobö ja̧kobe, tja̧jwimunöbi, ju'wi tjiteabi. Ja̧danö, jobadönö kwujuluwaduwakwa̧ma, baikwö wetakwö, abönö ju'wedönö weköbo, comunidad o̧pe tju̧ju̧kwawobö, comunidad jojodö latjebenama, Hai comunidad jojodö tjomapekwönö metji̧bobö, —jö̧ba̧lö weinobe Isabenö Jo̧ma, Josuenö.

Josué 9:3

Jo̧kwaijayonö, jobadö jejenö israel jojodökwö tjölakwabikwawobö omukwatö tjö̧jonö, gabaonitas jojodöma wainö ja̧tjobö tjomukwatinobe. Jobadöma Josue Jericonö ju̧kwadönöbi, Hainö ju̧kwadönöbi söbebö loina wene a̧ja̧kwö,