Diosnö ösödo̧ Job mikwo̧ usula emawina jawa 5:22 - Dios Iwene

^22-23 —Ja̧danö ju'wibi, jelobetenia tjöbatjiju suli̧ waekwiawö̧, a̧wi̧chi̧ tjötjenabi, wene jwiinö otiwanö kwo̧'wo ösöwanö oköbakwo̧ja Job, yebabökönö, baikwö wanedö yötawa: Jelobetenia tjöbatjiju pokwapji jö̧ba̧lö, inawiya tjöeba̧lijayonö, Dios ökwönö pjaatobetjö̧, inawiyama ja'yubebi tjöeba̧lökakobe kwöbatjoma, ja̧danö otiwanö kwöbatjo wa̧ji̧ kwukwakwo̧ja. Ja̧danö ju'wibi labidö tebonö ju̧kwadö tjö̧jijayonö yekabökakwo̧ja, baikwö wanedö yötawa: Dios ökwönö pjaatobetjö̧, ökwökwö tebonö ju̧kwadökwö dösölö̧jinö kwö̧jaduwakwa̧ wene bakobe yöbawö kwö̧jinaduwobedanö ichejekwakobe, ju'wedönö suli̧ tjöwaedonö, tebonö ju̧kwadö labidöma ja'yubebi ökwönö suli̧ tjöwaedökakobetjö̧.

Diosnö ösödo̧ Job mikwo̧ usula emawina jawa 5:22 ပူးပေါင်းရင်းမြစ်များ

2 Reyes 19:21

Ja̧danö akebaja̧ a̧ja̧kwajo̧, ötjö Isabenö Jo̧ma baikwö yöta̧la jo̧banö: Senaquerib, Sion mösa'o ya̧dö möayedöma ökwönö öpöjödö yö̧ba̧ladö, -Senaqueribma juluwö̧kö̧, -jö̧ba̧lö, Jerusalen ya̧döma tjuu löwö löwö obadö ökwönö.

Diosnö ösödo̧ Job mikwo̧ usula emawina jawa 8:21

Jo̧kwajabetjö̧ isabenö jweinö omukwatö jo̧banö kwösöditjö̧ma, isabenö ökwönö pjaatakwo̧, babe kwo'wo tjo̧achijayonö, isabenö kwo̧'wo ösöwachibanö oköbobö pjaatakwo̧, ja̧danö kwo̧'wo ösöwanö jwökeba̧lobö pjaatakwo̧.

Isaías 35:9

Tebonö ju̧kwadö labidöma deakobe ja̧matjö, didibadöbi, ju'wedö tebonö ju̧kwadö labidöbi deakobe. Ja̧manö kwetjachakwedöma, Dios tjö̧jibinö pjaatinawö̧da.

Isaías 65:25

Okobe jwiinö chitea'o mösa'o ba̧kwemeachibanö, otiwanö inia tjöbökönö tjö̧jakwedö, otiwanö söbebö lotjököwö̧ tjö̧jakwedö. Ja̧ möle, tebo awilidö lobo ötjabawö̧ma, bakobe obejadökwö dösölö̧jinö ja̧nö, tju̧kwa tjukwakwedö. Ja̧danö didibadöma, meje'ye tjukwakwedö, pakayadö tjukwi̧danö. Ja̧danö a̧ko̧'döma, laböködö ja̧nö, nijinö ba̧nö nijiso̧pja̧da tjukwakwedö. Jobekwö baledakwa̧ ötjö Isabenö Jo̧ yötawajabe, isabenö yötawaja̧danö baledakobe, jö̧ba̧lö yöawobe Diosma.