Diosnö ösödo̧ Job mikwo̧ usula emawina jawa 8:8 - Dios Iwene

⁸ —Jau Job, damötjö̧ baledina jawa kwomukwato, ökwödötjö ajayinö ji̧nadö tjöwaisachibina jawa kwomukwato.

Diosnö ösödo̧ Job mikwo̧ usula emawina jawa 8:8 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 12:12

Ja̧danö, yöka̧laduwaja̧danö, damöma isabenö waisanö omukwatadö tjö̧jobe, ja̧danö lekwe möle tjö̧jajabetjö̧, okwa jawa tjöwaisachibobö waisadö.

Diosnö ösödo̧ Job mikwo̧ usula emawina jawa 13:1

Job tupakwö yöa̧linobe: —Jau chömöledö, okobe jwiinö ja̧ yötawaja̧ jawama, chöbajalebiyanö chedajabe, ja̧danö chölakiyunö a̧ja̧kwö, okwa jawa chöwaisachibajabe.

Diosnö ösödo̧ Job mikwo̧ usula emawina jawa 15:10

Isabenö waisadösa ökwödöma, baikwö yötawa: Kwabe'dotjö bajalekwönönö damöbedö, ida̧ökö tjöwö'ye dewadöma, ökwödö domukwati̧danö bakwainö omukwatadö, isabenö waisadösa ökwödöma, ökwönö yödawi̧ isabenö kwa̧ja̧kwobö jo̧be Job.

Diosnö ösödo̧ Job mikwo̧ usula emawina jawa 15:18

Jau Job, damötjö Diosma da'dödönö niji iyinobe, isabenö waisadönö, ja̧danö jobadöma isabenö bakwainö waisanö omukwatö tjö̧jinobe. Jelobetjö ichajadö sulabenö omukwatadötjö bakwobi tjö̧'da̧de ichibö suli̧ öwaedinokobe, ö'öbönö tjomukwatobö, isabenö bakwainö otiwanö tjomukwatinobe jobadö da'dödöma. Jobadö yötjawina jawa yötawocha ökwönö Job, tjö̧ba̧jadina jawa tojata̧lökönö, otiwanö yötawakwö Job, baikwö:

Diosnö ösödo̧ Job mikwo̧ usula emawina jawa 20:4

—Kwöwaisa Job, lekwema juluwöködö sulabedöma, ja̧danö Diosnö öpöjödadö tjo̧'wo ösöwanö tjö̧ji̧ma, juluwanö 'dö̧ibajobe, jö̧tö? Jau Job, Dios ajayinö jojodönö otidajo̧, bö̧jenö tjö̧jobö weinemi baikwö bajalenö, lekwema otiwanö jö̧ködö sulabedöma, la'akatjöda.

Isaías 38:19

ina 'yata̧li̧danö 'yaba̧ladöda babe ökwönö ösödö yöta̧li̧danö ösödö yö̧tja̧lobö jo̧be, isabenö otiwanö chö̧jibinö pjakatajabe, chuluwo̧. Isabenö otiwanö pjabato̧ja chuluwo̧, ja̧danö jobekwö pjakati̧tjö̧, chitji̧munö 'yatebakwo̧sa, ja̧danö jobadö tjö̧ji̧ma öwaetjöda öwawinö tji̧sȩkwakwedö, —Diosma isabenö jö̧a̧li̧danö ja̧bo̧, —jö̧ba̧lö.

Romanos 15:4

Jau chömöledö, Dios iwene damötjö tjiwȩyudina jawama, ökwödö döwaisachibobö tjiwȩyudinobe. Ja̧danö, tjiwȩyudina döwaisachenama, dujuluwachibanö döwaisachibena, ja̧danö juluwanö me'dawachibökönö, Diosnö do̧'wo̧ wana̧lö dö̧jena, Isabenö Dios jö̧a̧li̧danö baledakobe, jö̧ba̧lö.

1 Corintios 10:11

Jau chömöledö, ja̧ jobadönö baledinama, ju'wedönö wanedö i̧sekwa baibanö baledinobe, ja̧danö ökwödö 'dö̧ibaji̧ möle ju̧kwadönö ba̧ja̧dakwawa baibanö tjiwȩyudinobe chömöledö.

Deuteronomio 32:7

Damötjö baledina kwomukwataduwo, kwa'dödöduwi tjö̧jinena baledina jawa kwomukwataduwo. Ja̧ baledina jawa kwabe'doduwinö abebö kwa̧ja̧kwaduwitjö̧ma, kwöwaisachibaduwobö yöawakobe, damönö abebö kwa̧ja̧kwaduwitjö̧ma, ja̧ baledina yötjawakobe.

Deuteronomio 4:32

Tupakwö yöawinobe Moisesma, israel jojodönö: —Chömöledö, Dios ökwödönö pjaatina jawa kwomukwataduwo. Dios jojodönö otidinemi möletjö, baikwö baibanö, Dios ökwödö israelnö pjaatinajaye, ju'wedö tjösödökwema ösödadönö Dios ökwödönö pjaatinadanö pjaatinaji̧? Bö̧je ba̧kwemeachibanö ju̧kwadö tjösödawö̧tjö bakwo̧bi deobe, Dios ökwödönö pjaati̧danö pjabato̧ma, jö̧tö?