Diosnö ösödo̧ Job mikwo̧ usula emawina jawa 9:4 - Dios Iwene

⁴ Jau, isabenö jwiinö waisanö omukwato̧ Diosma, ja̧danö isabenö jwiinö juluwo̧. Bakwo̧bi Dios öba a'o 'diinö jwöjwöbakwawö jo̧ ö̧jȩnaji̧? Bakwo̧bi Dios öba a'o ja̧nö, isabenö wene jwibo̧sa i̧sȩbo̧ma ö̧jenaji̧? Deobe la'akatjöda. Bakwo̧bi Dios öba a'o 'diinö jo̧ma deobe.

Diosnö ösödo̧ Job mikwo̧ usula emawina jawa 9:4 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 11:6

Okobe jwiinö waisanö omukwato̧ Diosma Job, jo̧kwajabetjö̧ jo̧bada ökwönö ataditjö̧ma, waisanö omukwatakwawa okwa jawa labebö lobö yöawena. Ja̧danö, baikwö yötawakwö Job, –Wene jwibo̧sa —jö̧ba̧lö yöka̧lajayonö, isabenö wene juna̧lo̧ja, ja̧danö, –Nöinö lȩebökwesa, –jö̧ba̧lö budekwö yöka̧lijayonö, ja'yubeda Dios lȩebökweja. Sulabenö ja̧köbiökwe, isabenö babe lȩebi̧tjö̧ bajalekwönönö labinö ökwönö lȩebobö jo̧be.

Diosnö ösödo̧ Job mikwo̧ usula emawina jawa 12:13

Jo̧kwaijayonö isabenö waisanö omukwatö jo̧ma, Diosda. Jo̧bada isabenö juluwo̧ma, jo̧bada waisanö lȩekwa waiso̧ma, ja̧danö jo̧bada okobe jwiinö okwa jawa waisanö omukwato̧ma.

Diosnö ösödo̧ Job mikwo̧ usula emawina jawa 15:13

Jau Job, jwiinö dameakwo̧ja, kwo̧'wo luwonö Diosnö kwödameakwawenanö baibanö, jwiinö sulabenö jo̧banö yöka̧lenanö baibanö.

Diosnö ösödo̧ Job mikwo̧ usula emawina jawa 23:6

—Jau chömöledö, Dios öba a'o chichibobö ji̧tjö̧ma, dameakwö, iteda ujulunö söbebö loökena Diosma, lȩlöjinö edö, otiwanö labebö lobö yötawi̧ a̧ja̧kwena,

Diosnö ösödo̧ Job mikwo̧ usula emawina jawa 24:22

Jo̧kwaiökwe, isabenö iteda ujulu i̧sȩbö, sulabedönö lȩebakwo̧. Jau chömöledö, Dios jobadönö lȩebobö a̧la̧ibenama, sulabedötjö inesö juluwadönöbi lȩebakwo̧, ja̧danö lȩebenama, Diostjö tjö̧jibobö jwitjakwedö, isabenö debö tji̧'yakwedö.

Diosnö ösödo̧ Job mikwo̧ usula emawina jawa 25:2

—Isabenö okobe deinö inesö la'aka tjuluwo̧ma Diosda, isabenö okobe deinö yetjabo jö̧tja̧lökwema, jo̧bada. Diosda juluwo̧obetjö, mölejȩ ju̧kwadö angeledöma Diosnö yebabinö omukwatö, ölakwabikwawökönö tju̧ju̧kwobe.

Diosnö ösödo̧ Job mikwo̧ usula emawina jawa 28:23

—Jo̧kwaijayonö, okobe deinö ju'wedö wajwitjonö, Diosda waiso̧ chömöledö, jo̧bama waiso̧, isabenö waisanö omukwatakwawa waisachibakwawelöma.

Diosnö ösödo̧ Job mikwo̧ usula emawina jawa 36:5

Diosma isabenö juluwo̧, jo̧kwaijayonö juluwo̧jayonö, jojo bakwo̧nöbi öpöjödö̧kö̧, –Bitema mikwawö̧kö̧, –jö̧ba̧lö. Isabenö juluwo̧ Diosma, ja̧danö okobe jwiinö okwa jawa waiso̧ Diosma.

