ja̧danö omukwataju, tupakwö chomukwatijatö, –Chuluwo̧ la'aka luwo̧ ötjönö pjaatitjö̧ma ötjöbi chi̧tji̧bi otiwanö wene jwiinö dö̧jena, –jö̧ba̧lö chomukwatijatö. Jau la'aka chuluwo̧, ökwöma Dios weökwe angeldanö ichejekwo̧ja, wene dujuna̧li̧ a̧ja̧kwö, otiwi̧bi suli̧bi böjö jweinö yökawobö waiso̧köbobetjö̧. Kwuluwo̧ Isabenö Jo̧ Diosnö ateba, ökwökwö ja̧nö pjaatobö, —jö̧ba̧lö yöja̧linobe Tecoa jojosujuma.
Josué 1:17 - Dios Iwene17 Jau Josue, inesö dösödi̧ma Kwuluwo̧ Isabenö Jo̧ Dios Moiseskwö ö̧jinadanö ökwökwö ja̧nö pjaatobö. Ja̧danö, jejenö ökwökwöbi ö̧jitjö̧ma, okobe jwiinö Moises weina a̧ja̧kwö dö̧jinadanö, bakwainö ökwö weköbi̧ a̧ja̧kwö dö̧jakwedösa. အခန်းကိုကြည့်ပါ။ |
Josué 1:17
19 ပူးပေါင်းရင်းမြစ်များ
Jau chuluwo̧, Isabenö Jo̧ma isabenö ökwökwö ja̧nö, otiwanö pjabatö jo̧, jadanö ökwökwö janö pjaati̧danö, kwitji̧ Salomonkwö janö pjaatobö chösöda. Jau David, isabenö kwitji̧nö pjaatobö chösöda, ökwö kwujulutjö bajalekwönönö juluwo̧ baibenanö, kwitji̧ Salomonnö pjaatobö chösöda, —jö̧ba̧lö yöa̧linobe Benaiasma.
Ja̧danö wȩyukwa'ye Salomonnö iyajo̧, tupakwö yöawinobe Davidma: —Chitji̧, kwujuluwachibanö yebabökönö ja̧nö kwotido. Yebabökönö ja̧nö, dakwö ja̧takwajö jö̧ba̧lö omukwatökönö kwö̧jo, ötjö chösödökwe Dios, Isabenö Jo̧ Dios ökwökwö ö̧jobetjö̧. Kwö̧jelö 'da̧bachibökönö, ökwönö le'dedö loökakwo̧ chitji̧, isabenö ökwökwö pjabatö ö̧jakwo̧, okobe jwiinö iteda eju, Isabenö Jo̧ eju, kwotido jö̧ka̧lidanö otidö kakatakwawenanö baibanö.
Moises ö'wö baibakwa̧ abönö, ömamiju Josuenö 'bieba̧linobe, —Biteda israel jojodönö öbibö ö̧jakwo̧, —jö̧ba̧lö, ja̧danö Diosma pjaatinobe Josuenö, otiwanö waisanö omukwatobö. Jo̧kwajabetjö̧, Israel jojodöma otiwanö Josue wei̧ a̧ja̧kwö tjö̧jinobe, ja̧danö Isabenö Jo̧ weina Moises yöawina jawa ja̧bö tjö̧jinobe.
Jo̧kwajabetjö̧ Josue, kwujuluwachibanö yebabökönö ja̧nö, ökwödönö weköbo jö̧ka̧li̧danö webi, ja̧danö a̧ja̧kwö dö̧ja̧kwakwedösa. Ja̧danö bakwo̧bi weköbi̧ öpöjödö, chuluwo̧bö̧kö̧ Josuema jö̧ba̧lö, weköbaja̧ a̧ja̧kwökönö ö̧jitjö̧ma, jo̧banö lȩbebö kwabö lodakwedösa, isabenö weköbi̧ da̧ja̧kwobö jo̧betjö̧, —jö̧balö tjatadinobe.
Isabenö kwujuluwachibanö pjatatakwo̧sa, baikwö yötawa: Ina 'yaba̧lo̧ kwö̧jayi, kwöpöjojodötjö bakwo̧bi ökwönö ujuluwobö jwiakobe, okobe deinö kwöba a'otjö dötjibajakwedö. Jau Josue, Moiseskwö ja̧nö pjatatinadanö, ökwökwöbi ja̧nö pjatatakwo̧sa, isabenö ba̧kwelöjatebö ökwökwö chö̧ja̧kwo̧sa, la'akatjöda ökwönö katatibökakwo̧sa.
Ja̧ möle baleditjö̧, Isabenö Jo̧ma öwaetjöda öwawinö okobe deinö israel jojodö tjöba a'otjö i̧sȩbinobe Josuenö, Isabenö bite Josueda chömöledö israel jojodö tjuluwo̧ baibanö kabebö chujunajökwe, jö̧ba̧lö. Ja̧danö, jejenö i̧sȩbiawö̧, Moisesnö otiwanö omukwatö tjö̧jinadanö, Josuenöbi otiwanö omukwatö tjösödinobe, Biteda duluwo̧ baibanö Dios omudawö ujuninökwema jö̧ba̧lö̧, ja̧danö jejenö Josuenö ösödö tjö̧jinobe, bajaliyanö ö'wö baibenanö kabatö.
Isabenö Jo̧ Diosma isabenö chö̧jibinö pjaatinobe, didibadötjöbi, ojwe yawi ödöbaedötjöbi, ja̧danö jo̧ba chö̧jibinö pjabatinada filisteo jojo Goliattjö chö̧jibanö pjaatakwo̧, —jö̧ba̧lö yöa̧linobe Davidma. Yöa̧lökwe, —Jau, otiwa, filisteo jojonö kwölakwabikwawo, ja̧danö Isabenö Jo̧ ökwönö pjaatobö chösöda, —jö̧ba̧lö atadinobe Saulma.
Ja̧danö ju'wibi isabenö yötawakwö David, chabe'do ökwönö suli̧ öwaedobö ösöditjö̧bi, ja̧bi isabenö yötawocha, belö labebö, wene jwiobekwö otiwanö dökibajobö, baikwö yötawa: Chabe'do ökwönö suli̧ öwaedobö omukwati̧ waisachibajo̧, ökwönö yötawökötjö̧ma, Isabenö Jo̧ Dios ötjö Jonatannö labinö lȩebobö jȩna. Jau David isabenö tojökönö yötawocha. Isabenö chösödi̧ma baikwö yötawakwö chömöledöso̧ David, Isabenö Jo̧ ökwökwö ja̧nö pjaatobö chösöda, bakwainö chabe'dokwö ja̧nö pjaatinadanö.
ကြော်ငြာတွေ