Diosnö ösödo̧ Job mikwo̧ usula emawina jawa 5:20 - Dios Iwene

²⁰ A̧wi̧chi̧ tjököbenama, a̧wi̧chi̧tjö debö kwi̧'yapji jö̧ba̧lö kwö̧ji̧binö pjaatakwo̧ Diosma. Ja̧danö ju'wibi, tjölakwabikwawenama, ökwönö kwabö lotjapji jö̧ba̧lö tjöeba̧lakwo̧ Diosma.

Diosnö ösödo̧ Job mikwo̧ usula emawina jawa 5:20 ပူးပေါင်းရင်းမြစ်များ

Génesis 45:7

Jo̧kwaobetjö̧, Diosma ötjönö baikwö weinobe kwabönöduwi kwö̧jibaduwinö pjatatobö. Jejenö ökwödötjö tupadanö jojodö tjö̧jakobetjö̧ weinobe Diosma ötjönöma.

1 Reyes 17:6

Ja̧danö, jobe ö̧jonö, yȩayikwena bo̧lö̧ma panbi, itebiyabi tjichejebinobe, ja̧danö yi̧benakwena panbi, itebiyabi tjichejebinobe, Elias ukwobö, ja̧danö ojwetjö owö ö̧jinobe.

Proverbios 10:3

Ja̧danö, ju'wibi yötawa: Isabenö Jo̧ma jo̧ba wei̧ a̧ja̧kwö ju̧kwadönö pjaatakwo̧ la'akatjöda a̧wi̧chi̧tjö tjötjokobö. Jobekwö pjaatökakwo̧ Isabenö Jo̧ma sulabenö omukwatadönöma. Jobadöma ju'wi jawabi ju'wi jawa tjȩmobö isakwadö, nöinö tju̧juna̧lobö. Jobekwö nöinö tju̧juna̧lobö tjisakwijayonö Isabenö Jo̧ma tju̧juna̧loböma tjöwaekwinö ja̧akwo̧.

Isaías 33:16

Jobadöjayedöma, otiwanö wene jwiinö tjö̧jakwedö. Wene baledenama, jobadöma mösa'otjö, inawa ötöla 'diinö tjöekwemi tjö̧jobö tjöbadekwakwedö, ja̧danö otiwanö kwakwawabi, owawabi tjujuna̧lakwedö, —jö̧ba̧lö yöawobe Isabenö Jo̧ma.

Mateo 24:6

Ja̧danö, guerra kwakwatjakwawi̧ wene kwa̧ja̧kwaduwakobe, yöne kwakwatjakwawi̧ wenebi, jelobe ödötjö kwakwatjakwawi̧ wenebi, jo̧kwaijayonö ja̧ baledi̧ a̧ja̧kwö, kwo̧'wo̧ tjo̧achaduwa chömöledö. Jau chömöledö, ja̧ jawa isabenö baledobö jo̧be, jo̧kwaijayonö ina 'dö̧ibaji̧ möle baibokobe.