Diosnö ösödo̧ Job mikwo̧ usula emawina jawa 37:23

Okobe Jwiinö Juluwo̧ Diosma, isabenö jwiinö juluwo̧, domukwati̧tjö bajalekwönönö isabenö jwiinö juluwo̧. Ju'wibi bakwainö sulabe jwibo̧ Diosma, jadanö lȩekwa yöawo jö̧a̧li̧danö bakwainö otiwanö yöbawo̧, la'akatjöda sulabenö ja̧bö̧kö̧ ökwödönöma.

Diosnö ösödo̧ Job mikwo̧ usula emawina jawa 38:36

—Tidaja jojodö tjomajadenö waisanö tjomukwatobö pjabato̧ma Job? Tidaja okwa jawa waisanö tjomukwatobö pjabato̧ma?

Diosnö ösödo̧ Job mikwo̧ usula emawina jawa 38:37

Tidaja waisanö omukwato̧obetjö, okobe jwiinö ojwiyo'wiju ö̧ba̧jadobö waiso̧ma, dokwa ba̧jȩkwa'wo jö̧ba̧lö? Ja̧danö nijiso̧pja 'diinö baibanö, ja̧danö niji lete'o baibanö, tida mölejȩ ji̧ i̧sa̧yu tobebö, ojwiyo o̧bobö webo̧ma? Ökwödaji̧?

Diosnö ösödo̧ Job mikwo̧ usula emawina jawa 40:9

—Ökwöma ötjö Dios chujuluwi̧danö, juluwo̧köbobeji̧? Böba ökwödö, chiwene ökwöi̧danö ökwöda kwiwene ökwödobö juluwo̧köbobeji̧?

Diosnö ösödo̧ Job mikwo̧ usula emawina jawa 41:2

A̧lachi'bo i̧su̧nö kwupu'yebobö kwöwaisenaji̧, kwösödena jo̧banö ökibakobetjö̧? Ja̧danö a̧jȩnö akwatö kwö̧lö̧'awobö kwöwaisenaji̧.

Diosnö ösödo̧ Job mikwo̧ usula emawina jawa 6:10

Jau, ba̧kwelöjatebö Sulabe Jwibo̧ Dios wei̧ a̧ja̧kwö chö̧jajabe, jo̧kwajabetjö̧ ö'wö batibitjö̧ma wene jwiinö cho̧'wo ösöwachibena, nöinö inia tjöbö ö'wö batibitjö̧bi, cho̧'wo ösöwachibanö debö chi̧'yena, –Otiwanö ö'wö batibajabe, –jö̧ba̧lö.

Diosnö ösödo̧ Job mikwo̧ usula emawina jawa 9:19

—Jau, isabenö ja'yubebi Dios öba a'otjö tjöteba̧lakwawobö jwibo̧sa, baikwö yöta̧la: Jo̧bakwö chölakwabikwawobö jö̧ta̧litjö̧ma, waekwena, Diosma jwiinö juluwo̧obetjö̧. Ja̧danö lȩekwa luwo̧ öba a'o öjamatobö wetitjö̧bi, waekwena, bakwobi lȩekwa luwo̧ öba a'o öjamatobö webo̧ deobetjö̧.

Éxodo 15:7

Jwiinö kwujuluwajabe kwöpöjojodönö, jwiinö juluwo̧köbobetjö̧. Jobadönö jwiinö kwölabobetjö̧ ökwöla ubö meje'ye jwiinö ubi̧danö jwiinö söbebö loköbajabe jobadönöma.

Éxodo 9:7

Ja̧danö, Egipto jojodö tja̧jwi̧mu ba̧jekwadö wotjawiökwe faraónma webijetö ömöayedönö Israel jojodö tjö̧jobekwö tjedajobö. Tjedemi ¡ayö! Israel jojodö tja̧jwi̧mu̧tjö bakwo̧bi wobijökötö. Ȩwa̧jö faraónnö yötjawijayonö ina omajade dibo̧nöda ji̧jetö, Israel jojodönö latjebobö webökönö.

