Diosnö ösödo̧ Job mikwo̧ usula emawina jawa 9:7 - Dios Iwene

⁷ Ju'wibi jawo̧nö, –Labebökönui, –jö̧ba̧lö weenama, labebö̧kö̧ jawo̧ma, ja̧danö ju'wibi ösödenama si̧li̧'idö tjidejatökönö tjöbeba̧lo̧ Diosma.

Diosnö ösödo̧ Job mikwo̧ usula emawina jawa 9:7 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 37:7

Jejenö webö, okobe deinö tjotidawakwena katjatibobö webo̧, okobe deinö jojodö edö Dios otidi̧ tjöwaisakobetjö̧.

Isaías 13:10

Jau, isabenö jwiinö labikobe ja̧ mölema, sasokwena lö̧jadö si̧li̧'idöbi, okobe deinö ju'wedö si̧li̧'idöbi tjidejati̧ katjatibakwedö, ja̧danö möle jawo̧ laebenama, dejatökönö laebakwo̧, ja̧danö yöte jawo̧bi idejatökakwo̧.

Daniel 4:35

Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Mateo 24:29

Ja̧danö juluwanö ja̧ möle usula tjemawaja̧ ikenama, Jawo̧ yȩatibakobe, ja̧danö yö̧te jawo̧ma idejatökakobe, ja̧danö si̧li̧'i̧döma mölejȩbetjö metjakobe, ja̧danö okobe deinö mölejȩnö la̧jadöma wainö batjibakobe.

Josué 10:12

Ja̧danö, ju'wibi baledinobe ja̧ möle, Isabenö Jo̧ israel jojodö amorreo jojodönö tjujuluwobö pjaatina mölema. Ja̧ möle ju'wedö israel jojodö tja̧ja̧kwonö, Josuema Isabenö Jo̧nö aebinobe, —Jawo̧ma meajökönö Gabaon wame ö̧jobö chösöda, ja̧danö yöte jawo̧ma Ajalon wabeko wame kwebachökönö ö̧jobö chösöda, —jö̧ba̧lö aebinobe.

Josué 10:13

Ja̧danö, jawo̧ma jobe bakwenanda 'yö̧könö ö̧linobe, ja̧danö yö̧te jawo̧ma kwebachökönö ö̧linobe, israel jojodöma tjöpöjojodönö tjujuluwenanö baibanö. Ja̧ baledina wenema, Jaser iwȩyudina'yenö laebobe, baikwö: —Jawo̧ma mölejȩ ja'ö 'yö̧könö bakwenada ölinobe, juluwanö meajökönö, ja̧danö bakwöta möle jenanö, jobe ö̧linobe jawo̧ma, —jö̧ba̧lö laebobe.