Diosnö ösödo̧ Job mikwo̧ usula emawina jawa 9:20 - Dios Iwene

²⁰ Isabenö sulabenö ja̧tinököjayonö, ötjöda chiwenebi sulabo̧ chö̧ji̧ i̧sȩbena, ja̧danö sulabenö ja̧tinököjayonö, yayonö Dios i̧sȩbena, –Isabenö wene juna̧lo̧ Jobma, –jö̧ba̧lö.

Diosnö ösödo̧ Job mikwo̧ usula emawina jawa 9:20 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 1:1

Uz nijinö bakwo̧ ö̧jinobe, Job mikwo̧ma. Jobma otiwanö wene jwibo̧ ö̧jinobe, Dios ösödi̧danö ja̧bö ö̧jinobe. Otiwanö yebabinö omukwatö ösödinobe Diosnö, ja̧danö jwaikwöda suli̧ jawa öpöjödö ö̧jinobe, Dios öpöjödi̧ jö̧balö.

Diosnö ösödo̧ Job mikwo̧ usula emawina jawa 10:15

Jau, sulabenö ja̧bo̧ chö̧jitjö̧ma, ötjöwe, isabenö lȩkebi̧tjö chö̧jibobö jwiena. Jo̧kwaijayonö, sulabenö jatinökötjö̧bi, yayonö usula emawö tabakwö jo̧sa. Jau chuluwo̧, isabenö usula emawö chö̧ji̧ edö, tabakwö jo̧sa babema.

Diosnö ösödo̧ Job mikwo̧ usula emawina jawa 14:17

Ja̧ möle ötjö sulabenö ja̧tina wȩyukwöja tuda'wo okwa anö loköbena, ja̧danö chusula o̧tjö̧ loköbena, jejenö baibobö chösöda chuluwo̧.

Diosnö ösödo̧ Job mikwo̧ usula emawina jawa 34:35

–Job yöa̧li̧ma, wajwibö yöba̧lo̧, yöa̧li̧ma, okwa jawa waisachibökönö omöna jawa yöba̧lo̧.

Diosnö ösödo̧ Job mikwo̧ usula emawina jawa 35:16

Jau Job, jobekwö yöba̧lö, yöta̧lajawö̧ jwöbeba̧ladödanö ichejekwo̧ja Job, ja̧danö nöinö yöka̧lijayonö, mikwa jwii̧ yöba̧lo̧ja. Jau Job, jejenö dötölatajanö yöka̧lenama, wajwibö sule yöa̧lakwawa ko̧ko̧dabinö mikwa jwii̧ jawada yöba̧lo̧ja, —jö̧ba̧lö yöa̧linobe Eliuma.

Diosnö ösödo̧ Job mikwo̧ usula emawina jawa 4:17

–Bakwo̧ woba jojo, Dios öba a'o wene jwiinö ö̧jobö jȩnaji̧? Jojodönö otidina Dios öba a'o bakwo ö̧jenama, -Bitema sulabe jwibo̧, -jö̧ba̧lö Dios yöa̧lenaji̧? Ja̧maökö, baikwö yöta̧la:

Diosnö ösödo̧ Job mikwo̧ usula emawina jawa 9:15

Sulabenö ja̧tinököjayonö, yayonö atadakwawa jwiinö chö̧jibena. Jau, öba a'o ja̧nö chatadobö jwibo̧sa, atadökönö, abeböda, –Chuluwo̧, lȩlöji̧nö kwedobö atebakwö, –jö̧ba̧lö budekwö atebobö jȩna.

Diosnö ösödo̧ Job mikwo̧ usula emawina jawa 9:2

—Jau Bildad, chöwaisa, yöka̧li̧danö jo̧be. Jo̧kwaijayonö, baikwö yöta̧la, bakwo̧ sulabenö ja̧inökötjö̧ma, Dios öba a'otjö dakwö i̧sȩbobö, wene jwiinö ö̧ji̧ma.

Diosnö ösödo̧ Job mikwo̧ usula emawina jawa 9:28

Jo̧kwaijayonö yetabi, chedemi jejenö budekwö katatibitjö̧ma, yayonö bakwainö inia tjöbö usula chemawena, jadanö ju'wibi, chedemi ötjönö kwomukwatökena, –Jobma sulabenö ja̧bö̧kö̧, –jö̧ba̧lö.

Diosnö ösödo̧ Job mikwo̧ usula emawina jawa 9:29

Jau chuluwo̧, ida̧ökö ötjönö yöbawö kwujunajabe ichejekwa, –Jobma sulabenö ja̧bo̧, –jö̧ba̧lö. Jejenö ida̧ökö ötjönö yökawajabema, tajawedö ina kwöba a'otjö yötawoböjö? Kwöba a'otjö sulabenö ja̧bökönö chö̧jobö chisakwi̧ma mikwawokobe ichejekwa, ¡ötjöwe!

Proverbios 10:19

Ja̧danö, ju'wibi yötawa, wanedö: Bakwo̧, nöinö yöba̧lo̧ma, iteda yöa̧li̧tjö sulabe jawa laebena, nöinö yöa̧lobetjö̧. Isabenö yötawa: Jweinö omukwatö jo̧ma nöinöma yöba̧lö̧kö̧.

Proverbios 17:20

Ja̧danö, ju'wibi yötawa: Bakwo̧ o̧'wo̧ sulinö edo̧ma la'akatjöda otiwanö ö̧jökakwo̧. Ja̧danö, ju'wibi: Ba̧kwȩlö̧jatebö omöna yöba̧lo̧nöma jwiinö labi̧ jawa baledakwo̧.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Lucas 10:29

Jo̧ba Moisés iwȩyudina ba̧ja̧do̧ma öwaisinobe, okobe deinö jojodönö ösödö̧kö̧sa jö̧ba̧lö. Jo̧kwaijayonö ju'wedönö öpöjödijayonö, omukwatinobe, jobadönö chöpöjödi̧ma sulökö, ötjö chömöledötjokobetjö̧ jö̧ba̧lö. Jejenö omukwatö, Jesúsnö abebö a̧ja̧kwinobe: —Chömöledöso̧nö chösödobö jo̧be jö̧ba̧lö laebi̧ma, ¿ditenö wanekwachobeda? ¿Didönö chösödobö wanekwachobeda? Okobe deinö jojodönö chösödobö laebokobe, ¿jö̧tö?— jö̧ba̧lö.

Lucas 16:15

Jejenö otjiökwe, Jesúsma jobadönö yöa̧linobe: —Ökwödöma jojodö tjöba a'otjö otiwadödanö kwichejekwaduwobö ja̧bö ju̧kwadöja, jo̧kwaijayonö Diosma wamenö otiwadödanö kwichejekwaduwi̧ma omukwatö̧kö̧, Diosma kwomajadeduwinö sulabenö kwomukwataduwi̧ waiso̧. Jau, jojodö tjedemi biya̧ma nöinö mikwawi̧ jö̧ba̧lö tjösödi̧ jawama, Dios edemi mikwawökö ji̧, iteda öpöjödi̧ jawaobe. Ja̧danö, jojodö wamenö ökwödönö edö bidöma otiwadö jö̧ba̧lö tjomukwatijayonö, Diosma kwomajadeduwinö edö öpöjödobe, Bidöma sulabedö jö̧ba̧lö. —