Proverbios 28:14

Ja̧danö, ju'wibi yötawa: Isabenö Jo̧nö ba̧kwȩlöjatebö yebabinö omukwato̧ma o̧'wo̧ ösöwanö jo̧. Jobekwö ö̧jokobe bakwo̧, omajade 'dibo̧ma. Jo̧ba omajade 'dibo̧nöma suli̧ jawada baledakobe.

Proverbios 29:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Bakwo̧nö ba̧kwȩlö̧jatebö jwebebö yötjawijayonö uu 'diobe a̧ja̧kwökötjö̧ma ju'winö juluwanö 'dö̧achakwo̧, ö̧bibajoböma jwiinö.

Isaías 45:9

Ayö, bakwo̧ jo̧banö otidina Dioskwö ölakwabikwawö jo̧ma, isabenö wene juna̧lo̧. Jo̧bajayo̧nö baikwö wanedö yöta̧la: Jo̧bajayo̧ma, sule lete'otjö dadawayu i̧sa̧yu, jeleyubiya 'da̧de ja̧yu mikwawököyudanö ichejekwo̧. Ja̧danö, lete'oma, dadö otido̧nö, —Taji kwotida? Sulabenö otido̧ja, lete'otjö otikwa wajwibo̧ja, —jö̧ba̧lö yöa̧lobö jȩnaji̧?

Daniel 2:20

ja̧danö Diosnö ösödö Daniel yöa̧linobe: —Isabenö ba̧kwȩlö̧jatebö kabatökönö Diosnö dösödobö jo̧be, isabenö jo̧bada waisanö omukwato̧obetjö̧, ja̧danö isabenö jo̧bada juluwo̧obetjö̧.

Romanos 11:33

Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.

1 Corintios 10:22

Chömöledö, jejenö ja̧bö Duluwo̧ ökwödönö ödameakwo jö̧ba̧lö ja̧dena ichejekwa, ökwödönö ö'wiabinö edo jö̧ba̧lö. ¿Dakwö kwomukwataduwa chömöledö? ¿Ökwödöma Duluwo̧nötjö o̧penönö juluwadödobeji̧, jejenö wene jwiinö ja̧do jö̧ba̧lö? Juluwöködösa chömöledö.

Efesios 1:19

Ja̧danö, Diosnö atebobe do̧batö kwöwaisachibaduwobö kwo̧'wo̧ luwo̧duwinö, Diosma jwiinö juluwo̧, jö̧ba̧lö.

Efesios 1:8

Chömöledö Diosma otiwanö waisö, ökwödönö jwiinö lȩlö̧jino edö webijetö itji̧nö, ja'yubebi a'dȩlökönö iyö.

Efesios 3:10

Ja̧danö, mölejȩnö ju̧kwadö juluwadö ángelesdöbi, ángelesdö tjuluwedöbi Jesúsnö ösödadönö edö jö̧tja̧lakobe, Aaa, judío jojodöma judío jojodöböködökwö babema bakwaso jojodödanö babibadö, jö̧ba̧lö. Ja̧danö, tjöwaisachibakwedö, Ayö, Diosma jwiinö waiso̧we, jö̧ba̧lö. Jobadöma jejenö edö tjöwaisachibobö ösödo̧, Diosma.

Efesios 3:20

Jo̧kwaobetjö̧ chömöledö, jo̧banö dösödaduwo, Diosma jwiinö otiwo̧, jö̧ba̧lö. Jo̧bama do̧'wo̧ luwo̧nö ö̧jobe, iteda ujulunö pjabatö ökwödönö. Jo̧banö adebenama pjabato̧, iteda ujulunö. Ja̧danö, Diosma otiwanö tupakwö pjaatobe. Ökwödö omukwatö adebi̧tjö bajalekwönönö otiwanö tupakwö pjaatobe.