Diosnö ösödo̧ Job mikwo̧ usula emawina jawa 9:5 - Dios Iwene

⁵ —Isabenö jwiinö juluwo̧ Diosma, baikwö yötawa: Baledakwa̧ wajwitjonö, mösa'iju pjolatö lobo̧ Diosma. Jwiinö juluwo̧obetjö̧, ödameakwenama mösa'iju 'yebö lobo̧,

Diosnö ösödo̧ Job mikwo̧ usula emawina jawa 9:5 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 26:6

Jau, debö 'yi̧nadö tju̧ju̧kwemibi edö waiso̧ Diosma, ju'wedö debö 'yi̧nadö tju̧ju̧kwemi tjedököjayonö, tjöekwi̧ma ja'yubebi jwiobe, jobe debö 'yi̧nadö tjuju̧kwemibi Dios edapji jö̧ba̧lö. Isabenö okobe jwiinö edo̧ Diosma.

Diosnö ösödo̧ Job mikwo̧ usula emawina jawa 28:9

Jo̧kwaijayonö, yayonö jojodöma jobe ju'wedö wajwitjobe ichibö, inawa 'diawa 'dabö otidadö. Mösa'o la'aka ichibanö, mösa'o la'aka jawa sobadö, tjösödi̧ jawa tjemakobetjö̧.

Diosnö ösödo̧ Job mikwo̧ usula emawina jawa 34:25

Jau, isabenö jobadö ja̧bö tjö̧ji̧ edö öwaisobetjö̧, yö̧te ja'ö jwibatö lobo̧ jobadönö, jwiinö söbebö lobo̧ jobadönö.

Diosnö ösödo̧ Job mikwo̧ usula emawina jawa 40:11

—Sulabedönö kwödameakwi̧ i̧sȩbö, jelobekwena ju̧kwadönö lȩkebo, ja̧danö okobe deinö otiwadösa jö̧ba̧lö sulabenö omukwatadönö, nijakwö batjibanö jwibatö loköbo.

Diosnö ösödo̧ Job mikwo̧ usula emawina jawa 41:11

Bakwo̧bi ötjönö iyajo̧, –Chiyaja̧ tjekatobö wetakwö, –jö̧ba̧lö ötjönö weobö jȩnaji̧? Ja̧maökö Job. Kwöwaisa, okobe jwiinö bö̧jȩnö ji̧ma, ötjöda chitea jo̧be, bakwo̧bi, –Tjebatitjö, –jö̧ba̧lö weoböma jwibo̧.

Isaías 40:12

Isabenö duluwo̧ Diosdanöbo̧ma deobe. Jo̧bada iteda ömamunö jwaibalawa badedö edinama, ojwiyo dokwa nöinö lo̧ojobö jö̧ba̧lö. Ja̧danö jo̧bada ötö'anö ba̧ja̧dö, mölȩjȩ ba̧ja̧dö edinama, dokwa jalojobö jö̧ba̧lö. Jo̧bada böjȩ niji̧so̧pja ba̧ja̧dö edinama, jo̧bada mösa'iju dokwa nöinö ömökojobö jö̧ba̧lö, ba̧ja̧dö edinama.

Mateo 21:21

Atjebökwe, Jesúsma atadinobe: —Isabenö yötawaduwakwö chömöledö, Diosma isabenö atebi̧danö ja̧akwo̧ jö̧ba̧lö Dios ujulu ösödö, waekwena jö̧ba̧lö omukwatökönö Diosnö akebaduwitjö̧ma, towi kököbachibö woobö ja̧taja̧danö ja̧köbaduwena chömöledö, jo̧kwaijayonö ja̧damaökö. Jau chömöledö, jwaikwöda Dios ujulu ösödö bi'o mösa'o, Pjolachibö ojwe okwa babibi, jö̧ba̧lö weköbaduwitjö̧ma, weköbaduwaja̧danö baibakobe.

Mateo 27:51

Ja̧danö, Jesús ö'wö baibenama, Dios ejutjö jojodö teachakwawökȩko̧ tjöekwado̧ma kȩachajinobe, mötjö nijakwö bajalenö, ja̧danö niji tjö̧awinobe, ja̧danö inawiya 'dabö lileibinobe.

Lucas 21:11

Ja̧danö niji labinö tjö̧awakobe, ja̧danö jelobetenia a̧wi̧chi̧ ja̧kobe, ja̧danö nöinö tjö'wöchi̧ ja̧kobe, o̧bukwedöda 'dö̧tjachökönö. Ja̧danö mölejȩbetjö labi̧ jawa i̧sekwakobe, ja̧danö nöinö juluwi̧ jawa mölejȩbetjö i̧sekwakobe.

1 Corintios 13:2

Ja̧danö, otiwanö Dios yöawi̧ yötawobö chöwaisena, ja̧danö okobe jwiinö chöwaisena, jojodö wajwitji̧ jawabi chöwaisena. Ja̧danö, jwaikwöda Diosnö chösödena, okobe jwiinö juluwo̧ jö̧ba̧lö. Jau chömöledö, mö'ösa'iju pjolachibinö weto jö̧ba̧lö Diosnö chösödena, Diosma mö'ösa'iju pjolachibinö ja̧obö juluwo̧ jö̧ba̧lö. Jo̧kwaijayonö, ju'wedönö ösödakwabikwawökönö chö̧jitjö̧ma, mikwawö̧kö̧sa chömöledö.

Apocalipsis 11:13

Katjekwachaja̧ okobema böjȩ niji jwiinö tjö̧bebö li̧leibobe. Yelösöda, tjö̧bebö li̧leibobetjö̧ jobe comunidad o̧di̧juma pjolachakwawobe. Ja̧danö, jobe ju̧kwadöma, siete mil jojodö wotjobe, jejenö niji tjö̧bebö li̧leibobetjö̧. Ja̧danö, jejenö baledobetjö̧ ju'wedöma jwiinö yetjaibobe. Ja̧danö, Diosnöda omukwatö tjösödobe, ¡Ayö! Diosma, mölejȩbe jo̧ma, jwiinö juluwo̧, jö̧ba̧lö.

Apocalipsis 6:14

Ja̧danö, mölejȩma ösöja 'bo̧dachibi̧danö baibobe chedijatö, öwawököje baibanö. Ja̧danö, mö'ösa'ijubi, ö'wejesa'ijubi jelöma pjolachibö jelobekwö jamatobe chedijatö.